وكثرة المواضيع الي ملهاش علاقة بعنوان الموضوع و تحولت لمواجهات شخصية مبتسيئش للمنتدى ؟؟
عرض للطباعة
وكثرة المواضيع الي ملهاش علاقة بعنوان الموضوع و تحولت لمواجهات شخصية مبتسيئش للمنتدى ؟؟
أنا لن أرد عليك لأنك لم تنقل كلامى بأمانة لأننى أعتذرت عن هذه الكلمة مباشرة بعدها وللأسف أتضح أنك تريد مهاجمتى و بس دون أن نتناقش بمصداقية و عقل و آخر كلمة لك هى شكرا لذوقك ولن أرد عليك مرة أخرىاقتباس:
حرية ايه و انت بتقول تكميم افواه!!!!!!!!!!!
طب ما انت رديت اهه :mrgreen: :mrgreen: و كلامك كله يا سيدى فى اللينك بتاع الموضوع اللى انا حاطه بما فيه الأعتزار بتاعك، و كمان أهاجمك ليه؟ مفيش و جه خلاف. أنت وعدت بحاجة و موفتهاش و بتطلب من الناس الموضوعية و انت مش موضوعى فى كلامك و بتقول عاوز تتناقش و ترجع تزعل من النقاش و للأسف بتستخدم كلمات ممكن تثير مشاكل زى( تكميم افواه ) و (دون أن نتناقش بمصداقية و عقل) و فى الاخر تقولى مش هرد عليك؟!!!! أمال اللخبطة اللى انت كاتبها دى ايه؟ مش رد عليا؟ و كمان رد مجرد من المصداقية و مغيب العقل بسبب التحيز لقطعة حديد، للأسف انت مكنتش قد كلامك و بتدارى ده بانك تغلط فى زمايلك.
اللى أنا مستغربله إننا لما نقول الصناعة الصينى زبالة تلاقى كل واحد جايبله عربية صينى زعلان و حاسس إنن شتمناه مع إن الصينين نفسهم لما تقولهم الصناعة الصينى زبالة ما بيزعلوش و كمان بييبتسموا و يضحكوا و يقولوا هانحاول نحسنها هيا فعلا لسه مش قد كده بس أدينا بنحاول و ما بيحاولوش يعملوا كل اللى الناس بتعملوا هنا حاجة غريبة فعلا يعنى يبقى الناس معترفين بأنهم لسه أمامهم كثيييييييير علشان يحسنوا صناعتهم و المستهلك نفسه عمال يدافع عنهم دون إدراك و وعى منه ليه مش عارف مع إنهم لو شاغلين نفسهم بكل هذا الدفاع التافه و الجدل العقيم مش هايحسنوا منتجهم و لا هايتطوروا و علشان كده بردوا إحنا هانتنينا آخرنا فانوس رمضان.
و دمتم سالمين. :-)
+1اقتباس:
المشاركة الأصلية كتبت بواسطة abo3bdolrahman
بس هيا ولا شك أحسن من حاجات تانية كتير - أنا مجرب مش كلام وبس فبل الشيرى أنا معايا عربية أنسب حاجة يتقال عليها رغم أعتزازى الشديد بها أنها خــــــــــــــــلاط وأنتشرت ومتهجمتش زى الشيرى
:cry: :cry: :cry: :cry: :cry:
طب ما تتهاجم إيه المشكلة هل لأنى مالك لحاجة تبقى حتة منى و أنا حتة منها و كرامتها من كرامتى :!:
مفروض إن ده ما يزعلش بالعكس إحنا بنستفيد من النقد ده و عادى يعنى و المفروض إن الخلاف فى الرأى لا يفسد للود قضية.
و دمتم سالمين.
على فكرة سيارتي قطع غيارها غالية و توكيلها زبالة و غيرت مساعدين في 10000 كم .. وبقول للناس تقكر في حاجات تانية قبل متجيبها .. بس انا عجباني شخصيا , و اكيد احسن الف مرة من اي شيري ! بس مش شرط لو حد انتقدها تبقى نهاية الكون !!
يــــــــــــــــــــــــ ـــاه , احنا مش كنا خلصنا من مشاكل الأسبرانزا , طلع للشيرى صوت كمان ههههههه , عموما ربنا يكون فى عونكم و يصبركم على عربياتكم .
