ايه يابشر اللى بيحصل ده

**evoo90** · 29-08-2009 10:06 AM

لا حول ولا قوه الا بالله العلى العظيم

لسه صاحى من النوم حالا على صوت واحده بتصوت وتعيط جامد
اقوم ابص من الشباك الاقى واحده ست كبيره فى السن مش اقل من 50 سنه ودماغها متعوره وعماله تعيط
واهل المنطقه اللى صاحى منهم واقف حواليها
وبتحكى ان واحد خبطها على دماغها وشد منها شنطتها وجرى !!!
لا اله الا الله
طب والنبى قولولى دى ست كبيره اللى عايز يسرقها ده بيخبطها ليه ؟؟
خايف تجرى وراه مثلا !! ما اظنش .
ولا اعتقد انها هتلحق تمسكه ولا تضربه
بجد مش قادر استوعب الموقف ليه و ليه و ليه
ياعينى طبعا الناس جابوها مهدئ وعصير وفطروها عشان تهدئ هى كده نزلت دم يبقى فطرت
وفى الاخر واد جارى خدها روحها بيتها وماشيه بتعيط ..
ليـــــــــــــــــــــــ ـــــــــــــــــــــــــ ــــــــــــــــــــــه
خلاص مافيش قلب ولا ضمير
ازاى واد يمد ايده على واحده قد والدته على الاقل
ده الجندى ساعه الحرب محرم عليه يضرب رجال شيوخ او اطفال او نساء
الحرامى ده كده بقى زى اليهود تمام واكتر منهم كمان ده بيضرب عشان يسرق
حسبى الله ونعم الوكيل
منك لله يافلوس

**MoToRiZeR** · 29-08-2009 10:13 AM

لا حول ولا قوة إلا بالله .. انا نفسي أعرف بس إيه جرا للناس في مصر
ده نهار رمضان بقي فيه فساد أكتر من أي وقت تاني !!

اللي يصعب عليك .. الناس اللي ملهاش ذنب زي الست دي
ولا عمرها هتحس بأمان في الشارع تاني .. في سنها ده

SS · 29-08-2009 10:28 AM

المشاركة الأصلية كتبت بواسطة motorizer

خرجنا منها علي خير يا رب !!!

آميييييييييين يا رب !!!

**superzok** · 29-08-2009 10:34 AM

نفس الموقف بالظبط صحاني من النوم رمضان السنه اللي فاتت وكان اول يوم

واللي سرق الست كان معاه عربيه وجرى بيها بعد ما خطف الشطه من ست عجوزه

**eslamrace** · 29-08-2009 12:08 PM

والنبى انت متزعل نفسك يا ايفو
هى دى مصر الواحد مش عارف يلوم على الشعب ولا على الامن

**ashraf229** · 29-08-2009 12:21 PM

لا حول ولا قوة الا بالله .................
قال تعالى(ظهر الفساد في البر و البحر بما كسبت أيدي الناس)صدق الله العظيم

اتقوا الله بئى .... خلاص بقينا كده بنسيح دم الأمهات في الشوارع و نخطف و نجري...هيكون معاها كام يعني في شنطتها دي ده حتى لو كنوز الدنيا خلاص عيني عينك في نهار رمضان أو في غيره.......

حسبي الله و نعم الوكيل و ربنا يلطف بيكي يا بلد.............

قال تعالى ( واذا أردنا ان نهلك قرية أمرنا مرتفيها ففسقوا فيها فحق عليها قول ربك فدمرناها تدميرا)صدق الله العظيم

ربنا يلطف بينا و بيكي يا مصر..........و لسه.........

**أحمد كمال** · 29-08-2009 12:30 PM

بجد لو كان الراجل ده اتمسك كان كل الناس فشت غلها فيه

بنت عمي فوق الخمسين و واحد مرة طلع عليها بسلاح في الأسانسير في بيتها و الناس في الاخر جريت وراه مسكوه ضربوه علقة مكن و سلموه للقسم و طلع مجند و اتحاكم مدني و عسكري و امه و ابوه راحوا باسوا رجليها هي و جوزها

بس خد سجن في الاخر و اتظبط

أحسن

**M.ABDEEN** · 29-08-2009 01:16 PM

عادي يا باشا للاسف طول مافي ناس بتفطر جاتوه وباتونسالييه وزبدة دانماركي وشاي انجليزي وناس تانية بتاكل عيش حاف (طبعا مش رايتش باك ولا من بتاع مترو ) لا ده ابو شيلن هيحصل اكتر من كده ....
بس احنا مش بنقول ماحدش ياكل الكلام ده لا انا قصدي انهم مش حاسيين باللي مش لاقيين ومزوديين الفشخرة على الاخر