الصراحة انا مش فاهم ليه الناس بتشترى السيراتو الخليجى مع ان اسعار التوكيل ممتازة و اخر فئة عند الوكيل ب 126 الف؟؟
و ليه الواحد يضحى ب 5 سنين ضمان ؟؟ مقابل ايه؟
عرض للطباعة
الصراحة انا مش فاهم ليه الناس بتشترى السيراتو الخليجى مع ان اسعار التوكيل ممتازة و اخر فئة عند الوكيل ب 126 الف؟؟
و ليه الواحد يضحى ب 5 سنين ضمان ؟؟ مقابل ايه؟
انا عايز اقول حاجة ..
لو الوكيل عندة فى الوقت الحالى كانت الناس اشترت من عندة بالسعر دة وكمان ب 5 سنين ضمان .
حتى لو معندوش انا مش شايف ان 4 شهور يعنى الناس هتموت و خصوصا لو عنده عربية قديمةاقتباس:
انا عايز اقول حاجة ..
لو الوكيل عندة فى الوقت الحالى كانت الناس اشترت من عندة بالسعر دة وكمان ب 5 سنين ضمان .
و لو مستعجل اوى اوى ليه مبيشتروش بسعر زيادة من المعارض و خلاص و خصوصا ان الخليجى اغلى من التوكيل اساسا يعنى يا ريته ارخص او فيه options زيادة!!
هو فعلاً أرخص وفيه Options زيادةاقتباس:
يعنى يا ريته ارخص او فيه options زيادة!!
يعني لو قارنت الفئة (EX) اللي تمنها 109000 في التوكيل
هتلاقيها في المعارض ب112000 جنوط 16 ومن غير مفتاح ريموت
نفسها بالمواصفات الخليجي ب 110000 بس جنط 15 وفيها نواكل علي الأكر والتابلوه ومفتاح ريموت أصلي ومفتاح تحكم في ارتفاع اضاءة الفوانيس الأمامية ......صحيح الفرق مش كبير ولا جوهرى تماماً بس علشان تركب ريموت في التوكيل قالولي ب 700 جنيه ومش أصلي (صيني) ومش بيفتح الشنطة كمان....... دة غير اللعب في ضفيرة الكهرباء
طبعاً أنا عارف ان الضمان حاجة مهمة جداً بس لو هتقدر تستني .....احجز واستني (كل واحد أدري بظروفه طبعاً)
ويتهيألي قصة الOptions في الهاي لاين مش هتفرق ........دة لما الوكيل ينزلها
فرق كمان بينهم أن الخليجي ممكن تفصّل عربية بمواصفات علي قد فلوسك
يعني فيه من الخليجي جنوط 16 وتكييف تاتش وفتحة سقف و ABS وعداد عادي مش رياضي ومن غير Park sensor
وفيه نفسها بس التكييف بكرة مش تاتش ولكن بحساسات للركن وعداد eliminator
وفي منهم بجنط 17 .....
بس كدة وكل سنة وجميع أعضاء المنتدي بأحسن حال
بس ك total..... سيبك انت......
