الموضوع: الحمد الله اصبحت من اهل الميـجان

الاخوة اعضاء عصابة رينو ميجان
تحية طيبة وبعد
أخيرا و بعد بحث عميق ومستفيض دام 8 شهور عن سيارة محترمة اخترت الميجان الى كانت فى الاصل هى الاختيار الاول من البداية لكن كانت اغلى من الى ممكن ادفعة ثم بدأت اتنقل بين الماركات و الموديلات و طبعا عاديت على الكيا وهى محترمة سواء كانت السيراتو او الكارنز لكن الاستلام الخيالى هو الى خلانى اصرف نظر (الحمد الله) و اخيرا كنت استقريت على الشيفروليت الكروز عربية جميلة و توكل و فى يوم وليلة الحال اتبدل على طول و برضة الحمد الله ان صديق لى من اكثرررررررر مشجعى الميجان و الى كانت اختيار لة من البدية لفت نظرى للاسعار الجديدة و الاعلان بتاع الاسعار الجديدة الى نزل من اسبوعين و فى نفس اليوم كنت روحت مخلص علطول - صحيح انا مخضوض شوية من اسعار الصيانة مقارنة بأسعار صيانات سيارتى السابقة الى كنت بعملها فى التوكيل من الايوم الاول للاخير (اوبل فيكترا - عربية محترمة بكل المقايس) الا انى بعتقد ان الوقاية اكيد حاتكون ارحم من العلاج و ايضا للمحافظة على الاداء الى انا متوقعة من الميجان

احب ااكد الى ان انتم السبب الاكيد فى الاطمئنان على ان اختيارى فى محلة و مواضيعكم القيمة و الموضوعية المفيدة فى انى اخترت الميجان عن قناعة و احب احى ( اشكر ) شاركى على مواضيعة القوية المفيدة - شكرا شاركى

وطلب اخير انا لسة مستلم من 5 أيام و عامل بيها يادوب 140 ك لو ممكن حد ينصحنى بأى حاجة تكون ذات اهمية او يعتقد انها تفرق لو عملتها من الاول اكون شاكر للجميع

وأخيرا اشكركم على مجهوداتكم و اتمنى المذيد منى و منكم علشان الفايدة تعم على الجميع و كلة بالروح الطيبة الى موجودة
وكل عام و انتم بأتم صحة وعافية و رمضان كريم

المشاركة الأصلية كتبت بواسطة col. Eng. Khaled

مبروك و ربنا إن شاء الله يعطيك خيرها

ياريت تلحقنا في الموضوع ده : فطار رينو في رمضان

و ده : معـــاك ريــــنو - عرفنـــا بنفســك

----------------------------------------------------------------------------
الله يبارك فيك و عقبالك اذا ما كنتش سبقت - اما بخصوص الفطار أذا كان فى موعد اتحدد سابقا احب اعرفة علشان اشوف ظروفى لكن انا كنت افضل يكون بعد الفطار او بالاصح بعد صلاة الترويح

مبروك على الوحش

المشاركة الأصلية كتبت بواسطة ahmed a.maksoud

ألف مبروك عليك و ربنا يعطيك خيرها و يكفيك شرها.

فى أول 1000 كم ( زيادة فى الحرص فقط لأن هى أصلاً بتنزل متلينة )
1- متزودش عن 4000 rpm
2- متثبتش على سرعة واحدة كتير

الله يبارك فيك و فيكم جميعا شكرا ليكم كلكم على ردودكم و اهتمامكم
بخصوص ال ر بى ام - انا ايام العربية القديمة مكنتش بحتاج اذود عن 2000 وللان درجة ضغطى على البنزين زى ما هى لكنها بتوصل لل 3000 لوحدها
بخصوص السرعة الواحدة الشوارع عندنا بتساعدنا اننا الواحد ما يثبتش على سرعة واحدة اكتر من ثوانى

المشاركة الأصلية كتبت بواسطة migo123

هو حضرتك جبت اي فئة ...
وحجدزت امتى واستلمت ازاي ؟؟
معلش اصل انا حاجز في نفس التوقيت ولسه ما استلمتش


انا اسف نسيت اباركلك الاول ........... الف مبروك وربنا يديك خيرها ويكفيك شرها
على فكره نفس اللي انت حاسس بيه هو اللي انا حاسس بيه
ولو طولو شويه كمان و ما سلمونيش العربيه
ها اروح الجيب السيراتو الحمره من جابر عبد الشهيد واخلص

الله يبارك فيك شكرا - انا جبت اول فئة فى الاتوماتك الصدفة هى الى خلتنى استلم بسرعة انى لما روحت احجز كان فى عربييتن فقط من الون الى انا عاوزة موجودين فى التوكيل فى مصر واحدة منهم كانت فى مخزن العبور طلبتها و استلمتها علطول
اما بالنسبة لجابر - انا كنت ممكن استنى شهور اى موديل و ما جبش عربية خليجى - دة رأى الشخصى