دايهاتسو سيريون

**moro89** · 29-08-2009 09:19 AM

يا جماعة كنت محتاجة اعرف منكم لسة مشكلة علبة الدركسيون موجودة في السيريون 2009 ولا عالجوها و لو موجودة مشكلة عادية و ليها حل و لا بيكون ليها تأثير علي حاجة عشان كنت عايزة اجيب واحدة و قلقت من الموضوع ده
ارجو افادتكم و لكم جزيل الشكر

**MoToRiZeR** · 29-08-2009 09:21 AM

هي المعلومات اللي عندنا :

التوكيل بيقول إن العيب مش موجود في 2009
محدش من مشتري 2009 إشتكي من العيب .
التوكيل بيقول إن العيب موجود لحد العربيات اللي جت مصر لمنتصف 2008

حتي إشعار أخر !

**moro89** · 29-08-2009 09:24 AM

طيب معلش هي لو حتي موجودة بتكون مشكلة كبيرة ولا عادية

**MoToRiZeR** · 29-08-2009 09:33 AM

هو المشكلة تشخيص الناس في المنتدي بالتعاون مع مهندسين التوكيل وصلوا لأن علبة الدركسيون غير ملائمة للطرق المصرية لأن الطرق بتاعتنا بايظة فا العلبة بتتهز و تعمل صوت بيبان لو العربية معدية في شارع مش مرصوف كويس .

بمعني إن المشكلة في الصوت فقط و لا يوجد عيب يشكل خطر في العلبة .

إلي أن ظهر صوت لمهندس في مركز الرزق التابع لدايهاتسو بيقول إن العلبة دي لو إتسابت كدة مع الوقت هتتفكك !

و إحنا لحد دلوقت مش عارفين أنهي صح و المفروض نعمل إيه !؟
انا شخصياَ مع إعتراف الشركة الأم بالمشكلة و إنها سمحت لدايهاتسو مصر بتغيير العلبة علي حساب الضمان ده بيخليني أميل لرأي إنها مشكلة حقيقية في تصميم العلبة علي المدي الطويل مش مجرد صوت .. و فيه رأي تاني بيقول إن ده مجرد صوت فقط لا غير .. إيه الحقيقي .. مش عارف بصراحة .

بس هو الشئ الإيجابي إن التوكيل متعاون و دائماَ في تواصل لذلك بنحس بأمان في الموضوع حتي لو فيه مشكلة .

**moro89** · 29-08-2009 09:40 AM

متشكرة اوي بجد علي رد حضرتك و مرورك وان شاء الله يكونو حلوها في 2009

**MoToRiZeR** · 29-08-2009 09:45 AM

العفو .. و ده نادي السيريون في مصر علي الفيس بوك ممكن تلاقي فيه حاجات تفيدك برضه.

Daihatsu Sirion Owners and Lovers in Cairo | Facebook

**aliabutaleb** · 29-08-2009 09:49 AM

المشاركة الأصلية كتبت بواسطة MoToRiZeR

هو المشكلة تشخيص الناس في المنتدي بالتعاون مع مهندسين التوكيل وصلوا لأن علبة الدركسيون غير ملائمة للطرق المصرية لأن الطرق بتاعتنا بايظة فا العلبة بتتهز و تعمل صوت بيبان لو العربية معدية في شارع مش مرصوف كويس .

بمعني إن المشكلة في الصوت فقط و لا يوجد عيب يشكل خطر في العلبة .

إلي أن ظهر صوت لمهندس في مركز الرزق التابع لدايهاتسو بيقول إن العلبة دي لو إتسابت كدة مع الوقت هتتفكك !

و إحنا لحد دلوقت مش عارفين أنهي صح و المفروض نعمل إيه !؟
انا شخصياَ مع إعتراف الشركة الأم بالمشكلة و إنها سمحت لدايهاتسو مصر بتغيير العلبة علي حساب الضمان ده بيخليني أميل لرأي إنها مشكلة حقيقية في تصميم العلبة علي المدي الطويل مش مجرد صوت .. و فيه رأي تاني بيقول إن ده مجرد صوت فقط لا غير .. إيه الحقيقي .. مش عارف بصراحة .

بس هو الشئ الإيجابي إن التوكيل متعاون و دائماَ في تواصل لذلك بنحس بأمان في الموضوع حتي لو فيه مشكلة .

أجمل وصف لقيته للمشكلة
تسلم ايدك يا محمود

**MoToRiZeR** · 29-08-2009 09:57 AM

شكراَ علي باشا .. و صباح الخير

**hhhmmmzzzz** · 29-08-2009 10:44 AM

بعد السلام عليكم
انا معايا سيريون2009 والحمد لله عملت بيها10000ك ولسة مظهرش حاجة
ربنا يستر ويكونوا حلوها فعلا لكن السيارة بشكل عام ممتازة
وافتكر ان اى عربية لازم بيكون فيها شكوى من حاجة معينة بس مهم تدارك الخطا والعمل علي اصلاحه

**ahmadelsaeed** · 29-08-2009 01:36 PM

على فكرة أنا كنت فى إفتتاح مركز أبو رواش و سألت م. أحمد عبد الوهاب عن الموضوع و قاللى إن فرع مصر هو الوحيد اللى بعت Technical Note (ملحوظة فنية) بالموضوع ده لليابان و إن كل السيريونات اللى نازلة جديد علبة الدريكسيون فيها متعدلة عشان الطرق المصرية ... يعنى المفروض الكلام ده كله متظبط دلوقتى و الله أعلم

يا ريت لو لسه حد جايب سيريون جديد (النص التانى من 2009) يقولنا إيه الأخبار زى ما الأخ الكريم hhhmmmzzz إتفضل و عمل كده

و عموما نصيحتى إنك تستنى شوية لو إنت مش مستعجل (لحد أخر السنة مثلا) و بعد كده تشوف الأخبار و تتوكل على الله

الموضوع: دايهاتسو سيريون

LinkBack

أدوات الموضوع

عرض

-

-

-

-

-

-

المواضيع المتشابهه

دايهاتسو سيريون

دايهاتسو سيريون

دايهاتسو سيريون 2008

للبيع دايهاتسو - سيريون

دايهاتسو سيريون موديل 2000

الكلمات الدلالية لهذا الموضوع

المفضلات

المفضلات

ضوابط المشاركة