-
انفجار شاشات iPhone يفتح تحقيقا موسعا في الاتحاد الأوروبي
-
-
شكرآ يا استاذى على الاضافة الجوهرية دى فعلآ الصورة احيانآ اقوى من 1000 كلمة
-
يعنى اللى عنده واحد يرميه بقى !!!!
-
منتجات ابل كلها مصنعة فى الصين و فى اوقات كتير من خامات ردئية , و دى مش اول مشكلة,
منتجات كتير تخصهم كلها مشاكل فى التصنيع بسبب الخامات الردئية .
-
اقتباس:
شكرآ يا استاذى على الاضافة الجوهرية دى فعلآ الصورة احيانآ اقوى من 1000 كلمة
العفو انا معملتش حاجة
الحقيقة ان الموضوع قالب منتديات الموبيلات الأوروبية
الموضوع كبر اوي و Apple بترد و تقول انه سوء استخدام ..
طبعاً كلام فارغ
اذا كان الموبيلات الصيني المجهولة مبتعملش كدا و موبيلات "حمارة شغل" ..
(آسف على اللفظ)
-
يعنى الموبايل ممكن يفرقع وانا فاكره مفتاح طول النهار فى جيبى
شكرا على الموضوع وعلى التنبيه فى نفس الوقت والحمد لله انه محصلش حاجه
-
8 أجهزة تم الأبلاغ عنهم من أصل 25 مليون جهاز أتباع حول العالم....
تفتكروا النسبة كام فى المليون ؟؟؟؟؟
تلت أيوة.....1\3 فى المليون.....
و الأخ اللى بيقول أن أبل بتصنع أجهزتها فى الصين......و من خامات رديئة........لو عاوز تشوف الخامات الرديئة فعلاً يبقى حاول تشوف واحد معاه أيفون تقليد.....و برضه بيكون صينى.
-
يعنى حايكون العن من ال htc المقرف اللى كل نص ساعة عايز reset و كل اسبوع عايز سوفت وير !!! طب يا رب يولع زى الابل فون واخلص منه
-
المقصود ياجماعة ان من يمتلكون الجهاز ميحولوش يعرضوة لدرجات حرارة مباشرة مثل وضعو على التابلوة او تركو فى السيارة او ما شابة ذلك من باب الحرص
-
يا نهار ابيض ده اللى شيله اكنه ماشى بمولوتوف:majd(4):
-
على فكرة الآى فون خاماته مش رخيصة ولا حاجة ، بالعكس هو معايا بقاله أكتر من سنة وماشوفتش موبايل ليه نفس الخامات والدقة إلا نوكيا 8800 التيتانيوم
سوق الآىفون وصل إلى 40 مليون جهاز
فيه كلام بيتقال عن سخونة عالية من أحد إصدار اللى هو 3g s لأنه نازل ببروسيسور 600 ميجا ورام 256 ميجا فعشان كدة بيسخن جامد لو حملت عليه أوى ، بس ماعنديش فكرة عن موضوع إنفجارات ده
الموضوع ده على فكرة سبق وحصل من موبايلات نوكيا ومن لابتوبات hp
-
اقتباس:
المشاركة الأصلية كتبت بواسطة Sameh
على فكرة الآى فون خاماته مش رخيصة ولا حاجة ، بالعكس هو معايا بقاله أكتر من سنة وماشوفتش موبايل ليه نفس الخامات والدقة إلا نوكيا 8800 التيتانيوم
سوق الآىفون وصل إلى 40 مليون جهاز
فيه كلام بيتقال عن سخونة عالية من أحد إصدار اللى هو 3g s لأنه نازل ببروسيسور 600 ميجا ورام 256 ميجا فعشان كدة بيسخن جامد لو حملت عليه أوى ، بس ماعنديش فكرة عن موضوع إنفجارات ده
الموضوع ده على فكرة سبق وحصل من موبايلات نوكيا ومن لابتوبات hp
معايا ال 3gs و كان معايا قبله الجيل الأول خالص.......الأتنين زى بعض فى السخونية
بيسخن لما تكون فاتح WIFI أو بتشحنه.....بس مش السخونة اللى تقلق.
