المصري اللي على حق..يقول للغلط لأ..والله!!

**ashraf229** · 29-08-2009 01:14 PM

بسم الله الرحمن الرحيم

مش هأطول عليكم بس أعتقد في كتير منكم شاف أعلانات سكك حديد مصر اللي بتتذاع حاليا في رمضان

و بتناقش سلبيات كتير في القطارات من تخريب و قمامة و سلوكيات و تزويغ و غيرها كتير

وفي الأخر بيعترف بأن الأعلان طبعا مش هيغير حاجة لكن انت اللي هتغير و تقول للغلط لأ

يعني الهيئة يا جماعة عايزانا نغير من أنفسنا و نغير الناس كمان

يعني الراجل اللي بيزوغ ده تقفش فيه و تمنعه
والست اللي قاعدة عالوابور بتعمل فول تروح تمنعها
و اللي بيرمي زبالة و يخربش القطر تقوله لأ

دي فلوس و فلوسك و تمنعهم و ما قالوش بئى المنع يبئى بالأيد و لا باللسان و لا بلقلب

يعني لو قالي ((وانت مال أهلك خليك في حالك)) هل أضربه و لا أسكت ولا اعمل ايه!!!

اما الهيئة الموقرة فخلاص جابتلكم كام قطار جداد و كفاية كده هتنهبوا

مش مسؤولة انها تعين مراقبين و كمسارية و امن و نقط مراقبة و تفتيش و تمنع هيه بوابير الجاز و الكلام ده

ليه هيه مش هيئة مصرية و على حق و لازم تقول للغلط لأ

و بأيديها سلطة قانونية تفرض غرامات و عقوبات و حبس و مرمطه للمخربين

ولا احنا مننا فينا نسلك أمورنا بئى مع بعض......انا جبتلكم قطورات اهوه و انت وأسطفلوا ياكش تولعوا انتو و هيه!!!!

موقف غريب فين العشرة جنيه الغرامة مثلا زي زمان بتاعة المترو لا كان حد يفكر يعدي من غير تذكرة ولا يشرب سجارة ولا يرمي ورقة ولا يبصق و لا يكتب و كله كان ماشي محترم لأنك عارف انك هتتغرم في لحظتها

دلوقت عربية الستات حتى مليانة رجالة!!!وباظ المترو

انا لا اعتقد ان مسؤليتي لوحدي علشان أبئى مصري على حق اني أتخانق مع اللي يرمي زبالة أو يزوغ من الكمسري لأني من حقي أنعم بالأمان لا حد يأذيني ولا أأذي حد

ده ما يمنعش ان الدين النصيحة واحنا اللي لازم نغير من نفسنا الأول علشان البلد تتغير لكن ما تشيلك الهيئة ايدها خالص كده بدون أي ردع للمخطئين و تقولك انت اتصرف!!!!!!

التغيير مطلوب لكن ما ينفعش من غير قانون و نظام و ردع و عقوبة...اللي بيتخالف مرة على حاجة بأخد باله تاني مرة منها لو كان له عقل و قلب واعي...

و فتكروا مثال المترو..لما بطلوا يعاقبوا الناس بطلت تلتزم...وده حال الفراعنة..محتاجين العين الحمرة في أغلب الأحيان علشان يمشوا مظبوط لأن الغلط دمه خفيف و الصح تقيل على قلبنا و ماخدناهوش في المدرسة

و يجعله عامر...........و رمضان كريم

**ahmedelzeeny** · 29-08-2009 05:02 PM

والله عندك حق اعلان ممل جدا

**elassar2010** · 29-08-2009 05:13 PM

اعلان كلة نصب جايب القطارات المميزة القطار فاضى مافيش حد واقف الشبابيك سليمة كلة للتصوير المشكلة الى بتنرفزنى انهم بيعملونا ان احنا رابطين فيل تحت البيت مش ناس عايشة فى البلد دى وعارفة شكل القطارات اية فى قطار مميز شبابيكة سليمة

وفى الاعلان ماقلوش اعمل اية لما اروح احجز ديزل والموظف يقولى مافيش تذاكر علشان يبيعهم للحبايب والاكرامييات

**SeiffoZ** · 29-08-2009 05:43 PM

يعنى إنتوا لا عاجبكم .. أن الحال يفضل سايب ... و تقولوا مشكلة شعب ... و لما يجيوا يحاولوا يغيروا سلوكيات الناس و إنهم يوعوا الناس بواجبتهم .... بردوا مش عاجبكم ....

