ليس بوسعي كلمات سوى أن أقول لك
جزاك الله خيراً
ياريت الجميع يتبع نفس أسلوبك ، لكي لا يحتار من يريد الشراء مثلي
اللهم إجعل ما كتبه في ميزان حسناته يوم القيامة
ليس بوسعي كلمات سوى أن أقول لك
جزاك الله خيراً
ياريت الجميع يتبع نفس أسلوبك ، لكي لا يحتار من يريد الشراء مثلي
اللهم إجعل ما كتبه في ميزان حسناته يوم القيامة
اخي العزيز:
1- أيوه الحالة الاقتصادية ماتسمحش ودي أنا معاك فيها , بس لو حضرتك فكرت شوية حتلاقي إن ده يخليك تفكر إزّي تحفاظ على فلوسك ... احنا مش بنتكلم على موبيل صيني ب 500 جنيه , لما يبوظ حترميه وتجيب غيره , ولو مش معاك فلوس ممكن تشتري واحد مستعمل ب 100 يؤدي الغرض .... إنت بتكلم على حاجة ب 50,000 ألف ... اللي دافعهم طلع عينه وعين اللي خلفوه علشان يجيبهم .... فـلو مش شايف إن ده سبب يخليك تفكر 100 مرة قبل ماتشتري , أنا معنديش سبب تاني يقنعك .
2- آه أنا حاطط بدائل ممكن تكون أغلى سِنة ..... بس دول اللي قدامنا .... ظروف بلدنا كده , واللي بيكلمك ده مش راكب فيراري , أنا مش معايا فلوس أشتري عربية أساسا , فـأنا حاسس باللي معاهم فلوس على قدهم وعايزين عربية . بس برده عايز عربية أبقى مطمن وأنا راكبها , تستحمل 10 سنين قدام ... الموضوع مش نبل ولا حاجة .... وال 7 تلاف لو حاولت أنا احوشهم حياخدوا معايا سنة على الاقل ..... بس أنا مش حادفع اللي حيلتي في عربية أنا عارف إنها وحشة .
3- مع احترامي لحضرتك , بس حضرتك معندكش خبرة ولا قريت كفاية علشان تحكم على العربيات , حتقولي يعني إنت اللي عندك حقولك بحاول !!! , ده اللي أنا بعمله من أكتر من سنتين إني اقرا وأنزل اشوف , أنزل معارض وابص واقارن ,, ومفيش عربية وقعت في ايدي ومسقتهاش , وفي الآخر ده علم , ليه مصادره وليه أساسياته ..... أما موضوع الكماليات , فـمش منطق إني أشتري عربية تعبانة علشان فيها كاسيت ومش ماركة كمان ... وليسوا حظك ال 113 ده أنا سقتها كتير , وسافرت بيها مرتين ..... فـأنا حفظها زي كف ايدي . ولو عايز اديك ملخص ليها ممكن المهم إنك تكون مستعد تسمع ..و على فكرة لو ال 113 وال i10 يبقى ال i10 طبعا ....
4- أما ليه انتشرت ... فـلعدة أسباب ... أسطورة الكماليات , أسطورة إن أي حاجة فيها عيوب .... أسطورة السعر ..أسطورة مش معقول الناس دي كلها مغيبه وسيادتك اللي صاحي .. أسطورة إنها على قد تمنها ...أسطورة إن ظروفنا كده .... وحاجات تانية كتير ... بس كل الكلام ده مش حيستحمل نقاش موضوعي ... إنت عارف لما قلت ل واحد صاحبي إن اخرها 5 سنين قال لي ايه ؟ وايه المشكلة 10,000 في السنة .... هو فكَّر فيها كده ... هو حر .... أنا مش حقدر أساعد أو اقنع كل الناس , أنا يكفيني واحد ,, اللي شايف إنه كده حسبها صح مبروك عليه .
5- وعلى فكرة " فمش معقول الناس دس كلها مغيبه وسيادتك اللي صاحي " الطبيعي إن الناس اللي بتعرف اقل من اللي مش بتعرف ..... عدد المدرسين أقل من الطلاب .... عدد المهندسين أقل من البيوت .... ده عادي .. بس مش لإن عدد المدرسين اقل من الطلاب يبقى خلاص ...المدرس يقول إن هي الدنيا كده ... وحقولك مثل من شغلي ...أي عيل من الشارع دلوقتي يعرف يجمع كمبيوتر .. بس أنا دايما حاجمع كمبيوتر أحسن لأني عارف أكتر منه , عارف إن فيه سرعات لل buses, وفروق الكابلات وكل الكلام ده ... عدد الناس اللي بتجمع كمبيوترات كده كتير وال مهندسين اللي بتعمل كده اقل .... إنما في فرق.
