عرض للطباعة
هو ليه في رمضان بالنهار الناس جالها حالة هبل في السواقة؟ ليه كتر الكسر ع الناس و طبيعي إني ألاقي حد داخل ببوز عربيته في باب عربيتي؟ ليه طول ما انا ماشية، خصوصا و انا راجعة من الشغل عمالة أعلق في الكلاكس للناس المستغبية؟ :I_angr1[1]:
انا عارفة ان هو ده الطبيعي في الشارع المصري.. إنما في رمضان بصراحة الوضع زاااااااااايد عن حده كتير. بس برضه مش فاهمة.. ايه علاقة رمضان و الصيام بالهبل ده؟ حد عنده تفسير؟ :11:
عادى يا علا انا هاقولك الوجه الاخر للعملة
انا سواقة سايقة فيها (انا مبتدئة فسواقتى زفت )
هما نوعين عافية
والنوع التانى
انا
:O_stupid[1]:
الجهل
للاسف فيه رجالة موش راضية تعترف اناه بتسوق بهبل
فاتستعبط
بصى كويس على اللى بيعمل الحركات دى تلاقيه واثق زيادة اوى من نفسه
لانه يا حرام فى حالة انكار لسوء مستوواه فى السواقى
او عارف بس الامور خرجت عن السيطرة
زى العبد لله
معنديش غير :
شوية فرافير مش عارفين يمسكوا اعصابهم/ او مش متربين من الأساس و عاملين الصيام حجة للغباء
لأ و الأكادة بأه (حلوة الأكادة دي؟) إن ماحدش بيتعتذر.. يعني يكسر علية و لما اعلق له الكلاكس ألاقيه عدل نفسه و مشي و لا كإن. لأ و كمان ممكن تلاقي حد مش عاجبه و بيشوح لك مثلا. لسه يوم الأربع اللي فات على كوبري مايو و عند الفتحة بتاعة منزل الزمالك واحد جاي من أقصى الشمال عايز ينزل النزلة دي.. و انا طبعا ماشية على طول.. ماشي يا سيدي، مع إنه مش صح انك تيجي من أقصى الشمال عشان تنزل نزلة أقصى اليمين، بس الأصول انك تدي إشارة و تبدأ تاخد يمينك بأدب. اللي حصل انه مش مدي أي إشارات و كاسر يمينه بغباء مش طبيعي، و لما عربيتي و عربيته عملوا مسطرة حرف t، بس شرطة الt مايلة شوية، طبعا علقت له الكلاكس فمش عاجبه و عمال يشوح لي ما معناه إجري يا بت إلعبي بعيد :E_braces[1]:
البطولة بأه في كل اللي حاصل ده هو إن الواحد يحافظ على صيامه وسط كل ده :11:
معلق ايدى امبارح دقيتين متوااااااااااااصل فى قفا تاكسى ماشى على 20 فى شارع حارة واحدة وبعد ما عديتو والله ما هان عليه يبص على البنى آدم الى خرك ودن الشارع كله (انا)
دا مالو يعنى ؟؟ ولا العربية صايمة هى كمان مش قادرة تمشى ؟؟؟؟؟؟؟؟؟؟؟؟؟؟؟؟؟
علا,,,اللهم إنك صايمة
وكما قال المصريين: يلا يا ابله مشي حالك الدنيا صياااااااااااااام
وكأ الصيام دا شماعة نعلق عليها قلة الادب وسوء المعاملة والتكاسل
تروحي للموظف تلاقيه نايم علي مكتبه
معلش اصله صايم
تلاقي الناس سايقة برجلها
ويقلولك مستعجلين معلش الدنيا صيام
ايام الرسول كان الناس بتحارب وهي صايمة
مش بتاخده مبرر لانحطاط الاخلاق
و أيام اكتوبر 73 كماناقتباس:
ايام الرسول كان الناس بتحارب وهي صايمة
فرق كبييييييييير!
هههههههههههههاقتباس:
المشاركة الأصلية كتبت بواسطة OlaOsman
حلوه قوى
هو دة الجهل بعيينة
الفووووووووووول عامل شغل.......بس الناس طول حياتها بتاكل فول برضو يباه الغلط فين؟؟؟؟
يمكن عشان تم تغيير ميعاد (ضرب) طبق الفول من الصبح في الايام العادية لبليل في رمضان فابيصحوا كده!!! .........
