الاشعال الالكترونى للبيتل

**MASERATI** · 01-03-2011 02:24 PM

السلام عليكم و رحمة الله و بركاته

ألف شكر يا باشا و جزاك الله كل خير و ربنا يستر بأه .

طاب و الحل ايه, هل فيه مكان تانى نجيب منه, أو ماركة تانية نجيبها, أفضل من النوع ده؟؟؟

أنا, كنت دورت عالنت و لقيت الأصلى بتاعه اللى هو أميركى تقريبا بحوالى 100 دولار, يعنى بتاع 600 جنيه و بصراحة ده مبلغ كبير على البتاعة دى, لأن ساعتها هيبقى الأرخص لى أنى أجيب اسبراتير و موبينا الكترونى بتاع البيجو ال505 الطيارة و دول على بعضهم كده بيعملوا (استيراد) بتاع 500-550 جنيه و اللى بيبقى فيها مشط, كل مدة طويلة بيبوظ و يتغير و خلاص .

**smsmxxxxxx** · 01-03-2011 09:41 PM

المشاركة الأصلية كتبت بواسطة mrcomputer

السلام عليكم

طبعا فكرة الاشعال الالكتروني ممتازة جدا بس بشروط
احب اذكر مزاياه وعيوبه

اولا المزايا :

الاستغناء عن الابلاتين والكندنسر لفترة طويلة .
قوة الشرارة .
اداء افضل للمحرك .
سهولة التركيب .

ثانيا عيوبه

غلو ثمنه مع سوء جودته ( طبعا المقصود باللي موجود بالسوق حاليا ) .
عند تعطل هذة الدائرة لن تستطيع السير الا بتركيب دائرة اخري وبكده الموضوع حيبقي مكلف جدا او تركب ابلاتين وكندنسر وفي الحالة دي لازم تستني الاسبراتير يبرد علشان تعرف تركبهم لائنك لازم تفك الاسبراتير اما لو راكب ابلاتين وقطع حتسنفرة وتمشي منغير بهدلة .
لايوجد منه بالسوق المحلي غير الصيني منخفض الجوده جدا وده بيخليه مايعمرش اكتر من شهرين تلاته بالكتير مع سخونية البيتلز وبكده حتكون التكلفة عاليه جدا لو كل 3 او اربع شهور دائرة ب 175.

واخيرا بشهادة الحاج محمود عويس انه ركبه في سيارة بنت اخته وفصل منها وهي في مشوار بعد شهرين فقط من تركيبه يعني مكملش 3000 كيلو مش 75000.

الخلاصه :

فكرة الاشعال الالكتروني ممتازة لكن في حالة جودة المنتج وان يكون سعره مناسب لجودته

يعني مثلا هل جودة الدائرة دي

زي جودة الدائرة دي

اتمني اكون افدتكم .

انا معاك طبعا ان جودة المنتج الامريكي غير الصيني
والمنتج الصيني اللى رايح امريكا غير اللى بييجي عندنا

بس فعلا الاشعال الالكترونى خطير جدا

وهنا في المنتدى كذا واحد ركبناه واشتغل معانا كويس جدا ما عدا واحد طلع فيه عيب صناعة

اما بالنسبة لموضوع صنفرة الابلتين فدا عن تجربة عملية مبينفعش والعربية بتمشي شوية وترجع تقف تانى

لان الابلتين بيلدع لما الكوندنسر بيبوظ فالصنفرة مش هتفيد

اما بالنسبة لموضوع انه بيتغير كل 3 شهور فدا غير صحيح بالمرة

لانه مع الناس هنا بقاله سنة ومحدش قال انه غيره

والجديد بقي ان سواقين المايكروباص الفولكس عندى فى فيصل اغلبهم ركبوه وعاجبهم جدا
ودول عربياتهم غاز وشغالة 24 ساعة

هما فى الاول نسبة منهم اخدت الجهاز ببلاش علشان تجربه ولما عجبهم دفعوا حقه

ولحد دلوقت محدش اشتكي منه

اما الابلتين والكوندنسر فدول دلوقتي مضروبين ومبيعش شهر وساعات يوم

---------------------
محمد سالم

**smsmxxxxxx** · 01-03-2011 09:47 PM

المشاركة الأصلية كتبت بواسطة maserati

السلام عليكم و رحمة الله و بركاته

ألف شكر يا باشا و جزاك الله كل خير و ربنا يستر بأه .

طاب و الحل ايه, هل فيه مكان تانى نجيب منه, أو ماركة تانية نجيبها, أفضل من النوع ده؟؟؟

أنا, كنت دورت عالنت و لقيت الأصلى بتاعه اللى هو أميركى تقريبا بحوالى 100 دولار, يعنى بتاع 600 جنيه و بصراحة ده مبلغ كبير على البتاعة دى, لأن ساعتها هيبقى الأرخص لى أنى أجيب اسبراتير و موبينا الكترونى بتاع البيجو ال505 الطيارة و دول على بعضهم كده بيعملوا (استيراد) بتاع 500-550 جنيه و اللى بيبقى فيها مشط, كل مدة طويلة بيبوظ و يتغير و خلاص .

بالنسبة للبيتل الاشعال الالكترونى والبوبينة الكهرباء وطلمبة البنزين الكهرباء بيخلوا العربية حاجة تانية خالص فى السحب والسرعة القصوى وبدء التشغيل في الجو البارد

اما انواع العربيات التانية فممكن يركب وممكن لاء

فيفضل تجيب حاجة عربيتك حسب نوعها علشان تضمن انها تشتغل

-------------
محمد سالم

**MASERATI** · 01-03-2011 11:11 PM

المشاركة الأصلية كتبت بواسطة smsmxxxxxx

بالنسبة للبيتل الاشعال الالكترونى والبوبينة الكهرباء وطلمبة البنزين الكهرباء بيخلوا العربية حاجة تانية خالص فى السحب والسرعة القصوى وبدء التشغيل في الجو البارد

اما انواع العربيات التانية فممكن يركب وممكن لاء

فيفضل تجيب حاجة عربيتك حسب نوعها علشان تضمن انها تشتغل

-------------
محمد سالم

السلام عليكم و رحمة الله و بركاته

ما أنا طبعا لما أجيب الاسبراتير و الموبينا الالكترونى, هأجيب بتاع البيجو ال505 موديل الطيارة اللى هو من 1985 - 1990 .

أنا سألت هنا فى المنصورة, لقيت أنه عند عادل سراج بحوالى 500-550 جنيه بس أنا ماعرفش المشط بتاع البيجو ال505 الطيارة بكام .

أنا شكلى كده, هخلينى ماشى بالأبلاتين الالكترونى اللى أنا جبته الأسبوع اللى فات ب175 جنيه و هفضل أستخدمه و هشوف, لو -لاقدر الله- لقيته بيبوظ بسرعة, هتضطر أنى أجيب الاسبراتير و الموبينا الالكترونى بتاع ال505 الطيارة.

ربنا ييسر الأمور و أشوف الأحوال هتمشى ازاى .

**hany_f50** · 10-03-2011 12:34 PM

السلام عليكم و رحمة الله و بركاته

ممكن اعرف رقم موبيل عاطف عبدة الميكانيكي و مكانه فين

**semam** · 04-04-2011 04:12 PM

مكانة بجوار جراج اثر النبى

ودة رقم تليفونة 0101467431

**pharos** · 28-10-2020 03:15 AM

السلام عليكم،
الأشعال الأليكترونى رجع تانى فى السوق. الطلبات اونلاين فقط لانه يباع مباشرة من المستورد

https://www.facebook.com/permalink.p...00978995059153