( 128 موديل 1998 وعامله 57000 كم باستعمل بنزين 90) بس فيها مشكلتين
[overline] [/overline][overline]
" انا عندي العربيه ( 128 موديل 1998 وعامله 57000 كم باستعمل بنزين 90) بس فيها مشكلتين :
[/overline][overline][/overline]
الاولي : فيه زيت بيجي عل بوجيه واحد بس " رقم 2 من ناحيه الموبينه " و باضطر اغيره تقريبا كل شهر علشان الشراره بتضعف - وده علي فكره حصل بعد ما غيرت من زيت تقيل " التعاون الاحمر " الي زيت اخف " شل الاحمر 3000" بناء علي طلب الميكانيكي وعلي فكره الميكانيكي هو -عبد الحليم في ش العطور - طالبيه فيصل و بيقولي احنا هنستنه عليه شويه وبيغير البوجيه بواحد "سن قصير" كل شهر تقريبا بس انا خايف لياثر علي الموتور ويدخله في عمره كامله -- و الناس بتقول دي خفية ماتور
فهل ده يستاهل افك الموتور ولا ممكن حل تاني ..
,انا سمعت علي اختراع روسي اسمه " ريسورس " عباره عن زيت معدني بيدخل علي الشنبر او البستم "المتاكل - الي خف" ويرممه هل ده كلام صحيح و ينفع في الحاله دي
المشكله الثانيه :
اوتوماتيك المارش مابيدورش من اول مره " بيعلق " و رحت لكهربائى وصلحه و رجع تاني بعد 3 شهور ..؟
أيه رأيكم وهل ممكن تعرف كهربائي موثوق فيه يحل مشكله الاوتوماتيك قبل ما يتلف المارش ويكون مكانه في منطقه الهرم او فيصل طالبيه
أشكر الجميع مقدما علي المشاركه والافاده
كل عام وانتم بخير