-
اقتباس:
المشاركة الأصلية كتبت بواسطة ahmed a.maksoud
معايا ال 3gs و كان معايا قبله الجيل الأول خالص.......الأتنين زى بعض فى السخونية
بيسخن لما تكون فاتح wifi أو بتشحنه.....بس مش السخونة اللى تقلق.
أي تليفون لو شغلت الواي فاي او شحنته او البلوتوث لمدة طويلة بيسخن عادي جدا
و لو المكالمة طولت كمان
بسبب استخدام البطارية المكثف
-
اقتباس:
المشاركة الأصلية كتبت بواسطة evoo90
يعنى اللى عنده واحد يرميه بقى !!!!
لأ ماترميهوش
بس ماتحطوش على حجرك و انت سايق ,شفت الكرسي حصله إيه :N_no[1]:
-
أرسل أصلا بواسطة evoo90 http://www.nilemotors.net/Nile/image...s/viewpost.gif
يعنى اللى عنده واحد يرميه بقى !!!!
لا يا عم مترميهوش
ابعتهولى و انا متكفل بمصارف الشحن و اخلصك منه
شفت اكتر من كده :)
-
ال i Phone خامته رديئه !!!
بجد مش عارف اقول ايه .. نو كومنت بجد !!
شركه apple على فكره شركه محترمه جدا .. اجهزتها غاليه لكن الضمان بتاعها جامد جدا . والناس اللى فيها فاهمه هيه بتعمل ايه كويس .. والصراحه اللى حصل فعلا الانفجار وكده مينفعش يتسكت عليه ...
-
معايا السامسونج اومنيا زى الفل
-
اقتباس:
المشاركة الأصلية كتبت بواسطة ahmed a.maksoud
معايا ال 3gs و كان معايا قبله الجيل الأول خالص.......الأتنين زى بعض فى السخونية
بيسخن لما تكون فاتح wifi أو بتشحنه.....بس مش السخونة اللى تقلق.
أستاذ أحمد جبت ال 3gs منين وبكام بعد إذنك ؟ عشان أنا بدور عليه
وجليبريك ولا ليجال ؟
أنا معايا أول جيل ال 2g وعايز أغير
-
انا عايز اعرف بردو جبتو بكام ال 3 جي اس
علي ما اعتقد مانزلش منه مفتوح رسيمي لازم يتعمله جيلبراك
-
-
اقتباس:
المشاركة الأصلية كتبت بواسطة Sameh
أستاذ أحمد جبت ال 3gs منين وبكام بعد إذنك ؟ عشان أنا بدور عليه
وجليبريك ولا ليجال ؟
أنا معايا أول جيل ال 2g وعايز أغير
اقتباس:
المشاركة الأصلية كتبت بواسطة brown-eyes
انا عايز اعرف بردو جبتو بكام ال 3 جي اس
علي ما اعتقد مانزلش منه مفتوح رسيمي لازم يتعمله جيلبراك
أسف على التأخير
أنا جبته من أمريكا عن طريق واحد قريبى جبت ال 32 جيجا و وقف عليا بحوالى 350 دولار
اللى نفعنى أن قريبى كان عاوز يشترى خط AT&T كده كده
و طبعاً عملتله جيلبريك
أنا برضه كان معايا ال 2g
-
ربنا يباركلك فيه ، أنا شوفت ريفيوهات عنه ، إيه رأيك الفرق يستاهل ولا نستنى التعديل اللى بعده ؟
-
دى أسعار موبينيل لسة شايفها
Available models:
iPhone 3G 8GB: EGP 3,800
iPhone 3G 16GB: EGP 4,150
iPhone 3GS 16GB: EGP 4,640
iPhone 3GS 32GB: EGP 5,130
-
ربنا يباركلك فيه السعر ده كويس جدا انا كنت بسال عشان احنا كنا بنبيع ال 32 بي 6000 عندنا في المحل بس خلص
-
اقتباس:
المشاركة الأصلية كتبت بواسطة Sameh
ربنا يباركلك فيه ، أنا شوفت ريفيوهات عنه ، إيه رأيك الفرق يستاهل ولا نستنى التعديل اللى بعده ؟
الله يكرمك يا باشا
هو الفرق بالنسبالى يستاهل.....لعدة أسباب
1- أسرع
2- سوفت وير أحدث به الكثير من الميزات الجديدة عن ال 2g زى ال gps والبوصلة و الكاميرا ال 2 ميجا و تسجيل الفيديو و ملاحظات صوتيةو بينزل معرب كمان.