إنتوا عايزين إيه بالضبط؟؟؟

أنتم عايزين جنازة تشبعوا فيها ... عايزين الحال ينصلح من غير ما تشتغلوا ..

و عايزين الشماعة إللى بتعلقوا عليها كل حاجة تفضل موجودة ...

خلاص أنا زهقت من الإسطوانة المشروخة إللى كل الناس عمالين يقولوها هنا فى المنتدى و فى مصر كلها ...

مفيش فايدة ...

عندهم حق إللى سمونا عالم ثالث ...

و لن أشارك فى مثل أى موضوع من هذه النوعية

مع خالص ‘حترامى للكل ... دى وجهة نظرى .... ممكن تكون حادة شوية بس انا لا أقصد أجرح فى حد ... و أرجوا تقلبها مع الإعتذار مرة أخرى

و شكرا

**elassar2010** · 29-08-2009 05:46 PM

المشاركة الأصلية كتبت بواسطة relentless_mayhem

يعنى إنتوا لا عاجبكم .. أن الحال يفضل سايب ... و تقولوا مشكلة شعب ... و لما يجيوا يحاولوا يغيروا سلوكيات الناس و إنهم يوعوا الناس بواجبتهم .... بردوا مش عاجبكم ....

إنتوا عايزين إيه بالضبط؟؟؟

أنتم عايزين جنازة تشبعوا فيها ... عايزين الحال ينصلح من غير ما تشتغلوا ..

و عايزين الشماعة إللى بتعلقوا عليها كل حاجة تفضل موجودة ...

خلاص أنا زهقت من الإسطوانة المشروخة إللى كل الناس عمالين يقولوها هنا فى المنتدى و فى مصر كلها ...

مفيش فايدة ...

عندهم حق إللى سمونا عالم ثالث ...

و لن أشارك فى مثل أى موضوع من هذه النوعية

مع خالص ‘حترامى للكل ... دى وجهة نظرى .... ممكن تكون حادة شوية بس انا لا أقصد أجرح فى حد ... و أرجوا تقلبها مع الإعتذار مرة أخرى

و شكرا

باشا عمرك ركبت قطار مميز من الى بيركبة الطلبة وشفت شكل الى راكبينة
اقل واحد معاة مطوة يعنى لو حضرتك قلتلة حرف هيغزك بيها
غير الخناقات الى كل شوية بتحصل وكل واحد يقلع الحزام علشان يتخانق وطبعا دول مزوغين من دفع التذكرة بس مش مزوغين من الكمسرى لانة يخاف منهم

**M.Osman** · 29-08-2009 06:48 PM

المشاركة الأصلية كتبت بواسطة elassar2010

باشا عمرك ركبت قطار مميز من الى بيركبة الطلبة وشفت شكل الى راكبينة
اقل واحد معاة مطوة يعنى لو حضرتك قلتلة حرف هيغزك بيها
غير الخناقات الى كل شوية بتحصل وكل واحد يقلع الحزام علشان يتخانق وطبعا دول مزوغين من دفع التذكرة بس مش مزوغين من الكمسرى لانة يخاف منهم

مظبوط

و الحقيقة كمان انه الأخ المزوغ دا لما يتقفش ..
الناس الطيبة هتتلم و تقول للكمسري خلاص .. معلش عشان خاطرنا المرة دي.. دا غلبان (أه والله) و ممكن حد يدفعله كمان

هو انت مشوفتوش النوعيات اللي بتزوغ اصلاً شكلها عامل ازي؟
انا رأيي انهم يجيبوا بلطجية يقولوا للغلط لأ ..

لكن أنا مش هكون قاعد في القطر و امسك واحد اقوله عندك.. انت رايح فين .. دا انا اروح فيها يا عم !

و بعدين هي شرطة القطار بتعمل اية؟

و بلاش نتكلم على باقى السلطات الخضراء و الحمراء اللي بتركب القطر ببلاش

**badblood** · 29-08-2009 07:22 PM

دي اعلانات الحكومة اللي بتضحك بيها ع الشعب

**ashraf229** · 30-08-2009 12:05 PM

المشاركة الأصلية كتبت بواسطة elassar2010

باشا عمرك ركبت قطار مميز من الى بيركبة الطلبة وشفت شكل الى راكبينة
اقل واحد معاة مطوة يعنى لو حضرتك قلتلة حرف هيغزك بيها
غير الخناقات الى كل شوية بتحصل وكل واحد يقلع الحزام علشان يتخانق وطبعا دول مزوغين من دفع التذكرة بس مش مزوغين من الكمسرى لانة يخاف منهم

ده اللي انا بقوله بالظبط........

