الموضوع: تجديد عربية بيجو 305

بص يا معلم أنا والله متعاملتش فى بيجو 305 رغم أنى بعشقها جدا
لكن الأكصدام لو عايز تعملة زى التعديل و الكلام دة و تعمل الأكصدام كبير بقى و نازل تحت زى الأفلام الأجنبية
الاكصدام الأمامى هيتكلف 300 جنية و الخلفى 300 جنية و لو كمان عتب هتبقى زى الفل تعملها فى حدود 150 أو 200 جنية
يعنى كله على بعضة بالكتير أوى أوى أوى أتنين أكصدام و عتب 700 أو 800 جنية دا لو عايز تعملهم زى Pimp my ride

لكن لو عايز أكصدام هتجيب اكصدام مرن دا بحوالى 200 جنية و الخلفى نفس السعر و لو هتجيبة ناشف دا يعملة فى حدود 100 جنية والأفضلك المرن طبعا


الرش و الدهان حسب بقى أنا سمعت اخر حاجة أن الدهان و الرش و دخول الفرن يتكلف 1000 جنية إلى 11000 حسب كمان نوع الدهان

المرايا مش هتبقى مشكلة ممكن تجيب أتنين أستيراد أو تنزل تجيب مرايتين بيجو 207 و هيا كويسة أوى أو تروح بورسعيد تجيب مرايتين أستيراد بيجو 4007 دا لو عايز المرايا كبيرة

و بصراحة مش عارف بقى فى الباقى و يا رب أكون فيدتك فى حاجة