بردوا مازلت مستنى تقريرك المصور :F_eyeb1[1]:
اولا انا ببارك لياسر على العربيه البرافو التحفه دي وببارك لنفسي طبعا لان سقتها قبله واديهاني عشان اجي المقابله بيها
بصو لو فضلت احكي عن مميزاتها مش هحخلص بس بما ان احنا شعب مدق مدق وبنجيب من الاخر فهقول على العيوب على طول لان في غيري شرح في المزايا
انا كان نفسي العربيه دي تبقى مانيوال ( ده طلب شخصي ) مع ان دي افجر عربيه اتوماتيك سوقتها في حياتي بعد ال بي ام طبعا وان كان عشان حجمها الصغير ده مش ممكن ابد تتخيل يطلع منها الكلام ده وانت ماشي او حتي في اول الطلعه ( سحب مش ممكن )
ثانيا فعلا العفشه طريه مش سبورت وانا كان نفسي تبقى اسبورت ومش مهم عندي انها تبقى ناعمه في المطبات والنقر انا يهمني الملفات والغرز ( معلش اصلي متعود على الدفع الرباعي بقى ) بس هما اكيد نزلوها كده ناعمه عشان دي للمدينه اتوماتيك ومش اعلى فئه كفئه رياضيه بس اكيد ال 150 حصان المانيوال حاطين عفشه سبور ( طقم كوني مساعدين وسوست وزي الفل للى غاوي زي )
اه بس على فكره انا كنت بجري مع ياسر على الدائري وما شاء الله لقيتو عمال ياخد في غرز 160 و 180 وماشفتوش بعديها يعني انا قلت عفشه طريه اه بس مش بتعوم على السرعات ولا في الغرز بس هو احساس عندي انا لاني اتعودت على سواقه معينه بس لو غيري ساقها اكيد حيقول دي ملهاش حل في الثبات
ثالثا انا شايف انها تتقارن ب جولف 6 وان كانت اكيد جولف 6 افضل قليلا بس الاكيد انها افضل من الجولف 5 (حد فهم حاجه )
رابعا بالنسبه للوسع هي مش زي حجم ال اي 30 لو حد بيقارن لان بديهي ال اي 30 اوسع كتير بس هي اصغر من الجولف سنه وعلى فكره شنطتها واسعه بس الكنبه اللي ورا متعتمدش عليها اوي كفايه اتنين قدام مستريحين واللي ورا مش بيركبو كل يوم يعني لانها اكيد مش عربيه عائليه ولا عربيه سرفيس :) ولا انت عاجباك القاعده ورا عشان الفاميه الدارك اللي ورا ده ( اللهم اني صائم ) :):):):)
اخر حاجه انا حسيت بيها ان صوت الماتور بيعلى عند 5 ار بي ام حتقولولي عادي طبعا انا قلت كويس يمكن عشان اخد بالي من العربيه وانقل بس للاسف عايز اقوللكو ان عندي في السوبارو بنقل على 5 او 6 ومش بحس اصلا اني حرقت ولا بيلفت انتباهي حتي صوت الموتور انا بنقل كده عشان ده الواجب مش اكتر :)
هي بس الخلاصه ان وجهات النظر تفرق من واحد للتاني وبالذات انت اتعودت على ايه طبعا كلكو عارفين مثال ان واحد فضل سايق 128 ولما ركب اي عربيه زيرو حيقول عليها ايه
فالموضوع كله نسبه وتناسب بس الخلاصه بحد البرافو عربيه ملهاش حل ومن اكتر الحاجات اللي عجبتني فيها انها بجد عربيه تفاعليه معاك وانت سايق interactive ودي انا حاستها كده بس مش عارف اوصفها بس مبسوط منها ومن الاخر التجربه خير دليل
وبالنسبه للصور انا مش عارف لو صورتها حصور فيها ايه ولا ايه لان الصوره حتبقى جايبه حته صغيره ودي اقل ما يقال عليها ( كلك على بعضك حلو ) بجد هي تحفه فنيه ايطاليه سواء من الداخل او الخارج لازم تتشاف بالعين مش بالصور الثنائيه الابعاد
بص يا ياسر انا حظبطلك كده والنص ساعه عالدائري او 50 كيلو ايهما اقرب ب 50 جنيه وانا حنظملك طوابير الحجز وطبعا ليا عمولتي يا معلم ابو قسم :):):)
انا عايزك يا ياسر تعملك توقيع لسه جاي في دماغي حالا
Viva BraVo , bRavo FIAT
الله شوقتنا ..فين يا ياسر التقرير المصور
ان شاء الله يا جماعه بعد العيد مباشرة حيكون التقرير المصور بين ايديكوا و سامحوني علي التأخير
شوفو اللينك ده يا جماعه و قولولي رأيكوا
Nuova Fiat Bravo - Sito Ufficiale
معقولة ال i30 اوسع من جوة ؟؟!!
طيب انت رأيك هي ممكن تشيل كام واحد ورا
وخلي بالك ان تصنيفها اساسا
small family car
يا خالد
الف مبروك على البرافو .
It's more then a car
الله يبارك فيك يا معلم