انت اللي لازم تمنع الغلط و تقوله لأ على نفسي لكن عالغير ازاي و بأي حق و أي سلطة!!!!!!!

أمنع نفسي من الغلط و أستحرم أرمي زبالة أو أخربش الحيطان أو أقطع الفرش كل ده كويس لكن واحد مسطح ونايملي عالرف بتاع الشنط هأشده من قميصة أنزله يعني!!!دي بقت فوضى أكتر من الفوضى الموجودة!!

بعدين جنازة ايه اللي عايزين نشبع فيها لطم دي يا سيدي الفاضل!!!!!!!احنا كلنا مش بالسذاجة دي اللي يضحكوا بيها علينا ان الموضوع سهل و بسيط جدا لما تلاقي حد بيعمل غلط في القطر أمنعه و ما تخافش ده طيب و ما بيعضش و مش هيعملك حاجة بالعكس ده هيتكسف منك و هيبوس راسك و هيبئى عايز الأرض تتشق و تبلعه!!!!!!بالذمة ده كلام!!!

أنا كل استغرابي من موقف الهيئة السلبي جدا جدا ده و تواكلها على الناس و ده ما ينفعش...لازم الناس تكون واعية لدورها في تغيير سلوكها و في نفس الوقت هيه ((الهيئة و الحكومة)) تقوم الغلطان و تحاسبه وتراقب و تكشف فسادها

يعني انت لو شفت حرامي بيسرق مثلا هتأخده تسجنه عندك في البيت 6شهور و بكده تكون بتقول للغلط لأ و المفروض تبلغ البوليس و المفروض البوليس ييجي و المفروض البلطجي ده يتحاكم و يتسجن جزاء لما عملهمن خطأ في حق نفسه و الناس...........

الموضوع مش اسطوانة مشروخة ولا حاجة الفكرة كلها ان ده تدعيم لفكرة انه انا يا حكومة جبتلكم قطار جديد و الباقي عليكم تحافظوا عليه و تمنعوا أي غلط بالذوق بالعافية مش مهم المهم انا عملت اللي عليا......

في أمن في كاميرات في مفتشين في مراقبين في حملات مفاجئة في ألف طريقة

يعني هما في قطارات ألمانيا و لا سويسرا مثلا بيقولوا للغلط لأ بأيديهم...اكيد في سلطة رادعة ليا و ليك و للكل و ثقافة و تربية على احترام القانون و العمل بيه

ويجعله عامر

و شكرا لكل اللي مر أو رد عالموضوع..............

**fadynabil** · 30-08-2009 12:17 PM

يا جماعة حرام عليكوا بجد ... أنا شايف إنها حمله جامده جداً

وهي إن كل واحد يبدأ بنفسوا ،، لأنها أملاك عامه بتاعتنا كلنا مينفعش أسيب حد يبوظها

وياريت نعمل بيها ،، ونبطل نرمي كل حاجة علي الحكومة وخلاص ،، شوفوا الدول المتقدمة وصلت لفين وإحنا بنتفرج عليهم

**abzoabzo** · 30-08-2009 12:45 PM

ياريت المسئولين يوجهوا الكلام ده لنفسهم ويحاولوا ويتعبوا شوية انهم يفهموا وبعد كده يبقى يعرضوه على الناس

امتى بقى يارب الحته النووى تيجى تنضفنا من الاشكال ده

الموضوع: المصري اللي على حق..يقول للغلط لأ..والله!!

LinkBack

أدوات الموضوع

عرض

-

-

-

-

المواضيع المتشابهه

اضحك مع الشعب .... والله ما لينا حل المصري مصري

اللي ميعرفش يقول هجص

اللي يستلم يقول

المصري اللي علي حق , يقول للحكومة لأ !!

حد يقول لي اللي في الصورة ده رشح منين؟

الكلمات الدلالية لهذا الموضوع

المفضلات

المفضلات

ضوابط المشاركة