و طبعاً السعر اللى أنا جيبته بيه قليل و خصوصاً أن القديم كان محتاج بطارية ب 350 .
اقتباس:
المشاركة الأصلية كتبت بواسطة brown-eyes
ربنا يباركلك فيه السعر ده كويس جدا انا كنت بسال عشان احنا كنا بنبيع ال 32 بي 6000 عندنا في المحل بس خلص
ده أنا على كده جايبه ببلاش :)
تشترى على 5 يا باشا :))
هو البطارية بتاعة ال 2g تتغير بكام يا باشا.
-
ماشاء الله السعر اللي انت جيبته بيه كويس جدا
حتي بعد ما سعره نزل بردو السعر كويس
لو محتاج بطارية ال 2جي هتبقي بحوالي 150 بالتركيب ودي اصلية والسعر ده عشان خاطر حضرتك طبعا :)
-
اقتباس:
المشاركة الأصلية كتبت بواسطة brown-eyes
ماشاء الله السعر اللي انت جيبته بيه كويس جدا
حتي بعد ما سعره نزل بردو السعر كويس
لو محتاج بطارية ال 2جي هتبقي بحوالي 150 بالتركيب ودي اصلية والسعر ده عشان خاطر حضرتك طبعا :)
شكراً على الرد يا باشا
يا ريت تبعتلى تليفونك و أسمك و رقم جلوسك على الخاص :shine[1]:
و إن شاء الله لو فى نصيب أجيلك على اول الشهر عشان الشهر ده الدنيا متظبطة على الأخر.:majd(4):
-
اقتباس:
المشاركة الأصلية كتبت بواسطة gemino
يعنى حايكون العن من ال htc المقرف اللى كل نص ساعة عايز reset و كل اسبوع عايز سوفت وير !!! طب يا رب يولع زى الابل فون واخلص منه
حرام عليك أنا معايا الsony ericsson experia x1 وهو من صنع htc بالشراكة مع سوني وفي مصانع htc وزي الفل ومفيهوش أي مشاكل إنت بس نزلة سوفت رسمي مش من المتبوخين وكله هيبقى تمام:10D5C8~1107:
-
اقتباس:
المشاركة الأصلية كتبت بواسطة gemino
يعنى حايكون العن من ال htc المقرف اللى كل نص ساعة عايز reset و كل اسبوع عايز سوفت وير !!! طب يا رب يولع زى الابل فون واخلص منه
دة علي اساس اة
دة التليفون الاول علي مستوي العالم
انا معايا تايتن 2
مش لاقي كلام اوصفة بقي غير انة قمة النضافة الي في الدنيا امكانيات و شكل و خامات
نزل انت بس سوفت وير من التوكيل قبل ما تعيب في الجهاز
-
فعلا يا جماعة الاجهزة ال htc محترمة جدا وكويسة بس معظم مشاكلها بتكون من السوفت وير والرومات المتعدلة اللي بتنزل عليها فا اي حد عنده مشكلة ان الجهاز بيهنج او بيعمل ريستارت او بطيء يحاول ينزل السوفت وير الاصلي ويجرب الجهاز و ان شاء الله المشكلة تتحل وكده هتكون اتاكدت انها مشكلة من الروم القديم ممكن بعد كده تجرب رومات تانية لغاية ما تلاي روم مناسبة للجهاز
-
وفي حاجة كمان احنا ماجبناش سيرتها وهي الاجهزة البلاك بيري وفعلا الاجهزة دي محترمة بمعني الكلمة بس هيا مالهاش حظ في مصر بسبب سوء التسويق وبسبب ان البلاك بيري بينزل كل اجهزته براندد يعني لازم تكون مع خط ولازم تكون مشغل البلاك بيري سيرفيس ودي باشتراك ومن غيرها تقريبا نص امكانيات الجهاز مش شغالة
-
معنى هذا انه قنبلة موقوتة مع صاحبه .
