الموضوع: الجواب الشافى لكل من يريد شراء a113 وخايف يدخل هنا * * * * *

thnx...

موضوع مميز جزاك الله خيرا

تقرير رائع جدا ووافي .......
و الاجمل المشاركات اللى فالموضوع ......
مشكورين على الجهد المبذول و انا متابع الموضوع لانى على وشك اشتريها باذن الله .....
و يا ترى موديل 2015 نزل و لا لسه ......

المشاركة الأصلية كتبت بواسطة drosamaghazy

تقرير رائع جدا ووافي .......
و الاجمل المشاركات اللى فالموضوع ......
مشكورين على الجهد المبذول و انا متابع الموضوع لانى على وشك اشتريها باذن الله .....
و يا ترى موديل 2015 نزل و لا لسه ......

موجوده سعرها 68000 من ابو الفتوح بس هاتستلم بعد شهرين تقريباا
لو من اى معرض تانى من 70000 لى 73000 حسب اللون

جرب تكلم ابو الفتوح
انا عايز اجبهاا بردوو بس هاستنا على شهر 5 :d

نا واقع في مشكله محتار مابين السوزوكي الالتو 2015 و الاسبيرانزا a113 و للاسف انا اللي حاكمني الفلوس انا مضطر اجيب العربيه بالقسط و للاسف مش هاقدر ادفع كتير سعر الالتو حوالي 63000 و الاسبيرانزا 73000 و مش عايز ارمي فلوسي في الارض ياريت بجد اللي فاهم ينصحني بجد عشان انا موضوع القسط ده هتيقطم وسطي و مش عايز مستعمل عشان بجد انا لفيت كتييير و كل المستعمل اللي شوفتوا زباله ياريت حد يساعدني و يرد عليا ضروري و بسرعه

ممكن استفسار.. انا معايا اسبرانزا موديل 2012 جيبتها مستعمل انا شايف ان ادائها كويس و المكنة نعمة... بس لما جيت اسافر بيها فوجئت انها مبتجبش اكتر من 120 والغريية اني ممكن اوصل للرقم ده بالغيار الرابع اما الخامس مش بياثر بعد كده خالص .. مع الاعتبار ان لمبة الصيانة بتنور احيانا واحيانا لأ... ده غير اني ملاحظ ان دواسة البنزين بتقطع شوط كبير نسبيا عشان الماتور يقوم.. تقريبا ده لقيته ف كذا عربية زيي فاعتبرته عادي

المشاركة الأصلية كتبت بواسطة mohamadika

7- نصائح :

العربيه بنسبة 85 % ممتازه جدااااا بس محتاجه بعض المصاريف بعض شرائها

يعنى مثلا لو نويت تشترى العربيه خللى فى بالك انك تغير المساعدين بتوعها بمساعدين تانيه ودى تكلفتها تقريبا على الاربع عجلات 1500 تقريبا .

* الفحوصات اللازمه عند الشراء

افتح الكبوت

و شوف كل السوائل الموجودة و مستواها

و ياتى مع السيارة

المثلث العاكس

و شنطة عدة

و استبن

و كوريك

و وصله usb للكاسيت

جرب التكييف والكاسيت والزجاج الكهربائى والمرايات الكهربائيه

8- التوكيل:

المعامله فى التوكيل أبو رواش والدقى كويسه ولكن فى مشاكل مش بيحلوها

زى العفشه اقصى حاجه انهم يربطوها وخلاص ملهاش حل جذرى عندهم ولو عندك مشكله فى حاجه كبيره لازم تروح وتهلل وتعمل مشكله عشان تاخد حقك لكن المشاكل البسيطه والصيانات الدوريه والكلام دا فهما كويسين فيه.

9- رايى الشخصى :

العربيه احسن عريبه فى فئة سعرها واكثرهم امكانيات واكبرهم حجما كمان ولكن يجب تغيير المساعدين حتى تكتمل العربيه وطبعا لا ننسى الاستخاره هيا الاساس فى الموضوع.

10- تجارب شخصيه

سافرت بالعربيه اكتر من مره وبوزن ثقيل جدا وكانت العربيه ما شاء الله ماشيه كويسه جدا وجبت بيها 160 على المحور وطبعا كانت ثابته ومع العلم كان الطريق مصر اسكندريه الزراعى يعنى طريق سئ للغايه بس كانت ممتاز ولا اشتكى الا من العفشه والمساعدين فقط.

أتمنى أن ااكون وفقت فى تقديم الموضوع وان يكون الموضوع مفيد للاخوه الجدد ولو كان فى تقصير فأعذرونى عليه واى سؤال استطيع ان اجوبكم عليه لن ابخل بالاجابه ان شاء الله

وبالتوفيق للجميع ولا تنسوا الاستخاره يا شباب

ورمضان كريم وكل عام وانتم بخير

أولا شكرا جزيلا لحضرتك وتقييمك الرائع
ثانيا انا بفكر اشتري العربية مستعملة موديل 2008 تنصحني بإيه
والعفشة الناشفة والعضة اللي في الفتيس ليهم حل ؟؟
وشكرا جزيلا مرة تانية

جزاك الله خيرا علي الافادة