6- يا ريت يا سيدي أوصل ل مرحلة إن الناس تتعقد منها وتبطل تشتريها .... ده مش حاجة تضايقني ... ده بالعكس أنا ساعتها حاحس إني عملت حاجة كويسة ربنا إن شاء الله يردهالي في بنتي ولا في آي حاجة تانية .... ويبقى في حد استفاد من العلم اللي ربنا رزقني بيه .
7- فين التحيز يا سيدي بس ... طب تحيز لمين ... ويعني ايه موضوعية .... أنا قلت كذا نقطة أنا شايف إنها غلط ... أما إني اقول اللي عندي وأسكت ... فـللاسف أنا مبادئي تمنعني عن كده . ولأني مش عايز من حد حاجة .... فـعلشان كده مش بزهق إني أعيد الكلام 100 مرة و ده بس علشان وجه الله .... وده الحياد بالنسبة ليَّ ...
وعلى فكرة أنا مش بجبر حد إنه ياخد وجهة نظري ... كل واحد حر ... أنا باقولك إن أعَز أصحابي راح اشتراها .... رغم كل كلامي ... آه صحيح بيضرب نفسه بالجزمة .. بس ميقدرش يقولي أنت مانصحتنيش ... وكل واحد حر ولا يلومن إلى نفسه[/QUOTE]
سيادتك تطرقت لكزا موضوع كل واحد منه اقدر ارد عليه علي حده بس حياخد صفحات كتير جدا
المهم خلينا فى موضوعنا
باختصار كده لو انت شايف ان العربيه دي مش كويسه فدا رأيك الشخصي واحنا بنحترمه لكن بلاش تزن علي ودان الناس لاني بجد شايفك بتعمل فيها محامي الفقراء بس مش حينفع لان دي اذواق ناس واراء وصاحبك اللي حسبها من ناحيه مادية باحته فهو ماقدرش اقول عليه غلطان ولا صح 100 100 لكن دي طريقه حسابات فرديه وانت بتحسبها من ناحية ان العربيه القويه يفترض انها تتجرب او تعيش 10 سنين لكي نأمنها ونشتريها!!! تسمحلي اقولك ان الكلام ده مش صحيح وقديم جدا وغير مبني علي اسس علميه (كما تزعم دائما) من خبرتي وانا مهندس اتصالات وبتعامل مع اكتر من نوع اجهزه لشركات شبكات المحمول فى مصر وخارج مصر ,فأنا بقولك ان العلم تغيره سريع جدا والتطوير التكنولوجي خرافي وبيتطور يوم ورا يوم, يعني عايز اقولك ان العربيه الكويسه مهما تكون كبيرها تقعد مع المستخدم من 5 الى 7 سنين وبعد كده يفكر يجيب واحده جديده او نوع تاني مهما كان نوعها لكي لا يكون بيتكلم فى شء والدنيا باسرها فى شئ اخر, يعني يستثني من كده العربيات اللي تمنها يزيد عن المليون والارقام الوهميه بالنسبالنا دي لان الناس دول فى الغالب كبار فى السن ولا يهمهم التطور التكنولوجي كتير كفايه عليه اسم عربيه حلو وخلاص والاصغر سنا (عن تجربه من واحد قريب من والدي مليونير صغيرالسن) بيغروا سياراتهم بعد 3-5 سنوات مهما كان نوع سياراتهم
ومش معني المهندسين اقل من البيوت فده يعني انهم الافضل,لان الساكن يقدر يقرر ان البناء ملائم للمعيشه ام هو تصميم ملائم فقط لزوق المصمم الدكتاتوري الراي!
