الموضوع: الاشعال الالكترونى للبيتل

اخييييييييييييييرا ركبت الاشعال والفضل يرجع برضه لاخويا احمد حسن علشان عاطف قالى اتصلى بيه وسئله على سلك معين يوصل فين لانه تقريبا كان اول مره يركبه واحمد باشا فهمه وكمان غيرت بوجيهات وسلك البوجيهات علشان كنت حاسس ان العربيه مبتسحبش والحمد لله كله تمام والسحب كويس بس بصراحه مش عارف اذا كان السحب فرق بسبب الاشعال ولا تغيير البوجيهات والسلك بتاعها ولا كل ده مع بعضه بس على العموم الحمد لله النتيجه فى النهايه كويسه

حمد باشا اخبارك ايه

انا فعلا الكهرباء بتعتي كانت مش مظبوطة ولا الكاربراتير
وعاطف ظبطلي كهرباء وكاربراتير والفضل طبعا يرجع لاخويا احمد قابلته هناك ووصي عليا توصية جامدة

وفعلا اداء العربية اختلف كتير رغم انها محتاجة اغيرلها الشكمان

-----------
محمد سالم

الحمد لله يا محمد باشا
واحشنى و الله

أتمنى تكون مبسوط من آداء العربية بعد مشوارك عند عاطف عبده الميكانيكى

اخييييييييييييييرا ركبت الاشعال والفضل يرجع برضه لاخويا احمد حسن علشان عاطف قالى اتصلى بيه وسئله على سلك معين يوصل فين لانه تقريبا كان اول مره يركبه واحمد باشا فهمه وكمان غيرت بوجيهات وسلك البوجيهات علشان كنت حاسس ان العربيه مبتسحبش والحمد لله كله تمام والسحب كويس بس بصراحه مش عارف اذا كان السحب فرق بسبب الاشعال ولا تغيير البوجيهات والسلك بتاعها ولا كل ده مع بعضه بس على العموم الحمد لله النتيجه فى النهايه كويسه

تامر باشا صقر
أخبارك إيه؟
أتمنى إنك تكون مبسوط من تركيب الإشعال الإلكترونى و عاطف عمل معاك الواجب المطلوب ؟
و إن شاء الله هاتحس بفرق فى السحب و الآداء العام و إستهلاك البنزين

الحمد لله كله تمام يا احمد باشا والسحب تمام بس موضوع البنزين ده لسه هلاحظه كويس وهبقى ابلغكم اذا كان زى ما هو ولا فرق

هو نوع واحد اللى موجود فى السوق وصينى
بس مش وحش

السلام عليكم و رحمة الله و بركاته

أنا كمان كنت عاوز أعرف مكان الميكانيكى ده و أرقام تليفونه لأنى بفكر أجيب الأبلاتين ده من عند الشركة المحمدية و كنت عاوز أروح للميكانيكى ده عشان يركبه و يظبط العربية مرة واحدة و خلاص, لأنى خايف أجيبه و أرجع المنصورة عشان أخلى الميكانيكى بتاعى هنا فى المنصورة يركبه, ألاقيه مش عارف يركبه و لا مايرضاش يركبه و لا يطلعلى فى أى افتكاسة و السلام.

أنا من المنصورة و احتمال أنزل القاهرة الأسبوع الجاى عشان أقضى شوية مشاوير و بالمرة اعمل الموضوع ده .

الظريف أنى لما نويت أعمل الموضوع ده , العربية البيجو ال505 بتاعتنا اتظبطت و بقت فى السلانسية كويسة, بس التجميع بتاعها برضه مش هو اللى فى دماغى, لأنى بحس أن الشاهين ال1400 مو 1997 اللى معى والدتى , أفضل منها فى السلانسية و التجميع .

و يا ترى مفيش حد من الأخوةالأفاضل هنا من المنصورة و يكون عارف الأبلاتين ده بيتباع فين فى المنصورة ؟؟؟؟

السلام عليكم و رحمة الله و بركاته

أنا و لله الحمد كنت النهاردة فى القاهرة و ربنا يسر و خلصت المشوار اللى كنت رايحله بسرعة و طلعت على جسر السويس و سألت لحااااااااااااد مالقيت الشركة المحمدية بتاع قطع الغيار اللى ورا مدرسة أنس بن مالك اللى عند حديقة بدر و سألته على الأبلاتين الالكترونى و اشتريته منه و روحت لميكانيكى تبعه كده فى الشارع اللى وراه و ركبهولى فى خلال بتاع 20 دقيقة و لدع منى 30 جنيه, بس مش مهم, لأن أنا و أنا راجع بالعربية من القاهرة الى المنصورة على الطريق الدائرى, لقيت أن العربية فرقت عن الأول بتاع 180 درجة على الأقل و بصراحة يستاهل الفلوس اللى ادفعت فيه, لأنى كنت قربت أكره العربية, بسبب أن التجميع بتاعها ماكانشى حتى محصل الشاهين مو1997 بتاعتنا.

بصراحة, أنا بشكر كل الأخوة الأفاضل اللى دخلوا و كتبوا مشاركاتهم و معلوماتهم عن الموضوع ده لأنى كنت عمال أدعيلهم طووووووووووووول الطريق و أنا سايق العربية.

ألف شكر ليكم جميعا و جزاكم الله كل خير