دي مش حاجة ساقعة يا اساتذة .... دي شويبس (حملة إعلانية تحفة..شارك برأيك)

**Nile_Storm** · 29-08-2009 12:14 PM

اه عجبتني اوي حته اللمون مش جايبينه من شركه الكهربا علشان يلسع " سفن اب " و لا بنخليه يتكلم " سبرايت "
بجد اعلانات حلووه
و عامه انا من هواه شويبس اصلا

**mshamy** · 29-08-2009 12:18 PM

العبد لله يوعى على إعلانات المرحوم حسن عابدين المشهورة ب "سر شويبس"
والكلام ده كان في اول الثمانينات
فعلا شويبس متميزه عن باقي المشروبات الغازية
وانا شخصيا من عشاق "اليوسفي"

**Ahmed Nouh** · 29-08-2009 03:03 PM

المشاركة الأصلية كتبت بواسطة nile_storm

اه عجبتني اوي حته اللمون مش جايبينه من شركه الكهربا علشان يلسع " سفن اب " و لا بنخليه يتكلم " سبرايت "
بجد اعلانات حلووه
و عامه انا من هواه شويبس اصلا

اه الحته دى جامده قوى

وبتاعت ولا صرخنا ان احنا اللى عملنا اليوسفى ولا غنينا محدش غيرنا عنده اليوسفى :) , عايز تعرف يعنى ايه شويبس روح أسال حد كبير لا تقولى عمرو ولا نانسى ولا بنعمل بوسترات ولا بنوزع ثلاجات :)

فعلا من احلى الاعلانات الفتره دى واجرأها

**Lord_Fouad** · 29-08-2009 03:28 PM

اعلانات دمااااااااااغ عالية اوي .. بيتكرموا عالناس عشان عملوا اعلانات ... بس جااااااامدة بصراحة

**eng.octooo** · 29-08-2009 03:54 PM

بجد الاعلان دة من يوم ماشفتة وهوة واكل دماغى وكل ما بلاقية باتفرج علية بجد تحفففففففففففففة (دى شويبس يابنى)

**marsguy** · 29-08-2009 05:24 PM

المشاركة الأصلية كتبت بواسطة itsonlyme

الحملة الاعلانية دي سببها ان شركة كوكاكولا مصر بدأت بانتاج شويبس في مصر باعتبار كوكاكولا العالمية امتلكت شويبس.

المشكلة ان في شركة مصرية اسمها "سونت" كانت ومازات تنتج شويبس في مصر.

دلوقتي بقى فيه شركتين بيتنجو شويبس في مصر.

شركة سونت رفعت قضية على شويبس العالمية لكي تستمر بامدادها بالمركز. وفعلا اتحكم لها رغم ان شركة شويبس العالمية بتقول ان التعاقد مع سونت انتهى من سنين.

لما كوكاكولا مصر نزلت شويبس، سونت رفعت قضية تانية عليها.

اعلانات شويبس الجديدة هدفها تعريف المستهلك بالشكل الجديد الذي هو انتاج كوكاكولا مصر.

لو رحت للسوبر ماركت ومسكت ازازة شويبس بالشكل القديم وازازة تانية بالشكل الجديد ح تلاقي المُصنح مختلف.

كلام سليم

للأسف أنا إشتريت شويبس برتقال نصف لتر أول إمبارح وكان طعمها مش حلو خالص، كان طعمها عامل زي فوار البرتقال وبقى طعمها عامل زي الميرندا.

بركاتك يا كوكاكولا

حد يعرف بقى إيه العبوات اللي تابع كوكاكولا والعبوات اللي تابع سونات؟

شكراً

**itsonlyme** · 29-08-2009 05:52 PM

المشاركة الأصلية كتبت بواسطة marsguy

كلام سليم

للأسف أنا إشتريت شويبس برتقال نصف لتر أول إمبارح وكان طعمها مش حلو خالص، كان طعمها عامل زي فوار البرتقال وبقى طعمها عامل زي الميرندا.

بركاتك يا كوكاكولا

حد يعرف بقى إيه العبوات اللي تابع كوكاكولا والعبوات اللي تابع سونات؟

شكراً

كذا مرة أجيب شويبس يوسفي أو ليمون و ألاقي طعمهم وحش جداً على غير العادة.
أنا شخصياً مبطل شويبس الشكل القديم وبقيب بجيب الشكل الجديد. الطعم فعلاً أحلى.

منتجات سونات (شويبس القديمة) هي الكانز العادية و النصف لتر واللتر اللي رقبتها قصيرة.
منتجات كوكاكولا هي الكانز الطويلة البيضاء واللتر اللي رقبتها طويلة.

**tmz9111** · 29-08-2009 06:41 PM

اعلانات جامده

**Eslam.Elrefaey** · 29-08-2009 06:48 PM

بس أول مرة أعرف إن شويبس بتنزل يوسفى

**بحري** · 29-08-2009 08:16 PM

فعلا في السوق طعمين وجودتين لشويبس
شغل كوكاكولا أفضل للأسف، وسونت فشلت فشل كبير ومعرفتش تستغل الفترة اللي سخنت فيها المقاطعة وفضلوا في حالة ركود وغياب عجيبة
أنا من عشاق الكريم صودا طعمها رايق جدا ومميز وليس له شبيه في السوق ولكن تواجده في السوق قليل جدا وفي أماكن معينة لأن في تجار كتير مش بتنزله عشان معلهوش طلب قد كده

الموضوع: دي مش حاجة ساقعة يا اساتذة .... دي شويبس (حملة إعلانية تحفة..شارك برأيك)

LinkBack

أدوات الموضوع

عرض

-

-

-

-

-

-

-

المواضيع المتشابهه

انسب لون للسيارات في مصر(شارك برأيك).

مقارنة صينى شارك برأيك :

صوت فرقعة ذى صوت حاجة ساقعة كلة استيم !!!!!

الكلمات الدلالية لهذا الموضوع

المفضلات

المفضلات

ضوابط المشاركة