أولا .. ألف حمد لله علي سلامتك و كل عام و انت بخير
ثانيا .. ياريت تبقي تطمئن علي العربية و تشوف هل حصل أي ضرر نتيجة طيرانها بالامس من علي السد العالي , يعني أطمئن علي العفشة و المقصات و أتأكد ان الزوايا سليمة و مافيش حدفة و شوف الجنوط و الكاوتش و الاهم من كل ده قواعد الموتور و الكوبلن و أتاكد ان مافيش وصلات او كابلات فكت أو أصبحت مهوية
ثالثا .. نصيحة يا أخي , في الطرق المعفنة اللي زي دي تمهل و بلاش تستعجل و ماتعديش عربية سواء من اليمين أو الشمال ألا لما تكون كاشف الطريق كويس و متأكد أن سكتك خالية من أي عوائق أو مفاجأت , و علي فكرة من خلال خبرتي مع بتوع النقل بالرغم من غلاستهم و رخامتهم احيان كثيرة ألا أنه لما بيكون فيه حاجة قدامهم بينفضوا ل اللي وراهم لكن لو الطريق فاضي بيوسع لك أو بيشاور لك بأيده انك تعدي
المفضلات