إعلانات شويبس الجديدة ... عجبتني جداً
:049:
1-
YouTube - Schweppes Campaign one - 25 years later
2-
YouTube - Schweppes Lemon Ad Egypt
3-
YouTube - Schweppes Tangerine Ad Egypt
4-
YouTube - Schweppes Campaign two - 25 years later
5-
YouTube - Schweppes Campaign three - 25 years later
انا هشرب شويبس عشان الحملة الإعلانية دي :E_braces[1]:
بس انتوا اية رأيكوا ؟؟
شويبس افضل من بيبسى وكوكا كولا
يصراحة الاعلانات اللى فكرتها عجبتنى اكتر بتاعة موبينيل , مبهجة و فكرتها حلوة اعتقد ان المخرج بتاعهم نجمه هيعلى اوى الفترة اللى جاية .
انا اصلا بحب شويبس من زمان اوى وطعمها احسن من بيبسى وكوكاكولا
واعلاناها جميل اوى
الحملة الاعلانية دي سببها ان شركة كوكاكولا مصر بدأت بانتاج شويبس في مصر باعتبار كوكاكولا العالمية امتلكت شويبس.
المشكلة ان في شركة مصرية اسمها "سونت" كانت ومازات تنتج شويبس في مصر.
دلوقتي بقى فيه شركتين بيتنجو شويبس في مصر.
شركة سونت رفعت قضية على شويبس العالمية لكي تستمر بامدادها بالمركز. وفعلا اتحكم لها رغم ان شركة شويبس العالمية بتقول ان التعاقد مع سونت انتهى من سنين.
لما كوكاكولا مصر نزلت شويبس، سونت رفعت قضية تانية عليها.
اعلانات شويبس الجديدة هدفها تعريف المستهلك بالشكل الجديد الذي هو انتاج كوكاكولا مصر.
لو رحت للسوبر ماركت ومسكت ازازة شويبس بالشكل القديم وازازة تانية بالشكل الجديد ح تلاقي المُصنح مختلف.
معلومة جديدةةةةةةةةةة
يادي النيلة دا الشويبس كنت بشربه عشان كان مش مقاطعة
انا خايف اروح اشتري فول يطلع عليه شعار americana
فعلا اعلانات جامده
الاعلان ده بيهزق باقى الاعلانات
اه عجبتني اوي حته اللمون مش جايبينه من شركه الكهربا علشان يلسع " سفن اب " و لا بنخليه يتكلم " سبرايت "
بجد اعلانات حلووه
و عامه انا من هواه شويبس اصلا
العبد لله يوعى على إعلانات المرحوم حسن عابدين المشهورة ب "سر شويبس"
والكلام ده كان في اول الثمانينات
فعلا شويبس متميزه عن باقي المشروبات الغازية
وانا شخصيا من عشاق "اليوسفي"
اه الحته دى جامده قوىاقتباس:
المشاركة الأصلية كتبت بواسطة nile_storm
وبتاعت ولا صرخنا ان احنا اللى عملنا اليوسفى ولا غنينا محدش غيرنا عنده اليوسفى :) , عايز تعرف يعنى ايه شويبس روح أسال حد كبير لا تقولى عمرو ولا نانسى ولا بنعمل بوسترات ولا بنوزع ثلاجات :)
فعلا من احلى الاعلانات الفتره دى واجرأها
اعلانات دمااااااااااغ عالية اوي .. بيتكرموا عالناس عشان عملوا اعلانات ... بس جااااااامدة بصراحة
بجد الاعلان دة من يوم ماشفتة وهوة واكل دماغى وكل ما بلاقية باتفرج علية بجد تحفففففففففففففة (دى شويبس يابنى)
اقتباس:
المشاركة الأصلية كتبت بواسطة itsonlyme
كلام سليم
للأسف أنا إشتريت شويبس برتقال نصف لتر أول إمبارح وكان طعمها مش حلو خالص، كان طعمها عامل زي فوار البرتقال وبقى طعمها عامل زي الميرندا.
بركاتك يا كوكاكولا
حد يعرف بقى إيه العبوات اللي تابع كوكاكولا والعبوات اللي تابع سونات؟
شكراً
كذا مرة أجيب شويبس يوسفي أو ليمون و ألاقي طعمهم وحش جداً على غير العادة.اقتباس:
المشاركة الأصلية كتبت بواسطة marsguy
أنا شخصياً مبطل شويبس الشكل القديم وبقيب بجيب الشكل الجديد. الطعم فعلاً أحلى.
منتجات سونات (شويبس القديمة) هي الكانز العادية و النصف لتر واللتر اللي رقبتها قصيرة.
منتجات كوكاكولا هي الكانز الطويلة البيضاء واللتر اللي رقبتها طويلة.
اعلانات جامده
بس أول مرة أعرف إن شويبس بتنزل يوسفى
فعلا في السوق طعمين وجودتين لشويبس
شغل كوكاكولا أفضل للأسف، وسونت فشلت فشل كبير ومعرفتش تستغل الفترة اللي سخنت فيها المقاطعة وفضلوا في حالة ركود وغياب عجيبة
أنا من عشاق الكريم صودا طعمها رايق جدا ومميز وليس له شبيه في السوق ولكن تواجده في السوق قليل جدا وفي أماكن معينة لأن في تجار كتير مش بتنزله عشان معلهوش طلب قد كده
ياعم شويبس جامده
دا كفايه انها بتتعبا فى كوكاكولا وبتهزقها :ma:
أحلى نكهة للمياه الغازية هو ..... شويبس