علامه الجيتا اللى قدام اتسرقت كالعاده و انا راكن ياريت ياجماعه اللى يعرف اجيب العلامه اللى قدام الorignal منين فى المنصوره و سعرها كام ؟؟؟
عرض للطباعة
علامه الجيتا اللى قدام اتسرقت كالعاده و انا راكن ياريت ياجماعه اللى يعرف اجيب العلامه اللى قدام الorignal منين فى المنصوره و سعرها كام ؟؟؟
عوضك على الله يا سولم
معلش ولا يهمك
فداك يا جميل خدت الشر وراحت
انا كمان العلامة الخلفية على الباسات بتاعتى اتسرقت ياريت الافادة منين اشتريها من المنصورة و سعرها كام
ياريت تقولولى اى واحد بيبيعها غير مكاوى و لو فى مثلا حد من المحلة ياريت تقولولى عليه
دى حاجة تزعل ربنا معاك بيتهيألى مش هتلائيها أصلى غير التوكيل ممكن حد يسألك عند الشهابى فى القاهرة
والله انا سمعت عن موضوع سرقه علامه الفولكس الاماميه و الخلفيه من الباسات و الجيتا لان الحجم و الشكل كبير ونيكل
لكن اللى عاوز اسئله هيه بتتسرق بالليل ولا بالنهار :120146b
انا عن نفسى بركن فى جراج البيت لكن ببقى خايف لما بركن بره فى اى حته بالنهار واول حاجه بشيك عليها لما ارجع للعربيه هى العلامتين و الخدوش
واللى اعرفه انهم بيحطوها بعد السرقه على الميكروباصات و التاكسى
الف شكر ياجماعه بس هى مش موجوده عند مكاوى ؟؟؟ طب موجوده فين فى القاهره وسعرها كام الاصليه ؟؟؟
عند أشرف الشهابي
وغالية
تروح اسكندرية ترجع من غير علامة فولكس وطول مانت ماشي تلاقي المشروع لازق العلامة حاجة تفرح بجد
علامة عربيتي اتسرقت من أمام فندق القوات المسلحة في العصافرة
المشكلة بقيت أخاف أركن العربية فى أى مكان و أول ما أرجع أول شىء أبص عليه العلامات قدام و ورا. و بعدين فى الفزع ده! ألا يوجد حل مبنكر يمنع سرقة العلامة؟؟؟
برضه ما حدش رد قال هى بكام (الأمامية و الخلفية)؟؟
بكام طيب ياباشمهندس اسامه ؟
حكلملك أشرف الشهابي وأسألك عليها وأرد عليك هنا
قدر الله وما شاء فعل يا عزيزي
خدت الشر وراحت في داهية متزعلش تفسك
إدعي للي سرقها إن ربنا يعاقبه ويتوب عليه علشان ضميره يفضل يأنبه طول عمره على أيده الطويلة دي
بشرتونى يا فولكساوية معنى كدا انى مش هخرج العربية من الجراج ولو حبيت اروح مشوار هركب ميكروباص عشان العلامة ما تتسرقش
ربنا يخليك ياباشمهندس اسامه
انا اصلا بركن فى جراج بس دا حصل و انا فى مشوار و انا راكنها و هى ساعه بالظبط
بقت حاجه تقرف والله مش عارف هيستفادو أيه اللى بياخدوها يعلقوها على عربيات تانيه غير فولكس يعنى تلاقى لادا تلاقى شاهين دا طبعا غير الميكروباصات والتكتوك والطريف بقى أن بعض العربيات الصينى
طب ما الناس عارفه ماركات العربيات أيه وجه الفايده ليه يعنى
حسبى الله ونعم الوكيل
المفروض يمسكو العربيات والميكروباصات اللى عليها العلامات دى ويدفعوهم غرامة فورية عشان محدش يفكر يحط عامة مش بتاعته على عربيته حتى لو جايبها تقليد من واحد بتاع إكسسوار..
العلامة الأمامية ب 250 جنيه عند أشرف الشهابي في شارع دمشق للجيتا - اشتريتها مرتين :120146b
و العلامة الخلفية للجيتا ب 150 جنيه
بالنسبة للباسات - العلامة الخلفية ب 1200 جنيه لأنها مرتبطة بسنسور كهربا.
