ليـــــــة؟؟؟!!

**gebreel** · 31-08-2009 07:11 PM

و الله العظيم يا باشمهندس انت قلت كل الكلام اللي انا كنت بسأله لنفسي
هقولك على حاجة هتدحكك مرة قلت انا عاوز التزم بالقانون انهاردة و كنت نازل الهرم عن طريق الدائري ربنا يكفينا شره فعملت ايه مجرد ممسكت الطريق و انا ماسك تاني حارة من على الشمال علشان اللي عاوز يتخطى و مشيت في حدود 80 ل 85 او 90 على حسب لاكن مزودتش عن كدة وتلاقي الناس كلها سايبة الحارة الشمال و جايين وراك و يعموك بنورهم و كلاكساتهم طيب مالشمال فاضي عديني و ارجع مفيش و تلاقيه معدي جمبك و يبصلك اكنك عملت جريمة و اللي يشتم بالكلكس و حاجة كانت غريبة حاجة تخلي الواحد لما يحب انو يبدأ بنفسه ميلاقيش اي حاجة تشجعه نهائيا و مع ذلك لسة بحاول بس مش عارف هل هفضل احاول كدة و الدنيا تتغير ان شاء الله قبل ماوصل لمرحلة الزهق من المحاولة ولا ايه؟!

ربنا يهدينا كلنا
انا كان عندي اقتراح ياريت اعرف راي الناس فيه هو اننا نجرب كدة يوم كلنا نلتزم بالقانون و الاخلاق اللي كانت موجودة زمان و نقول لكل اصحابنا و اهلنا و نشوف هنعمل ايه اليوم ده؟! اكيد هيبقى فيه في كل شارع واحد او اكتر من نايل موتورز
و لما اليوم ده ينجح ان شاء الله نعمل يوم تاني علشان حاجة من اللي مفتقدينها في حياتنا و هكذا ... ياريت اعرف رايكم في الاقتراح ده

**abdelaziz-waleed** · 31-08-2009 07:21 PM

ان الله يقيم الدولة العادلة حتى لو كانت كافرة
ويهدم الدولة الظالمة حتى ولو كانت مسلمة

للاسف احنا مسلمين ولك لا نمت (بفتح النون وكسر الميم) للاسلام بأي صلة
شعب معظم رزقه اصبح من فوائد البنوك والحلاوة (الرشوة)
شعب انعدم عنده الضمير في كل شيئ
شعب انعدمت عنده الاخلاق والمبادئ
الفلوس بقت اهم من المبادىء والشرف والاخلاق
شعب كسووووووووووول وسلبي وماشي الواسطة والفتاكة
شعب يكسف
انا بشتغل برة مصر. للأسف المصريين برة لا بشرفون بلدهم بأي حال م الاحوال ويستحقون ما يحدث لهم في الخارج
والحكومة ما هيالا اناس من هذا الشعب الفاسد. فطبيعي تكون الحكومة اكثر فسادا وطغيانا
صحيح صدق الانجليز لما قاللو ان الشعب المصري صفارة تجمعه وعصاية تفرقه
بس انا عندي امل ان ولادي يكونو افضل مني ولازم اعلمهم يكونو احسن منى واشوفهم زي مانا عاوز اشوف الشعب المصري في يوم من الايام

**Terrible_DaRsH** · 31-08-2009 08:05 PM

مصر عايزة تتمسح من على الارض و يتم اعادة بنائها من تانى .

