الموضوع: المصري اللي على حق..يقول للغلط لأ..والله!!

المشاركة الأصلية كتبت بواسطة fadynabil

يا جماعة حرام عليكوا بجد ... أنا شايف إنها حمله جامده جداً

وهي إن كل واحد يبدأ بنفسوا ،، لأنها أملاك عامه بتاعتنا كلنا مينفعش أسيب حد يبوظها

وياريت نعمل بيها ،، ونبطل نرمي كل حاجة علي الحكومة وخلاص ،، شوفوا الدول المتقدمة وصلت لفين وإحنا بنتفرج عليهم

يا باشا ما اختلفناش

كل واحد يبدأ بتغيير نفسه و تقويمها و يحس بالنعمة اللي هوه فيها

لكن لما غيرك من الأميين و الهمجيين و البلطجية و اصحاب السوابق و الصيع و غيرهم كتير يغلطوا هأقولهم لأ أزاي يعني!!!

بدراعي!!!!! ولا أتناقش معاهم بموضوعية و هدوء !!!!!!! مش هوه ده الحل

ياريتهم كانوا بيدعوا الناس انهم يغيروا سلوكهم لأ دول عايزيني انا وانته نغير بنفسنا و القانون والنظام و الرقابة تأخد أجازة الظاهر زهقت

طبعا انا مع الإيجابية جدا و ضد السلبية.. إنما هل أنا شغلتي إني أقول للمسطحين فوق القطر إنزلوا يا حلوين إدفعوا تذكرة و بلاش تزوغوا؟ و هل لما أقول كده حد هايسكت لي؟ طيب لو حد غزني بمطوة هل حد من السادة المسئولين الموقرين بتوع السكة الحديد هاينفعني؟ و لا الشرطة هاتاخد لي حقي؟

حاجة تضحك و الله.. تبقى شغلتهم همه و يشغلوهاني و لما يحصل لي حاجة ما الاقيش حد من اللي انا عملت لهم شغلهم بدالهم ينصفني

الموضوع لازم يقنن عن كده و يعينوا فريق مراقبة و غرامة و يبقى فيه نزاهة في التعامل و ساعتها الأمور كلها هاتمشي تمام.. إنما مش مكفيهم البهدلة اللي احنا فيها، لأ كمان عايزين يشغلونا لحسابهم و يقفوا يتفرجوا علينا لما نقع في بعض.

مفيش اي ثقه بين الحكومه و الشعب
علشان كدة احنا دايما مبنقبلشي اي حاجة منها ودة طبيعي لان هما الحكومه السبب في كدة
بس برضة الدين النصيحه بعني ممكن ننصح بادب غير كدة المفروض في ناس في الحكومه دي شغلتها
امناء شرطه وعساكر و ظباط مش شغلتهم بس يلموا فلوسو رشاوي من الناس
لان فعلا زي الاخ المحترم اللي قال لو حد اضرب بمطواه اعتقد لما نكلم الاسعاف محدش هيعبرنا لحد ما الشخص اللي اضرب ينزف لحد مايموت و اللي ضربه برضة هيسافر ببلاش
لان ممكن العسكري او امين الشرطه او البيه الظابط المسئول عن المحطة يكونوا مشغولين في لم شوية فلوس من حد
انتوا تعرفوا البهوات علشان يمنعوا حد يسافر ببلاش عملوا ايه قفلوا الفتحه اللي بين رمسيس و موقف احمد حلمي و لو عاوز تعدي احمد حلمي تلف لفه كبيرررررررررررررررررة ياما تدفع جنيه رسم مرور من الفتحه دي و طبعا الجنيه من غير وصل و لا اي حاجة يعني بتدفع رسم مرور و انت ماشي علي رجلك اكنك داخل المتحف

طب انا عايز اعرف ..

لو كانوا عملوا اعلان يوعوا الناس و يرشدوهم و يقولوا لهم بلاش نرمى زبالة و بلاش نهرب من الكمسري و بلاش ناكل و نشرب و نبوظ فى القطارات .

و فى نفس الوقت كانوا عينوا ظباط فى كل محطة و امناء شرطة فى كل عربية او فى كل قطر , كان ايه اللى هيحصل ؟؟؟؟؟

اذا كان الواحد لما بيشوف طفل صغير بيشتم فى الشارع و يقول له عيب كده يا حبيبي بيطلع اهله من تحت الارض يمسكوا فيك فما بالك باللى بايع حياته و ناطط فوق القطر ؟!!

كــــــــفـــايــة ســـــزاجة بقي و هبل .:(