بس سؤال : ليه كل واحد راكب عربيه صينى حاسس ان الناس بتبصلها نظره دونيه و عايز يثبت انها فيرارى ؟؟؟
يا جماعه العربيه الصينى فى الأخر بيطلق عليها اسم عربيه للأسف و ده كفايه قوى عليها .
فى انتظار الموضوع القادم : المختصر المفيد... فى ركوب الحديد...بعد عمر مديد ( الحديد هنا بمعنى العربيه الصينى - و العمر المديد بمعنى بعد سنه من ركوبها لأن هايكون كفايه عليها قوى سنه و تبرك فى مكانها و بكده يبقى ده العمر المديد)
والله يا جماعة الموضوع و مناقشتكم لاهتودي و لا تجيب
استحلفكم بالله تبطلوا و كل واحد يراجع نفسه قبل الرد الهجومي من جميع الاطراف !!!
اسلبوكم ده مش هيفيد حد مننا خالص
بالرجوع إلى الموضوع الأساسي و بغض النظر عن القيل و القال و بغض النظر عن المشاحنات (رأي)في كلام حضرتك يا أبو عمار كل التالي:
التقيد صفة صينية في كل حاجة و في السيارات خاصة وحضرتك أكيد شفت التقليد الأعمى لللانسر و السيتي و التيريوس و s-class و .......اقتباس:
بعض الأخوة ينتقدوا تقليد السيارات الصينى لبعض الموديلات السابقة لسيارات أخرى !!
لماذا لم تنتقدوا الأكسنت و الأكسيل عند بداية ظهورها و هى تقليد للهوندا سيفيك والأكورد دا حتى إسم هيونداى نفسه تقليد (يعتى الصينيين لم يصلوا لتقليد الإسم كمان)
لماذا لم تنتقدوا ميكروباصات النيسان الجديدة والهيونداى و هى نسخة من التويوتا موديلات التسعيتيات
الأكسنت أو الأكسيل بداية ظهورهم يعني من 10 سنين ( مع إني اعتقد إن مفيش تقليد ولا حاجة ده مجرد تقارب ) و كمان حضرت بتتكلم عن أقل موديلات هيونداي الصيني نازل في فئات الكورولا و السيفيك و الانسر و الأستر (يعني فئات أعلى )
الصين ما قلدوش الإسم ماشي بس قلدوا الأهم و هوالعلامة التجارية byd و شيري و جولي كلهم تقليد علامات البي إم و الإنفينيتي و تقليد علامات بعضهم
ميكروباصات إيه حضرتك الصين منزلو ميكورباص 1000 سي سي يبقى ننتقد مين؟؟؟ ولو اتكلمنا عن التصميم لأ نيسان تصميم ميكروباصتها غير خالص تويوتا سواء من الخارج او الداخل
الأعضاء ردوا على كلام حضرتك و انا معاهم أنا رحت إخوان مقار أكتر من مرة مع معاذ و كان عندهم الأوبل بانواعها و هم موزعين مش وكلاءاقتباس:
البعض ينتقد وجود أكثر من توكيل لنفس الشركة (مثل الشيرى) و يقولون أن ذلك لأجل المبيعات!!
إخوان مقار هو توكيل الأوبل فكترا و منصور أوبل هو توكيل الأسترا (ولا تعلبق)
علشان كده تلاقي غن أي عضو بيطلب النصح في العربيات (خاصة المازدا) بنقوله المشكلة دي يعني مش عيب في الصيني بس أنا معاك بس حرام يكون الصيني مليان عيوب و يبقى كمان مفيش قطع غيار؟؟؟اقتباس:
-مشكلة عدم توفر قطع الغيار!!
العديد من الموديلات الأخرى بها نفس المشكلة مثل المازدا والانشيا والسيتروين و لكن ما يميز الصينى أن موديلاته هجين من عدة موديلات يعنى تقدر تولف عليه أى قطع غيار
و بعدين حضرتك ليه ما تتكلمش عن هيونداي أو التويوتا أواالهوندا او الشيفرولية أو النيسان أو الفولكس أو اللانسر او الكيا او .......دول لو واجهوا مشكلة قطع الغيار بيعملوا العميل بكامل احتلاام و بيقوم المركز و يقعد لغاية اما قطع الغيار( السليمة) بتوصل