السلام عليكم ورحمة الله وبركاته
اخوانى واصدقائى ملاك البيتلز
كل عام وحضراتكم بخير وصحه وسلامه
بصراحه فات وقت كبير جدا من اخر مقابله لينا
ومش عارفين نستقر على موعد جديد للمقابله لظروف كل واحد منا
لزا اقترح عليكم اننا نفطر مع بعض افطار جماعى يوم السبت القادم
الموافق 5/9/2009 يعنى تانى يوم لافطار المنتدى
ويكون الافطار ده ان شاء الله فى مطعم شعبى (فول وطعميه)
يعنى تكلفة الفرد مش هتعدى 10جنيهات بالساقع
واقترح مبدئيا مطعم(الجحش) فى السيده زينب وده غنى عن التعريف
وبعد الافطار نشوف قهوه كويسه هناك ونكمل قاعدتنا
اتمنى من الجميع الحضور فى اليوم ده وكمان الاعضاء الجدد اللى لسه ماتعرفناش عليهم
وهما كمان مش عارفنا
وطبعا الدعوه عامه لكل ملاك فولكس واعضاء نايل موتورز ولينا الشرف طبعا
ومنتظر ردودكم واقتراحتكم