اللي صايم صايم لربنا
محدش صايم لينا
مش طايق نفسك ولع في نفسك بجاز او خد اجازة من شغلك طول رمضان على حسابك و اترزع اقعد في بيتكم .... طبعا الكلام للبهوات المتعبين المذكورين اعلاه (سواقة عدوانية, سلوك عدواني في الشغل .....ألخ)
بس تقعد تقرف في خلق الله و الحجة الصيام ..... حرام عليك
انا بقيت احس الناس كلها تحولت لأستاذ سيبني في حالي الدنيا صيام :N_no[1]:
للأسف :(اقتباس:
المشاركة الأصلية كتبت بواسطة OlaOsman
فعلا رمضان قمة الاستفزاز في سواقة البشر المصريين
وطبعا ما تنسوش النظرات اللي بتطلع من عينيهم تحس ان في سهام قاتلة او صواريخ عايزة تدمرك او تطلع تجري بدل ما مازنجر او افرودييت يطلعوا صواريخ من بتوعهم
ههههههههههههههههههههههههه ههههههههههههههههههههههههه هههههههههههههههاقتباس:
المشاركة الأصلية كتبت بواسطة mohammedsamirabdeen
كل واحد صايم بيفتكر انه لوحدة بس اللي صايم و الناس كلها لازم تستحمله
مش في السواقة و بس في كل حاجة معن المفروض ان الصايم دة تربيه للروح علي الاحتمال
احنا كلنا و احنا راجعين من الشغل كل يوم بنقابل المناظر دي ناس ماشية و مش قادرة تفتح عنيها لانها سهرانه طول الليل قدام التليفزيون و قايم الشغل الصبح مضروب بالجزمه فتلاقيهم فعلا مغييبين تحس انهم بيروحوا بقوة الدفع حتي عربياتهم بتبقي متنحه زيهم
و بعد الفطار بتبقي الناس تقيللللللللللللللللله و مش قادرة تدوس بنزين من الاكل معن دة برضة مش من الصيام في شيء ان الواحد ياكل في اخر زادة بس هنعمل ايه
حسبي الله و نعم الوكيل الصيام بقي زي الصلا كله مظاهر و بس
لكن المعني الحقيقي مش موجود
انا كنت قاعد في البيت و سامع سواق تاكسي من الموقف اللي تحتينا بيتكلم و علقت في ودني جملة قالها
"عارف ده لو كان جالي إنهاردة في الصيام كدة .. انا كنت قفشته قفشة سودة !"
و بيقولها و بمنتهي الفخر !!! أهو ده واحد بالتأكيد ميعرفش أصلاَ يعني إيه صيام و كل معلوماته عنه إنه مياكلش ولا يشرب إلا بعد المغرب .
فيه ناس بتاخد الصيام سبب إنها تطلع النرفزة و العقد اللي جواها .. و تعمل الهليلة و يشتم و يضرب و بعد كدة يقول اللهم إني صائم و يدعي ربنا يقبل صيامه و هو بياكل التلات تمرات سُنة مع أذان المغرب ! فيه مسخرة أكتر من كدة !؟
و فيه شريحة من الناس برضه بيبقي الصيام مأثر عليها جسدياَ و بتبقي مش مستوعبة .. بس اللي تعبان يسوق بالراحة مش بالغباوة دي!!! عندنا ناس كتير أه بتشرب كل نص ساعة فنجان قهوة و بتولع سيجارة قبل ما تطفي اللي في إيدها غير الضغط و السكر إنما انا اللي أعرفه أو اللي بعمله عامة اما ببقي مرهق .. بسوق بالراحة ! إنما الجديد إن الواحد يحس إنه غير لائق جسدياَ للسواقة فا يجري و يتغاشم !!
الصيام ده الشماعة اللى بيعلقوا عليهم خيبتهم وقلة ادبهم فى السواقة
الكل يتسافل بحجة الصيام و الصيام الحقيقى منهم براء...... لان الصيام الحقيقى هو ان يتمالك الانسان نفسه و يمنعها عن اذية الناس و يسمو بها فى التصرفات، لكن للاسف ما يحدث هو العكس تماما.......