صوت غريب مع الفرمله و بدايه المشي في الريجاتا
أولا و قبل اي حاجه كل سنه و كل اعضاء المنتدي طيبين و بخير و يارب يعودها علينا الايام بخير
اما عن المشكله:
اولا بيانات العربيه:
ريجاتا 100 موديل 88
1600 سي سي
غيرلتلها من فتره طقم مساعدين و ركبت طقم كامل اسمه poma "و مش عارف ده حلو ولا لا ياريت لو حد يعرف يقولي"
كان السحب بتاعها مش تمام و بتستهلك بنزين كتير "150 كيلو في الصفيحه"و الميكانيكي غير طقم دبرياج كامل و موضوع السحب اتحسن "من حوالي اسبوع" بس لسه بتابع استهلاك البنزين
دلوقتي ملاحظ صوت غريب لو ماشي بالراحه و فرملت او و انا طالع بالعربيه
الصوت ده زي ما يكون صوت تزييق او طقطقه غالبا من قدام كده و بتروح بسرعه.. يعني زي ما يكون صوت حاجه عايزه تتزيت او سوسته مصديه مش عارف:11:
انا خايف تكون حاجه اتكسرت او مش مربوطه بس مش قادر احكم
فهل حد من الاعضاء قابل حاجه شبه كده؟