الموضوع: الماروتى بتحطولها بنزين كام و استهلاكها كام فى الصفيحة ؟

المشاركة الأصلية كتبت بواسطة m7nsh

عمى اللورد انت كمان واحشنى جدا والله و كل سنه و انت طيب معلش متأخره :(
ميمو باشا ابدأ اول حاجه شك فى رجلك !! ايوه مش بهزر طريقه السواقه نفسها عليها عامل كبير جدا فى استهلاك البنزين ,, الرجل التقيله ع الدواسه استهلاكها غير العاديه غير اللى بيحسس عليها
ييجى بعد كده حجات كتير .. نوع البنزين وجودته - الشكمان لو فيه مشاكل - فلتر الهوا لو بقاله فتره طويله ماتنضفش - اعتقد لو كهربه العربيه عاليه عن اللزوم برده ده بيسبب كده - الحرق ع النقلات - كتر الطلعات ( اللى هو تتحرك بالعربيه من السكون - عشان كده دايما فى البلد نتيجه للزحمه و كتر الوقوف و الحركه البنزين بيتاكل اسرع من الطريق ) - غير كده خد عندك حموله العربيه و شكل الطريق و اتجاه الرياح معاك فى المشى !! شكلنا كده غوطنا جامد !
قصر الكلام : عايزين استهلاك كويس للبنزين : بلاش فرك و امريكانى بلاش حرق تابع الصيانات و خليك حنين مع الدواسه
اتمنى اكون افدتك يا ميمو باشا و اهلا بيك منورنا :)

حبيبيى وانت طيب ولا يهمك مهم انك بخير
بس ايه كلام الكبير دة كله الله عليك اشطه عليك يا قرموطى

المشاركة الأصلية كتبت بواسطة meemo

علشان العربية ممكن تقعد في الجراج 3 او 4 ايام محدش يتسخدمها حتي الاستخدام بسيط جدا مشاوير بسيطة يعني المدرسة ومش كل يوم زيارة الاهل مثلا كل 10 ايام يعين استهلاك العربية خفيف جدا جدا جدا

ميمو باشااا شوف اذا مدام جديدة فى السواقه يبقى اساسي هيكون محمله ورجلها تقيله ع الدواسه ياباشاا تمام دة حاجه
حاجه تانى
بخصوص ركن العربيه المدة اللى بتقول عليها دي مش مستحبه نهائي للبطاريه وخصوصاا اننا دخلين ع الشتاء فالازم ع الاقل كل يومين لو مش هتمشي بيها تنزل تسخنها وهيا وقفه وتسبها لاكن فى الصيف عادي لان كدة كدة جو حر وزي ما شباب قالو لك بتعتمد ع المشاورير والثبات والحركه من الاخر الزحمه كتير والاشرات الوقفه دي هما اللى فيهم الشفه لسحب البنزين بكثرة

العفو ياميموباشا ,, و الحته اللى قالك عليها لوردنا مظبوطه جدا
هتبقى تحتاج تدورها كل فتره كده عشان البطاريه متنامش
على فكره انا افتكرت حاجه بمناسبه موضوع البطاريه ,, انا بعد ما جبت العربيه بفتره بسيطه عديت اكشف على ميه البطاريه وكانت محتاجه تتزود ,, لأن الركنه الكتير فى المعرض و الرطوبه تقريبا كانو اثرو عليها
ابقى حضرتك خلى المدام لو ينفع تعدى على اى حد بتاع بطاريات و تقوله يكشف على الميه و هو هيتعامل و مش هياخد اكتر من 5 جنيه ده لو شقلب البطاريه خلاها تقول بابا وماما حتى !!
و ممكن طول ما مفيش مشاكل فى الدواره و الحياه سليمه الموضوع ده ينفضله بس انا عملته من باب الأحتياط رغم ان مكانش فى مشاكل بالنسبالى بس اداء البطاريه اتحسن فعلا بعد تظبيط الميه
ملاحظه عابره حبيت بس اضيفها

المشاركة الأصلية كتبت بواسطة aymansaad

الكتالوج بينصح ب90 بس واحد صاحبى بيحط80 بس بتسقف معه اذا قرص عليها

انا بحط 80 وبتسقف معايا
خلاص هبقى احط 90 بس حرااااااااااااام يعنى متسقف ولا تولع :(

تمام يا مححنش باشااا
فعلا لازم كل شهر ع الاقل تروح تعمل كشف ع الميه والديمنو عند اي حد بتاع بطاريات وكاوتش
ومش هكيمل كمان ال5 جنيه هههههههههه

المشاركة الأصلية كتبت بواسطة karim2001

انا بحط 80 وبتسقف معايا
خلاص هبقى احط 90 بس حرااااااااااااام يعنى متسقف ولا تولع :(

باشااا اهدي بس
شوف عادي هنحط 80 زي البرنس ومش هتسقف معاك ولا حجاه
كل اللى عليك تحط 80 وتروح لمكانيكي كويس وقوله بس العربيه بتسقف علشان غيرت بنزين من 90 الى 80
بس ع كدة والحوار كله مش هياخد منه 10 د وتمشي بالعربيه فىامان بالسلامه

المشاركة الأصلية كتبت بواسطة karim2001

انا بحط 80 وبتسقف معايا
خلاص هبقى احط 90 بس حرااااااااااااام يعنى متسقف ولا تولع :(

زى مالراجل الطيب ده قالك كده بالظبط
الحوار كله انه هيوطيلك الكهربا شويه و مش هتلاقى لا تسقيف ولا صاجات حتى بعدكده :)