كل واحد ياخد باله من علامته والا ....................
خالص احترامي
محمد
يا سولوم
أنا ممكن أجبلك واحدة صيني ب 120 جنيه طالما كده كده بتتسرق
وبعدين يا عم محمد لما اتسرقت منك مرة مجبتش صيني ليه؟
رمضان كريم يا عزيزي
كل عام وانتم بخير . والله زي اليومين المفترجين دول السنة الي فاتت العلامة برضو الخلفية اتسرقت ! وكتبنا موضوع كبير والمشكلة لن تنتهي !
هات صيني احين وركبها لانها هتتسرق هتتسرق وهتجيبلك هسس العلامة الخلفية كل متيجي تركب العربية هتلاقي نفسك تلقائيا بتبص ورا العربية وانت بتدعي يارب متكونش اتسرقت !!!
و العلامة الصينية مبروكة الحرامي عارف الاصلية !
العجيب ان العلامة مفضلة جدا للعربجية كمان ! كان عندي صورة واحد لازقها علي عربية كارو !
لما كنت ساكن في فيصل فية جنبنا العيال بتوع الفولكس بيركنوا ومقولكش اقل عربية عليها علامتين ! انا ممكن اديك العنوان و نروح نخلعهم وناخد ثواب !
ربنا يخليك ياباشمهندس انا شكلى هسيبها شويه كده ...بس هى الصينى دى تفرق ايه عن الاصلى ؟؟؟
الف شكر ياجماعه شكلنا كده هنطلع على توكتوك و نظبطه فى العلامات اللى معاه :d
ياريت حد يدلنا على حد بيبيعها فى المنصورة غير مكاوى او حتى لو حد فى المحلة
انا اشتريت العلامة الخلفية للباسات (علامة فقط من غير السينسور و الكلام ده) صينى من مكاوى ب 15 جنيه و اشتريت طاسه فولكس بردو من مكاوى ب 20 جنيه
مفيش فرق بينها وبين الاصليه يا سولوم
هيه هياها بالظبط
الزقؤها بسيليكون انا عملت كده في الابيزا وان شاء الله حوف لو تنفع في البولو عشان لما يجي حد يسرقها يجيب معاه العده عشان يا يدفع يا اشيل العده
ياعم الحرامي مبيسرقش العلامة الصيني بيبقي عارف شكلها كويس !
وموضوع السيليكون خطر لانة ممكن يكون حرامي غبي وتعند معاة وبيوظ الشنطة ويكسر العلامة !
وعلي فكرة العلامة الاصلية للجيتا مكسيكي وموجودة لسة شايفها في اسكندرية الاسبوع الي فات
انا اشك في شويه تجار من بتوع الاستيراد بيسرحوا عيال عشان يسرقوا العلامات دي وبعديين يفرزوها وكل تاجر ياخد الماركه اللي شغال فيها وييجي بعد كده يبعهلنا تاني
وبعدين تتسرق تاني انا شكلي كده حكتب اسمي علي العلامه زي بطارية الموبايل
علي فكره انا ما بعممش علي كل تجار الاستيراد مش شرط انهم كلهم ممكن واحد مثلا من كل التجار اللي في السوق كل مجال فيها ناس كويسه وناس وحشه عشان ما شيلش زنب حد
انا شوفت النهارده علامه صينى للجيتا ب 50 جنيه بس شبه الاصلى بالظبط و نظيفه جدا احسن من الصينى التانيه الللى كنت شوفتها ب 120
ابقو غطو العربيات يا جماعه وحاولو تحطوها فى مكان امن
انا بردو اتسرقت منى العلامه مرتين و من ساعتها و انا سايب العربيه من غير علامه
هو للاسف المحل دا فى المنصوره
بالنسبة للعلامة الأمامية الحل الوحيد هو لما تيجي تركن في الشارع ابقا شيلها و عينها في العربية.
أما العلامة الخلفية بقا ملهاش حل للأسف
انا من ساعة ما عرفت الحوارات دى وانا اشتريت غطا للعربية ولو بركنها برة ولا حاجة بغطيها عشان مش نااقص فى العربية تجريح ولا سرقة علامات انا ما صدقت انى اشتريت العربية فا لو كدا انا هخليها فى الجراج دايما ومش مخرجها