بتركن عربيتك الأوتوماتيك ازاى !

**GMakram** · 01-09-2009 10:15 AM

بركنها على n وبرفع فرامل اليد ومش بستعمل الp ده خالص خوفا على التروس

**ahmedsamir79** · 01-09-2009 11:57 AM

على p و بشد فرامل اليد

**evoo90** · 01-09-2009 12:23 PM

المشاركة الأصلية كتبت بواسطة haitham10

p وفرامل اليد لو بركن خالص
n وغالبا فرامل اليد برضه لو ركنة سريعه او وقت قليل يعني

وانا كماان بالظبط كده

**ahmed_su** · 01-09-2009 02:29 PM

n و فرامل اليد

المشكلة في الـ p إنه بيعشق الفتيس ميكانيكيا يعني أي عافيه عليه نتيجتها مش هتكون كويسة.
في مصر بقي المشكلة إنك حتى لو راكن صح و مش صف تاني ممكن تلاقي الي يريح على عربيتك ترييحة جامدة شوية و اللي عايز يوسع مكان يركن و يتعافى عليها في الزق و اللي واقف هو و 3 أصحابه و ساندين عليها و بالتالي محملين عليها و أمين الشرطة اللي قفلت في دماغه أنك راكن غلط (حتى لو راكن صح) و حاول يحركهالك بالونش... و حاجات كتير من هذا القبيل..

+11111111111

**eslamrace** · 07-09-2009 03:38 AM

ربنا يخليك يا ديدو ده بس من زوقك وتصدق بجد مش عربيتى بس اللى وحشتنى والكليو كمان وحشتنى والله

**pro_samir** · 07-09-2009 06:47 AM

بصراحة انا مش مقتنع خالص بموضوع ان p غلط على التروس

اذا كان التروس اصلا مهمتها انها تجر العربية يعنى طول مانت ماشى وتكبس وتشد وتجرى وتطلع مطلع كل دة تحميل على التروس .. يبقى مجرد ترييحة واحد واقف على العربية تحميل خاطئ على التروس اللى هيا اصلا بتتحمل وزن العربية كلة طول المشي ؟!!! بتهيألى كلام مش منطقى

دة غير انة من المعروق اصلا انة فى حالات المنحدرات الحادة والطويلة مينفعش الواحد يفضل دايس فرامل لمدة طويلة وفى الحالة دى لازم الواحد يفضل لامم العربية بالفتيس ودة معناة انة وزن العربية بالكامل بسرعة فوق 100 كم بطول المطلع او المنحدر كل دة أيضا بيبقى متحمل على التروس ، هل دة غلط ؟؟ والكلام دة على كل العربيات ان كان ملاكى ولا اتوبيس ولا تريلا

واللي لف فى سينا بالذات اكيد عارف أهمية الكلام دة ، ابسط حاجة الطريق نويبع دهب كلة عبارة عن مطلع ، ومرة اتوبيس سواقة غشيم كان راجع دهب نويبع فضل دايس فرامل علشان يهدى الأتوبيس لمدة طويلة والنتيجة ان العجلة ولعت وطارت من الأتوبيس واتقلب والسياح ماتو

وبرضو ميضرش انة الواحد يشد اليد مع P لو حتى كنوع من الراحة النفسية .. لكن مش معناة ان P بس غلط

ولا إية ؟

أنا شخصيا P فقط

**MAX_PIN** · 07-09-2009 05:17 PM

بركن على n وبشد فرامل اليد
ماحبش اركنها على p نهائى إلا لو العربيه قدام عينى

**Hegazio** · 08-09-2009 03:32 PM

فيه عربيات لازم p عشان يطلع المفتاح
بس لو مش لازم .. بأفضل علي المور و أشد فرامل اليد .. حفاظا علي الجيربوكس .. ( و عشان العربية لما البطارية تقطع .. تتزق )

-

مشاهدة نتائج الإستطلاع: بتركن العربية الأوتوماتيك ازاى ؟

الموضوع: بتركن عربيتك الأوتوماتيك ازاى !

LinkBack

أدوات الموضوع

عرض

-

-

-

-

-

-

-

المواضيع المتشابهه

حد يعرف ازاى افك الطارة بتاعت الألنترا او ال i30 + زراع الفتيس الأوتوماتيك

بتركن عربيتك فين ؟

بتركن عربيتك فى جراج ولا بتسيبها مرمية فى الشارع؟؟؟؟؟؟

كلنا عارفين ان العربيات بتركن لوحدها دلوقتى لكن كمان الجراج يركنلك عربيتك اوتوماتيك

ملاحظات تأخذ فى الاعتبار وانته بتركن عربيتك

الكلمات الدلالية لهذا الموضوع

المفضلات

المفضلات

ضوابط المشاركة