ما فيش أحسن من ضمان 5 سنييييييييييييييين (لو موضوع الوقت مش فارق معاك)
أنا أقولك ليه
- أولا ما فيش مصري ( والحقيقة من اللي شوفته فعمري ما هاصدق ان الأربع شهور هايبقو أربع شهور و بس)
خصوصا ان مندوب المبيعات قاللي و احنا في مايو " مش قبل أكتوبر" يبقى خليهالكو بقى
- ثانيا كماليات أكتر CD changer + auto dimming mirror (بالنسبة للهاي لاين)
- ثالثا اللون الأبيض الوكيل ما بيجيبوش اساسا
انا اشتريت أغلى من الوكيل بـ8 الاف جنيه ومش زعلان من جابر لأنه استغل الموقف و غلى العربية (هو ما ضربنيش على ايدي) بالعكس أنا زعلان من مبيعات التوكيل اللي مش عارفة - أو عايزة- توفر العربية للمشتري
و أنا مش ناوي اتبهدل و احرق دمي و كل يوم اتحايل عليهم .....بناقص
ولو ما كانش في خليجي ..كنت هاصرف نظر خالص عن السيراتو
يبقى تاجر الخليجي (مع استغلاله) حل لي و لغيري مشكلة
خصوصا اني مقتنع تماما ان العربية تستاهل تمنها اللي أنا اشتريتها بيه و مش زعلان
يا جماعة انا معاكوا ان ال 5 سنوات ضمان من الوكيل مهمه طبعآ بس المشكلة ان ياريت فترة الحجز تكون على اد ال4 شهور وبس لاكن بتطول عن كدة كتير دا غير انك تكون حاجز لون ويحطك امام الامر الواقع ساعة الاستلام ويجبرك على لون تانى وأما تستنى الدفعة القادمة وممكن برضة يكون فية مشاكل 000 ودة من ناحية ميعاد استلام السيارة فقط اما من ناحية المواصفات الزيادة اللى فى الخليجى عن الوكيل وبالتحديد فى فئة السيراتو sx هاى لاين فمنها:
1- ترصيع جلد للتابلوه وال4 ابواب وذلك اعطى فخامة مميزة وظاهرة لصالون السيارة ونهى على موضوع فقر الخامات الداخلية0
2- ترصيع بخياطة حمراء بلون اضائة العدادات الرياضية بها لعجلة القيادة والكراسى والكنبة الخلفية ومخادع الرأس بالكامل والجلد اللى بأبواب السيارة0
3- مراية صالون ذاتية التعتيم وهذة خاصية مميزة جدآ0
4- كاست cd تشينجر 6 cd وهذة ميزة قوية جدآ ايضآ0
ودى تقريبآ الميزات اللى فى الخليجى اللى على بالى دلوقتى وعلى فكرة من ناحية موضوع الصيانة فلا يوجد قلق منها نهائى لان السيارات الخليجى مسموح لها الصيانة بتوكيل كيا بدون اى مشكلة مع ذيادة بسيطة جدا فى المصنعيات وجميع الناس الموجدين بالتوكيل فعلآ محترمين جدآ ومعاملة فوق الوصف وبالذات فى فرع ابو رواش ودة ان شوفتة بنفسى لما كنت باروح مع صديق لية بيعمل صيانة للسيراتو بتاعتة قبل حتى ما انا اشترى سيراتو sx هاى لاين 2010 بصمة خليجى لون بلاتينيوم0
شكرا على الردود يا جماعة , انا مش بسال علشان اشترى انا بسال علشان كنت عايز افهم ايه اللى يخلى واحد يشترى عربية خليجى اغلى + ضمان اقل , فهمت منكوا ان التوكيل 4 شهور دا اقل حاجة يعنى ممكن يتاخر كمان , طبعا احمد سامى انا كنت قريت من زمان انت اشتريت السيراتو خليجى ليه طبعا موضوع اللون دا ظرف خاص + طبعا التسليم اللى واضح انها مشكلة عامة
طيب معلش يا جماعة ليه الناس مفكرتش تدفع over price و اهو كدا كدا استغلال بدل الخليجى ؟
صدقت فكلامك يا استاذ نادر هى مصيبة فعلا ان التوكيل مافيهوش هاى لاين ودى الحقيقة
طب ممكن اسال سوالين :
- انا ان شاء الله هحجز فى نص عشره لسه لانى هجبها تبع بنك فهل اريح دماغى احسن واروح احجز الخليجى وخلاص ولا هتكون العمليه فكت شويه على نص عشره كده ؟
- ماسعر الفئه من الخليجى اللى توازى المصرى اللى ب 119 الف اللى قبل الهاى لاين وهل فارق فى مواصفاتها حاجه ؟
وجزاكم الله كل خير
ايه دا كمان!!!اقتباس:
ما هي المصيبة ان مافيش عربيات هاي لاين توكيل في البلد أصلاً
و بالتالي مافيش منها بأوفر برايس:)
فعلا توكيل غريب اوى اوى , يعنى دلوقتى تجار الخليجى بيجيبوا عربيات اساسا التوكيل منزلهاش (زى السول) و عربيات التوكيل مش عارف يجيبها
قمة فى التهريج من الوكيل
ما هما دول المصريين وغير كدا ماهى المصيبة فعلا ان مفيش هاى لاين فى البلد والعربيات بتتباع ب اوفر برايس الموجودة فا بجد توكيل جميل جمال مالوش مثال
وهذا مما اعطى فرصة للسادة تجار الخليجى من الوصول بسرعة فائقة للعصر الذهبى ليهم بفضل الله ثم وكيل كيا الجميل والاستغلال