انا بحييكم على انكم قدرتم تفتحوا حوار على مدار 8 اشهر و اتمنى الناس كلها تستفيد منه
عرض للطباعة
انا بحييكم على انكم قدرتم تفتحوا حوار على مدار 8 اشهر و اتمنى الناس كلها تستفيد منه
طب خش وشارك وقول رايك
والله يابشمهندس مخلف انا شايف ان الموضوع قتل بحثا و نقاشا و شدا و جذبا و خلافا و اتفاقا ...بس عموما..انا مؤمن تماما ان الحكم على العربيات الصينى مينفعش يتبت فيه 100% حاليا و ده لانها ملحقتش تشتغل او بلغة السوق متطحنتش شغل..بالتالى لسه شوية..طبعا فى انواع واضحة زى الشمس من قبل ماتتركب اصلا انها حتموت قريبا زى الجيلى و الفاو و ماشابه..اعتقد ان حاليا العين على الاسبيرانزا..او الشيرى..و Byd و البريليانس..مع احترامى الكامل لجميع الاعضاء سواء مالكى الصينى او اى صناعة اخرى.
ربنا يجعل كلامنا خفيف عليهم :)
متهيألى المفروض محدش يكره ان العربيات الصينى تثبت انها عربيات كويسة بالعكس داحنا نفرح كمان عشان سعرها مناسب لفئات كتيرة اوى و متقلقش انا مش بحسد ..و ربنا يباركلك فى الشيرى بتاعتك و تفضل دايما راضى عنها..امسك الخشب:)
شكرا عمرو باشا وربنا يباركلك فى البيكانتو
طيب ممكن اسأل سؤال
ليه الناس المتعصبين للالمانى مثلا مبيقلش حاجة على اليابانى والعكس صحيح مبيحين السيارات اليابانى مثلى لا يتكلمون على السيارات الالمانى انما كل المتعصبين لليابانى وللالمانى وحتى الكورى بيقولوا ان الصينى مينفعش مصر لان المصريين بالذات فى العربيات عاوزين حاجة تعمر 20 سنه وطبعا الصينى مش بتاع الكلام دة خالص
بالعكس..ده فى ناس تقولك لو ركبت المانى عمرك ماتنزل منه لليابانى و فى ناس بتقول العكس..و الاتنين فى الاخر عربيات معمرة بمعنى الكلمة و كل واحدة ليها و عليها و على حسب الاحتياج الشخصى..عندك حق ان المصريين عاوزين عربية تعمر 20 سنه و ده برضو لاننا مش عايشين عيشة الاوربيين او حتى زى بتوع الخليج...يعنى مواردنا محدودة اوى مش بتوع تغيير عربية كل 4 او 5 سنين بالكتير..طبعا انا بتكلم على عامة الشعب..و لحد دلوقت لسه بدرى اوى على الصينى على مايثبت انه بتاع العمر
طب يعني يا جماعه انا شايف ان الجميع ممكن يكون علي حق بس انتو ليه كجميع متطرقين للاسبرانزا و الشيري طب والبرليانس محدش ليه بيتكلم عنها انا مليش خبره في العربيات بس علي ما اظن انها اكيد عربيه حلوه لانها تبع توكيل بي ام ولا ايه رايكوا