عندى مشكله حاسس انها من ابواب السياره (خبط و رزع)

**angel_man100** · 29-08-2009 10:26 AM

المشكله دى ياجماعه مخليانى حاسس انى راكب ميكروباص من سنه 1950 المشكله ان العربيه فى المطبات المكسره وعين القط بلاقى خبط ورزع جاى من ابواب العربيه بحس انها مخلعه شوفت مسامير الأبواب لقيتها تمام مش عارف الصوت ده من ايه

**ashraf_fathy** · 29-08-2009 11:42 AM

المشاركة الأصلية كتبت بواسطة angel_man100

المشكله دى ياجماعه مخليانى حاسس انى راكب ميكروباص من سنه 1950 المشكله ان العربيه فى المطبات المكسره وعين القط بلاقى خبط ورزع جاى من ابواب العربيه بحس انها مخلعه شوفت مسامير الأبواب لقيتها تمام مش عارف الصوت ده من ايه

طيب اتأكد انها من البواب - يعني و انت واقف بره العربيه و الابواب مقفوله جرب تحاول تهزهم باب باب جامد و شوف هل في صوت و لا لا

و برضو اتأكد ان من جوه الباب نفسه مفيش حاجه مفكوكه وواقعه تكون بتعمل كده

لو مفيش حاجه من دول خاول شوف حد بتاع عفشه يبص على العربيه من تحت و يقولك

**MoMohsen** · 29-08-2009 12:09 PM

احتمال كبير تكون كاوتشات الباب او حتى الجريدة الكاوتش بتاعت الازاز بص افضل حاجه امشى هادى على شارع مكسر و اسمع الصوت و بعدين افتح الباب و قارن الصوت و انت ماشى و الباب مفتوح . لو الصوت اختفى يبقى المشكله فى الباب سوائ كاوتش او مفصله.
لكن لو الصوت مرحش يبقى ركز شويه الصوت حاى منين