والمدرسين اذا كانوا اقل من الطلاب هذا لايعني انهم النخبه لان الطالب يحكم علي المعلم بقوته ام بخيابته من قدرة توصيل المعلم المعلومه وايضاح وفهم المنهج
اما بالنسبة لتجميع الكمبيوتر والعيال اللي فى الشارع (وواضح من الكلام ان تخصصنا واحد) فاسمحلي هما بيعرفو كويس بنسبة 80% ولا يهمهم التفاصيل الداخلية لانها لاتهم المستخدم بشكل كبير وفى الغالب بيعرفوها لانها اصبحت علم قديم تقليدي اي حد ممكن يجيب عنه معلومه النت بسهوله....اذن فالمستخد ايضا هو الذي يقرر من اللذي يجمع له الكمبيوتر ومن الارخص والافضل فى حدود مطالبه.... اما المتخصصون وراغبي ميزات عاليه وامكانيات فنيه معينه فهو يبحث عن مهندس متخصص ويدفع له اي مبلغ في سبيل تحقيق مايريد.... كلام منطقي
ومش معني انك ركبت كام عربيه وكمان 113 كزه مره وليك تعليق عليها -نحترمه- بالسلب او الايجاب ده يعني ان الناس لازم تمشي زيك انا شايف ان دي دكتاتورية الرأى وملكش اي حق انك تكره الناس فيها .... انت قلت وعملت اللي عليك ووضحت بعض النقاط واللي مش مقتنع خليه يلبس..زي صاحبك بالضبط اما انك تفضل تتكلم كتير فانا شايف ده مش اسلوب عمي خااااالص ده مع احترامي اسلوب حاقدين
اديك مثل: انا من كارهييييييي نظام الويندوز لما لاقيته من مشاكل عده ووووو.. وافضل نظام اللينكس او اليونكس ولكن كثير من اصحابي واقاربي يخالفني الرأي ومازالو يستخدموه مع حدوث مشاكل كثيره جدا فى اجهزتم بسبب الويندوز ولكنهم يرونها مشاكل بسيطه ويتعاملوا معها بكل هدوء... ده شئ كويس لكن مش حجبرهم علي شئ اناشايفه من وجهة نظري فقط انه صح وهم خطأ
وايضا تعليقي الشديد علي نظام الوينوز فى المحمول واستبداله بنظام سيمبيان او اندرويد.... برضو مش الكل مؤيد الكلام ده .... خلاص انا قلت ونصحت وبنفزه علي نفسي كفايه عندي واللي عايز يستفيد يسألني وانا بجاوبه
والامثلة كتييييير جدا
- ياريت تقولي ملاحظاتك الشخصيه علي العربيه دي وبلاش تقولي ارجع للى فات واقرأه لانك قلتلي انا ممكن اقولك لو عايز تسمع وانا فعلا عايز اسمع
- بصراحه سيادتك ما اقنعتنيش ابدا لما رديت علي ان الناس بتجيبها علشان كويسه وبطلت تجيب الجيلي لانها وحشه .. وده معناه اني قلت الصح وسيادتك مقتنع بكلامي ... طب ليه الكلام الكتير بقه
-ياسيدي ربنا يرزقك بالعربيه الفراري او اللي تفضلها
-انا كمان مش عندي عربيه الايام دي وكان عندي زمان 516 ابيرانزا برضو وعملت حادث جامد دخلت في اتوبيس والحمد لله قمت بالسلامه .... والله بفضل لله ل جامده لكنت اتهشمت وللمعلومه الزجاج الامامي لم ينكسر بعد الحادث والاتوبيس الجنب بتاعه باااظ وفرغ الديزل فى الارض وانا التأمين شالني واخد العربيه واداني تمنها والحمد لله كله تمام
- انت عارف من كتر كلامك علي العربيه دي انا رحت معرض اميارح واتفرجت عليها واتفرجت علي رينو لوجان واللوجان عجبتني وقلت اتوكل واشتريها ..لكن بكل امانه دخلت جواها لقيت ان تصميم الازرار والكاسيت وبعض الاشياء غير متلائم والنقيض التاااام لقيته فى 113 وكامله فى الكماليات تقريبا والتمن اقل بكتييير فعدلت التفكير تاني لل113
ياراجل دا الباب بتاعها عامل زي الرزيه والشنطه علي قد ماهيه صغيره لكن عامله زي الداهيه وتقيله مش عارف بتقول ليه بلاستيك
يعني ده رأيي بلا زعل لاني مش فارق معايا اي نوع عربيه وازا كنت بقول عليك متحيز فغرضي انك متحيز لغير الصيني مع انه بيخلينا نعرف نركب وورا ناس كتير يعني ايه اوبشن وكمبيوتر وحركات علي حد تعبيرك
وبلاش تستخف بالحركات لانها بيتغلي تمن العربيات الاماني والياباني والامريكي من 10 الى 50 الف جنيه
ودمت سالما
واعتذر للاطاله
أولا : صبح الخير يا هندسة ... طالما طلعت اتصالات برده ... أنا هندسة القاهرة 2005 , فـممكن نكون نعرف بعض , ده طبعا لو إنت قاهرة برده .....
