عندى زيت الفتيس الاوتو لما بشوف معايره من المقياس بلاقى الزيت احمر ولكن مخلوط بحبيبات سودا صغير جدا بفصلها عن الزيت بطرف صباعى ايه دى بالضبط ؟؟ وايه السبب ؟؟ وايه الحل فيها؟؟
عرض للطباعة
عندى زيت الفتيس الاوتو لما بشوف معايره من المقياس بلاقى الزيت احمر ولكن مخلوط بحبيبات سودا صغير جدا بفصلها عن الزيت بطرف صباعى ايه دى بالضبط ؟؟ وايه السبب ؟؟ وايه الحل فيها؟؟
انت اخر مره غيرت زيت امتي؟؟؟؟
دي عباره عن ناتج الwear and tear من الفتيس .الاجزاء المعدنيه السوداء دي بتتجمع في اخر الكارتيره عن طريق مغناطيس موجود في كارتيره الفتيس الاوتو.
وده غالبا لانك بقالك فتره مغيرتش زيت الفتيس
حاول تغير زيت الفتيس بسرعة
تغيير زيت الفتيس والفلتر مهم جدا
ان شاء الله حغير زيت الفتيس ايه رأيكم فى زيت esso ؟
وعايز افهم القاعدة دايما ان اى فتيس اوتو بيكون فيه فلتر؟؟
ارجو الرد
خليك مع زيت موبيل
اللتر ب25 ج تقريبا
وحاول تسرع بتغيير الزيت فى اسرع وقت لعدم حدوث سدد فى مجموعة الفلف بودى
وجرب الوضع الجيد
وربنا يستر متكونش الحبيبات دى من أثر الأوجه الأحتكاكيه بتاعة الكلاتشات
وبالنسبه للفلتر بيكون موجود فى كل الفتايس الأوتو
أما خارجى ( زى بتاع المكنه )
أو داخلى ومغمور تحت خط سحب طلمبة الزيت بالكرتير بتاع الفتيس
وطبعا ده حيتطلب حل الكرتير للكشف على الفلتر ده
الف شكر يا باشمهندس سمير
بس ليه استفسار بخصوص الفلتر الداخلى لان هو عندى فعلا داخلى هو ماصفاه حديد ولا ايه بالضبط ياريت شكل توضيحى عشان لما اروح للميكانيكى ابقا فاهم كويس وبعدين هو بيتغير ولا بيتنظف؟؟
دى صوره لأحد الفتايس الأوتو
اللى بيكون فيها الفلتر مغمور داخل الكرتير
شوف بيبقى شكله مفرود أزاى ومفلطح وبيكون خامته تقريبا أسفنجيه (من النوع المقوى )
وعلشان تغيره لازم تسقط كرتيرة الفتيس بالجوان علشان تغير الفلتر أو تنظفه
بس بالنسبه للنوع ده يجب تغيير الفلتر
الفلتر هو القطعه رقم 40 على الرسم .....وتحته الكرتير بالجوان بتاعه ( طبعا الجوان هو اللى فوق الكرتير )
القطعتين أرقام 42 ( جوان الكرتير ) & 43 ( الكرتير )
http://i728.photobucket.com/albums/w...ntitled-83.jpg
الف شكر على مجهودك