ثالث مفاجأتى الحصريه على نايل موتورز

**human** · 31-08-2009 12:11 AM

الجزء تاخافى من العجل مكشوف كتير وده مش كويس عشان دينامكيه الهوا
وكمان الجزء الوسطانى ده هيعمل مجرى هوا ممكن يقلب العربيه

**كابوس الليل** · 31-08-2009 12:19 AM

المشاركة الأصلية كتبت بواسطة zazw

بصراحه يا جماعه انا مش شايف انها عربيه خالص هيا ممكن تنفع عربيه لعبه للاطفال فقط غير كده لا وياريت متزعلش من رايى

براحة على الواد

(انا هنا لما بقول واد لانه صحبى جدا وحبيبيى وزى اخويا الصغير هههه قصدى الكبير)
كتر خيره ان بيعمل حاجة انت لو ركزت فى كل حتة فى العربية حتلاقى انه فنان بجد

كمان لازم نشجعه
وكل حاجة بتبدأ من الصفر وبعد كدة بتزيد وبتبدع
يعنى بى ام ومرسيدس مبدأتش بلكبر والشهرة والقوة كدة
انا واثق جدا ان ايفو

ليه مستقبل بجد فى التصميم

(وانا معاه يعنى هههه)

**eslam_wega** · 31-08-2009 12:20 AM

هى تحس ان هى سمكة وبتاكل كوتش وفى نفس الوقت بتعمل حمام ههههههههههههههه

**ACE** · 31-08-2009 12:21 AM

طب والله جامده
تسلم ايدك

**كابوس الليل** · 31-08-2009 12:47 AM

المشاركة الأصلية كتبت بواسطة eslam_wega

هى تحس ان هى سمكة وبتاكل كوتش وفى نفس الوقت بتعمل حمام ههههههههههههههه

برضوا؟

**ابوهاشم** · 31-08-2009 01:10 AM

ايه ياعم الجمال ده
تسلم ايديك

**كابوس الليل** · 31-08-2009 01:19 AM

المشاركة الأصلية كتبت بواسطة hashem1999

ايه ياعم الجمال ده
تسلم ايديك

هياديه الردود الى تفرح

**evoo90** · 31-08-2009 01:31 AM

شكرا لكل الناس اللى بتشجعنى وبرضه شكرا لكل الناس اللى بتتريق على لعبه الاطفال دى
روحوا الاول شوفوا اولى تصاميم بينيفارينا ولا فيروتشو ولا بنز ولا غيرهم من اشهر المصممين شوفوا اول مامسكوا ورقه وقلم كانوا بيرسموا ايه شوفوا اول ما صمموا صمموا ايه
من أهم عوامل تأخرنا وبهدلتنا وسط باقى الدول ان كل واحد فينا عايز يعيش على مزاجه ويغير مئات الدول عشان تتماشى مع رغباته
ومابندورش ازاى نوصل لمستواهم او نسبقهم خلينا نجرى ورا ال 128 والفيرنا والانسر والكرولا فى حين ان بلاد اخرى بدأت تكهن الحاجات دى وافخمهم اتعمل تاكسى
سؤال اخير ولو سمحتم عايز رد
تفتكروا لو عملنا العربيه دى لعبه اطفال ولا اتعملت على لوحات واتعلقت على الحائط ولا حطيناها فى لعبه من العاب الكمبيوتر
ياترى هننفع ياترى ونبقى انجزنا ؟؟

**evoo90** · 31-08-2009 01:42 AM

المشاركة الأصلية كتبت بواسطة human12

الجزء تاخافى من العجل مكشوف كتير وده مش كويس عشان دينامكيه الهوا
وكمان الجزء الوسطانى ده هيعمل مجرى هوا ممكن يقلب العربيه

يعنى هو انا خلاص هنزل اصنعها بكره الصبح
عموما حسابات الايرودينامك مانقدرش نتكلم عليها دلوقتى خالص
عشان نقدر نعمل حسابات الايرودينامك اللى مالهاش اول من اخر لازم نكون عارفين الطول والعرض والوزن وكثافه ماده الصنع ومعاملات المصادمين ( المساعدين ) عند سرعات مختلفه سرعه الهوا كذلك
والفتحات دى منها دخول ومنها خروج وليها طول وعرض وارتفاع معين ونعرف كميه الهواء اللى داخله من كل فتحه بالظبط عند سرعات مختلفه
دى لوحدها بلوى كبييييره
الرسومات مجرد تصاميم مبدئيه للشكل او المظهر
لكن عند التصميم الصناعى بتختلف تماما

**bassam266** · 31-08-2009 03:21 AM

بص يا ايفو انت فنان و خيالك حلو اوى

و ان شاء الله مع تكرار المحاولات حتطلع حاجات احسن من كده بكتييير

بس بالنسبه للصوره شكلها حلو اوى بس عمليا متنفعش عربيه لان اولا العجلتين مش على خط افقى واحد اللى ورا اعلى من اللى قدام فبالتالى اما يبقوا على خط افقى واحد المقدمه حتترفع و مش حتبقى استابل خالص.

ثانيا انت مغطى نص العجل اللى قدام اما العربيه ديه تيجى تتلف حيكسر العجل ازاى؟؟

حاول تراعى الحاجات المنطقيه فى تصميماتك قبل الشكل العام!!

و ده ميمنعش انى عاجبنى التصميم اوى بس زى ما قولتلك مش منطقى

الموضوع: ثالث مفاجأتى الحصريه على نايل موتورز

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ثانى مفاجأتى الحصريه على نايل موتورز

اول راب باسم منتدي نايل موتورز يخص بايكرز نايل موتورز

حصريا لنايل موتورز - نايل موتورز يكرم فريق هندسة المطرية

اولى مفاجأتى الحصريه على نايل موتورز

الكلمات الدلالية لهذا الموضوع

المفضلات

المفضلات

ضوابط المشاركة