ليه الكيا بيكانتو فى مصر فقيرة كده ؟؟!!!

السلام عليكم

انا من محبى الكيا بيكانتو وبفكر انى اشتريها ان شاء الله وكالعاده زى اى حد قولت اجمع عنها معلومات واروح اشوفها بنفسى ... بصراحة بينى وبين نفسى بقول انها عربية فقيرة جدا جدا فى كمالياتها وسعرها مبالغ فيه جدا .. يعنى لو تفتكروا الأوبل كورسا اللى وقف انتاجها كانت ب 75000 واحسن من البيكانتو مليون مره ... حتى الكليو كانت ب 70000 وبردوا احسن من البيكانتو اللى تكاد تكون معدومة من اى اوبشن .. مش عارف بصراحة ليه التوكيل ضارب الشعب المصرى على قفاه كده ..

المهم وانا ببحث عن مواصفات البيكانتو اتفاجئت لما شفت الأوبشن اللى بتنزل فيها بره مصر ... فعلا روعة وخلتنى افكر بجد انى اشتريها من الخارج بس المشكلة هى ازاى ومنين وايه الضمانات ... فا يا ريت لو حد عتده خبرة فى الموضوع ده يقولى ازاى ...


على فكرة دى الأوبشن بتاعت البيكانتو موجوده فى اللينك ده

http://www.autoebid.com/buy-new-cars...Auto/44342.asp

فعلا البيكانتو هنا بيسموها فقط فول أوبشن ولاكن ليس لها اى علاقة بالفول أوبشن

فقط أزاز كهرباء أمامى وسنتر

عندك حق
التوكيل كمان من موديلات 2006 الى 2008 نفض منها حاجات كتير زى الاسبويلر لمبة الاستوب والمساحة الخلفى
الخليجى فيها كماليات اكتر
بس من غير ضمان توكيل
ضمان مستورد بس

بس انا مانصحش بيه

ولا حتى الخليجى تيجى حاجة جنب الأوبشن الرهيبة اللى المفروض تنزل فيها

متفق معاك....

البيكانتو الفول أوبشن...لا تمت بصلة للاوبشن أصلاً :)

و سعرها غير متانسب مع إمكانيتها

معظم العربيات في مصر خاصة تحت شريحة 100 ألف فما أقل و خاصة أقل من 70 ألف
بتبقي عربيات مقلعينها ملط !! عشان يتحقق من وراها أعلي ربح .

يااااااااااااااااجماعة اخر حاجة تصدقها
شوفت عربيات عندنا بيكانتو اول فئة فيها او اللى مش كاملة موديل 2009 نازل فيها لمبة الاستوب اللى فى الشنطة
وانا عربيتى المفروض كاملة مفهاش
طب تيجى ازاى دية

هما بحاولوا يبيعوها على انها low-end

اقتباس:

---

المشاركة الأصلية كتبت بواسطة motorizer

معظم العربيات في مصر خاصة تحت شريحة 100 ألف فما أقل و خاصة أقل من 70 ألف
بتبقي عربيات مقلعينها ملط !! عشان يتحقق من وراها أعلي ربح .

---

ههههه والله عندك حق ياموتو والتشبيه ضحكني جداااا بس دي حقيقه فعلا
المشكله العربيات الي تحت ال80 الف من غير حياديه حرام ترمي فيها فلوس فبحس ان الواحد اقل كلام 100 الف عشان يجيب اي حاجه تتركب

والبيكانتو عمر ما كان توبها يوصل 60 الف فول اوبشن اصلا بس يلا ربنا يخليلنا الحلوين:11:

بالنسبة لموضوع الاستيراد دة ممكن حد يفيدنا اكتر لاني قريت هنا في ناس استوردت عربيات قبل كدة
بس احنا عايزين الفرق كماليات بس مش شكل عشان كدة مش هنلاقي قطع غيار اصلا

تقريبا هي

Fool Option

مش Full Option

(مش قصدي Fool عالمشتري ..... قصدي Fool انهم بيحاولوا يستعبطونا)

السلام عليكم

تمام العربية غالية جدا على إمكانياتها وخصوصا إنها 1000 سى سى!!! بجد التوكيل(أو الجمرك) بيستهبل!! :I_angr1[1]:


رأى شوف الرينو لوجان (أعلى فئة فيها ب 67000 وإمكانيتها جميلة وموتورها 1600 سى سى / 90 حصان)


شوف اللينك ده هايفيدك كتير

http://www.nilemotors.net/Nile/90472-2010.html

وربنا يعملك اللى فيه الخير

اقتباس:

---

المشاركة الأصلية كتبت بواسطة Mayyam

السلام عليكم

تمام العربية غالية جدا على إمكانياتها وخصوصا إنها 1000 سى سى!!! بجد التوكيل(أو الجمرك) بيستهبل!! :I_angr1[1]:


رأى شوف الرينو لوجان (أعلى فئة فيها ب 67000 وإمكانيتها جميلة وموتورها 1600 سى سى / 90 حصان)


شوف اللينك ده هايفيدك كتير

http://www.nilemotors.net/Nile/90472-2010.html

وربنا يعملك اللى فيه الخير

---

البيكانتو 1100 سي سي وليس 1000
واتفق معاك انه سعرها مبالغ فيه والتوكيل بيستعبط وبيستهبل :_Alshmokh08[1]: