الموضوع: نازل أشتري الصبح إن شاء الله، نصايحكم بسررررررررررررعة

المشاركة الأصلية كتبت بواسطة mohamed_3abdel3al

1.التوكيل فرع الصحراوي استاذ محسن وقوله انك من طرف ايمن هتاخد خصم كويس

2.بص على كل حاجة في العربية و خاصة الازاز و الابواب بتفتح من جوه ومن بره و المساحات و التكييف

3.الازرق و الاسود و اورانج

4.حاول متزودش على 3 ار بي ام و متشغلش التكييف يكون احسن و متعديش ال 100

5. ربنا يكرمك بيها يا رب

شكرا جزيلا أبو حميد، عمري ما هانسى أول واحد رد عليا. سعدت بمعرفتك يا محمد.

مستني أيمن يرد عليا أهو ويسمح لي أني أقول للأستاذ محسن أني من طرفه

يالله يا أيمن باشا ربنا يا سيدي مايحرمش البروتوناوية من خدماتك الكريمة

ربنا يكرمك ان شاء الله بكره
انا اسف مش هقدر افيدك لاني زيك لسه هشتري بس معلش هستأذنك واستخدم موضوعك واسال لو انا عايز اجبها من التوكيل بس قسط في ولا لا ؟؟ انا ممكن ادفع 40% من تمنها مقدم
ياريت لو حد يقدر يفيدني ولو في تيلفون استاذ محسن عشان استفسر منه اكتر
شكرا

المشاركة الأصلية كتبت بواسطة yahiahelaly

تقريبا في استاذ هنا بسمعه عنه كل خير ممكن يجبلك خصم وانا لو مكانك هجيب البيرسونا اوتماتيك لان بعد الخصم الي ممكن تناخده هتيبقى الفرق معقول

حياك الله يا يحيى

ومشكور لردك السريع

اسمه إيه الأخ اللي بتحكي عنه ؟

بالنسبة لموضوع البرسونا، أنا باميل أكثر للجين، وموضوع الأوتوماتيك أنا أصلا عايز مانيوال، مش السعر اللي زانقني.

فعلا جزاك الله كل خير على اهتمامك وربنا يبارك لك وفي انتظار ردك باسم الأخ، هل هو أيمن ؟ أظن 90% ممكن تكون قصدك أيمن.

ويالله يا أيمن شرفنا بقى هنا في الموضوع، في انتظار ردك الثري.

المشاركة الأصلية كتبت بواسطة xxxmemoxxx

ربنا يكرمك ان شاء الله بكره
انا اسف مش هقدر افيدك لاني زيك لسه هشتري بس معلش هستأذنك واستخدم موضوعك واسال لو انا عايز اجبها من التوكيل بس قسط في ولا لا ؟؟ انا ممكن ادفع 40% من تمنها مقدم
ياريت لو حد يقدر يفيدني ولو في تيلفون استاذ محسن عشان استفسر منه اكتر
شكرا

يا ميمو احنا واحد

وموضوعي هو موضوعك

والله يعين الجميع في أمورهم

بص انا رايي خليك فالبرسونا المانيوال الفل اوبشن عائليه وواسعه وحلوه بس لو انتا مش عاوزها عائليه فالجين شكلها احلى من ورا بس البرسونا اوسع

بس خلى بالك انتا هتحجز وتستلم فشهر 10 ان شاء الله عشان مفيش فالتوكيل موديل 2009 خلاص فهتحجز وتستلم فشهر 10 انشاء الله بس لو هتجيب من التوكيل روح لاستاذ محسن صالح وقوله انك من طرف ايمن عشان يهتم بيك ويظبطك فخصم كويس وايمن مش هيزعل لو انتا قلت لاستاذ محسن قبل مايمن يرد عليك(بعد اذنك يا ايمون طبعا انى ارد نيابه عنك)

ولو انتا مستعجل وعاوز تستلم 2009 ومتسربع زى مانا كنت متسربع كده انا فى معرض اللى جبت عربيتى من عنده واقفه عنده برسونا هاف اوبشن اتوماتيك فممكن نروح عندهم وتشوف ممكن تلاقى اللى انتا عاوزه
وكان فى واحد ففيصل برضو انما الاول فالمعادى

ولو تحب انا ممكن اروح معاك الاتنين واحد بيقسط وبيجيب كاش والتانى كاش بس
لو تحب ابعتلى على الخاص وانا تحت امر حضرتك

بالنسيه لاحلى لون بقى
فالجين انا رايي البترولى (ازرق غامق) خلى بالك فى ازرق زهرى بس انا رايي ان الغامق احلى والاسود حلو اوى برضو والابيض كمان
البرسونا بقى ياما الاسود او الفيرانى الاتنين تحفه

بالنسبه للاستخدام فاستخدمها بالراحه فالاول متقرصى عليها ولا تحرق جامد يعنى زى مالاعضاء المحترمين قالوا لحضرتك متزودشى سرعتك عن 100 ومتعليش عداد rpm

وربنا يرزقك بعربيه كويسه ويهديك للى فيه نفعك والاصلحلك

واسف على الاطاله