السلام عليكم
انا عايزة اركب سماعات واظبط فى نظام صوتيات العربية موش عارفة حد كويس لو ممكن تدلونى على حد فى الاسكندرية يكون خبرته عالية وياريت اعرف ممكن ادفع كام ؟؟ انا هاغير السماعات واركب جديدة فى مكان تانى
شكرا
عرض للطباعة
السلام عليكم
انا عايزة اركب سماعات واظبط فى نظام صوتيات العربية موش عارفة حد كويس لو ممكن تدلونى على حد فى الاسكندرية يكون خبرته عالية وياريت اعرف ممكن ادفع كام ؟؟ انا هاغير السماعات واركب جديدة فى مكان تانى
شكرا
توكيل كلاريون اللي قدام نادي سموحه
حضرتك حتلاقي هناك كل حاجه اصليه وبضمان
واسعاره معقوله وفيه امكانيه تقسيط
بس لو معاكي فيزا يكون احسن
اسعار الكاسيت بتبدا من 550
والسماعات من 300 او 350
شكرا اخ شنورى على الرد بس سؤال العربية فيها كاسيت تعبان خالص بس انا موش عايزة اغيره ينفع اغير السماعات بس اصل انا موش باستخدم غير الراديو
وسؤال كمان هما بيركبو انا مشكلتى الاساسية انى عايزة حد بيفهم كويس يركبلى ويخترلى مكان تانى للسماعات
هو مش حضرتك حتركبي السماعات ورا في الحامل اللي علي الشنطه ؟؟؟؟؟؟
ولا عاوزه سماعات تركب في الابواب ؟؟؟؟
لو في الشنطه يبقي حتروحي لكهربائي يعملك حامل جديد خشب علشان متقطعيش في الاصلي بتاع العربيه
هما عندهم ناس كويسين جدا في التركيبات
بس اكيد الاختيار حيكون لحضرتك
والاخوه الزملاء هنا اكيد حيفيدوا حضرتك اكتر مني في الاماكن المتاحه لركوب السماعات فيها في العربيه
وبالنسبه للكاسيت فممكن حضرتك تجيلي المودليتور اللي بتركب فيه الفلاشه ويشغل الاغاني عن طريق موجه اف ام للراديو
انا الحقيقة كنت باسال على كهربائى كويس متخصص فى تركيب الحاجات دى لانى اساسا هاساله احط السماعات فيت على اساس العربية قدامه هو اللى هايعرف يفتى اكتر بس موش عارفة حد فكنت عايزة حد يرشحلى اسم اروحله
والله هو فيه واحد محترم انا بتعامل معاه في محرم بيك
بس برضه حضرتك اسئلي علي حد قريب منك لان الصنايعيه دول اقدام
وشوفي كهربائي يكون شغال وعنده عربيات محترمه واقفه
ميكونش فاضي او كل اللي عنده تاكسيات
علشان بتوع التاكسيات دول انا مش بحب اتعامل معاهم بحس انهم نصابين
بس خدي بالك ان سماعات الابواب غير سماعات الضهر
الاحجام بتفرق
طيب حضرتك ساكنة فين فى اسكندرية
انا اعرف واحد كهربائى كويس بس موقعه
فى سيدى بشر وشغله نضيف جدا
وشغال تكييف كمان وعربيات اخر جمال عنده
شوفى لو مناسب لحضرتك سيدى بشر
اقولك المكان بالظبط
وانتظرى باقى الاعضاء هيفدوكى اكتر ان شاء الله
فيه المهندس سعيد العربى فى اول شارع بورسعيد من نحيه الشاطبى اما سان مارك على الشمال وفيه جنبه بتاع كاسيت وسماعات وفيه قدام شويه على اليمين بتوع كاسيت وسماعات وكهربا
طيب الحمد لله انو مناسب مع حضرتك
هوة حضرتك عند شارع اسمه محمد نجيب
لو هتبقى جاية من الاتجاه اللى من فكتوريا للمندرة
طريق جمال عبد الناصر يبقى تانى شارع بعد محمد نجيب بالظبط
وعلى ناصية الشارع جزارة اسمها النصر الحديثة هتدخلى من الشارع ده
لو سالتى اى حد على ورشة يسرى والسيد الكهربائى
كتير اوى هيدلوكى ولو مش عايزة تسالى هوة مش جوة الشارع اوى
اه وفى علامة كمان فى محل مشهور بتاع ملابس حريمى اسمه نانى مود
هوة الشارع اللى بعده عل طول
يا رب يكون العنوان واضح واى استفسار انا تحت امرك