**ams** · 31-08-2009 11:10 PM

المشاركة الأصلية كتبت بواسطة abdelaziz-waleed

صحيح صدق الانجليز لما قاللو ان الشعب المصري صفارة تجمعه وعصاية تفرقه

عمرو ابن العاص هو اللى قال حاجة زى كده

**ENG\AHMED** · 01-09-2009 12:08 AM

المشاركة الأصلية كتبت بواسطة ams

ليه : بتشوف الوحش بس ؟

المسألة مش لية بتشوف الوحش بس , انا متأكد ان كل مكان وكل شئ فية الخير والشر وفية الكويس والوحش ..
بس تعالا نبص كدة من 5 سنين كانت حياتنا عاملة ازاى والنهاردة عاملة ازاى هتلاقى المنحنى فى النازل هتلاقى السلبيات بتكتر هتلاقى الوحش بيطغى اكتر , طب لية؟ لية شايفين حالنا ومعترفين بية وبالرغم من كدة مبنعملش حاجة لية مش بنحاول نحسن نفسنا بالرغم من ان احنا لو عايزين هنبقى احسن من كدة كتير
بص على المصريين اللى عايشين برة بيحترموا القانون ازاى بص على العلماء المصريين برة (والامثلة كتير) نفس المصرى اللى بيحترم القانون برة هو اللى بيكسرة هنا ,طب لية؟
حتى لما بنعدل قانون بنعدلة لهدف المصلحة مش لهدف ان يبقى عندنا قانون محترم ونظام
مثال قانون المرور الجديد او قانون لم الفلوس , تعالا النهاردة اعمل مخالفة هتلاقى واحد طالعلك بيقولك انت مخالف ولازم تدفع غرامة ولما تعمل حادثة كلم الشرطة مش هتلاقى حد !! يبقى فين القانون !! هو القانون بيتعمل لتنظيم حياتنا ولا مجرد وسيلة للم الفلوس وتحديث عربيات الشرطة اللى مظهرتش غير بعد تعديل القانون!!!
تعالا النهاردة اعمل مخالفة وواحد اجنبى يعمل نفس المخالفة وشوف فرق المعاملة!!! للاسف احنا ملناش قيمة هنا وبالتالى منستناش ان يبقالنا قيمة برة او حد يحترمنا برة!!!

بس انا عندي امل ان ولادي يكونو افضل مني ولازم اعلمهم يكونو احسن منى واشوفهم زي مانا عاوز اشوف الشعب المصري في يوم من الايام

منين ياوليد ولادك هيكونو افضل !!!
النهاردة لما تكلم حد من الاجيال القديمة يقولك احنا خلاص راحت علينا والبركة فى الشباب وانتم اللى تغيرو!! طيب ماشباب النهاردة لما يوصلوا للمناصب القيادية علشان يقدروا يغيروا هيبقوا عجزوا وهنقول للجيل اللى بعدنا نفس الكلام وهكذا .. يبقى مش هنوصل لحاجة غير الاسوأ
اية المانع لو واحد فى منصب ايا كان سنة ويقدر يعمل حاجة يعملها !!! اصل الموضوع مش حاجة هتعملها وبعد كدة تنتهى وخلاص لأ دى متواصلة
يعنى الكبار لما يعملوا دلوقتى احنا بعدين لما نوصل لمناصبهم هنكمل وولادنا بعدنا هيكملوا على اللى احنا عملناة وهكذا هتلاقى ان احنا قدرنا نوصل لحاجة

**ENG\AHMED** · 01-09-2009 12:15 AM

المشاركة الأصلية كتبت بواسطة terrible_darsh

مصر عايزة تتمسح من على الارض و يتم اعادة بنائها من تانى .

هى مصر عبارة عن اية؟ اى بلد عبارة عن اية؟
حتة ارض ليها حدود واسم , انما اللى بيديها قيمة ويعليها او يخسف بيها الارض هو شعبها
يعنى البلد لو اتمسحت واتبنت من اول وجديد بنفس الشعب ونفس الفكر يبقى متستناش جديد هتفضل زى ماهيا وبالعكس هتبقى اسوأ
ولو هنغير الفكر طيب لية منغيرش من دلوقتى من غير مانهد البلد نحاول نعدلها نحاول نبقى احسن
الجنسية اللى الناس بتهرب منها النهاردة وبتشحت جنسيات تانية (واحيانا بتبقى مش لهدف غير انها تعيش بكرامة فى بلدها ودة للأسف بيحصل وصح!!!!) لو حال البلد اتظبط يبقى هتعيش هنا مرتاح وبكرامتك احسن من لما تتنطط بين البلاد برة

**eslamrace** · 01-09-2009 02:02 AM

اقولك انا عشان الشعب ميعرفش حقوقه ولا واجباته
والحكومه ولا عيزاه يعرف حقوقه ولا واجباته
بس مع ذلك مصر احلى لشعبها من اى حته تانيه فى العالم عن تجربه الغربه صعبه

**lancerevolution** · 01-09-2009 03:23 AM

ليه عشان مفيش دين و محدش عارف ربنا كويس

**abzoabzo** · 01-09-2009 10:24 AM

المشاركة الأصلية كتبت بواسطة masterzmind

الحكومة هية الى خلت الواحد يعمل كدة لو فى حكومة كويسة مكنيش الناس تحقد على بعضيها ولو فى دين عند الناس دلوقتى مكنيش دة حلنا لو مكنيش فى واسطة وكفتة فى الحكومة مكنيش دة حلنا ....................... ألخ

ده واحدة من الاسباب الاساسية

حسبى الله ونعم الوكيل