ثانيا :ده رأيي الشخصي , أيوه صحيح , بس ده مبني على أساس علمي مش على أذواق , وطالما إنه على الاقل في رأيي إنه علمي , لازم ادفع عن اللي أنا شايفه صح , وخاصة إن المنتدى في ناس (قلة طبعا) شغالين عند الناس بتوع العربيات غبور واخواته , أما موضوع الزن زي ماإنت بتقول , فـده ليه أكتر من سبب , مثلا بيبقى فيه ناس لسة دخَله في الموضوع زي حضرتك , ومقرتش الموضوع من الأول , ومكسل يقرأه ,ولو قرا آخر كام بوست بس حيوصل ل نتيجة غلط (وده برده في رأيي) , ممكن بيبقى في ناس كاتبة كلام قيم , أو كلام فارغ فـلازم يترد عليهم , وهكذا , ولو ردي مش بيعجب حد ممكن يطنشوا , وفي سبب تاني ... فاكر قصة أصحاب السبت , لما في ناس كانوا والوسط مش بيصطادوا , بس حاطين لسانهم في بقهم , وبيقولوا " لما تعظون قوما الله مهلكهم أو معذبهم عذابا شديدا " الناس اللي كانوا بيوعظوا ردوا وقالوا " معذرة إلى ربنا , ولعلهم يتقون " وعلى فكرة ربنا عذب اللي كانوا بيصطادوا والناس اللي مكانوش بينصحوا , وطبعا مع فرق المثل , بس دي الفكرة اللي أنا مؤمن بيها , إن لما ربنا يديك علم وتكتموا علشان الناس زهقت , تبقى مفرقتش عنهم .
واضح إن حضرتك معلوماتك عن العربيات ضعيفة شوية , ايه العربية اللي مفروض تعيش من 5 ل 7 سنين , ده الفيسبا بتعيش أكتر من كده , وفي مصر الكلام اللي إنت بتقوله ده نكتة , الكوري اللي هو تعبان بيقعد 18 وعشرين سنة , ال اكسسل مثلا لسة عايشة ودي الكوري اللي بيتقال عليه تعبان , الهوندا السيفك الشكل بتاع 90 ل 95 من أغلى العربيات المستعملة , ده طبعا غير الأسطورتين ال فية 128 اللي الناس دلوقتي تقولك أنا بأتكلم على عربية صيني مش 128 , وهو ناسي إن العربية دي بقالها 35 سنة شغالة ... و طبعا الوحش 504 ... وعندك التويوتا , we-100 عربية تانية ...
أما موضوع إن العلم بيتقدم... فمعلومة إني مهندس اتصالات و network & security specailist , اعتقد إنها كفآية ...
أما العربيات وده حاجة مختلفة يا باشمهندس ... فـده علم تاني .... لازم تتعلموا من الأول تاني علشان تفهم إن اللي بقوله مش قديم ولا حاجة .
لأ بس إنت مفهمتش قصدي كويس ... دي كانت طريقة مؤدبة علشان اقولك من غير ما اضايقك أو اضايق أي حد تاني ... إن دايما عدد الناس اللي بتفهم اقل من الناس اللي مبتعرفش ... وده مش معناه إن رأي الناس اللي مش عارفة صح ... بس حضرتك مفهمتش أنا قصدي ايه.
أنا ما اجبرتيش حد إنه يسمع كلامي , و ما اجبرتيش حد إنه مايشتريهاش ....أنا مقولتيش إن اللي حيشتريها حعذبوا مثلا .... فـده لسة فـنقطة الرأي والرأي الآخر , ويمكن لأني ملقتش حد قدر إنه يساكتني براي ... حاجات مختلفة ... وموضوع التكرار فـأنا ردت عليه قبل كده ...
بس اللي اقدر اؤكده لحضرتك ... إني موجود وحارد على كل واحد بيقول إن العربية دي كويسة ... بعون الله وفضله بما رزقني بعلم وحجة ....
لا تعليق
في الشغل فـحاجات بتحطلها ويندوز وفي حاجات بيتحتلها يونيكس ... المسألة مختلفة ... بس هنا الموضوع مش إزّي تشغل السوفت وير . الموضوع أكبر من كده وإنت عارف , وده مش مثل ينفع هنا ... وبالنسبة للموبيل كله على بعده بكام 4000 جنيه .. بس حضرتك بتجيب موبيل صيني ولا لأ ماهو فيها كل الكماليات وب اقل من 1000 جنيه ... لو بتجيبوا ... تبقى عيب عليك ك مهندس اتصالات ... ولو مش بتجيبوا ... يبقى فيين الكلام بتاع الكماليات ..والعلم اللي تطور وكده
تامر .... بس في مشاركة لوحدها علشان دي بقت زحمة وطويلة
أنا مقولتش إنها كويسة , أنا قلت إن الناس اللي بتقول كلام وتصدَّقه زي إنها رخصة ,, إن فيها كماليات ... وكده ... أما موضوع إن الجيلي بطل الناس يشتروها .... ودي لأ ... توكيل ابوالفتوح عنده خبرة أكتر في السوق وبيعرف يسوقها كويس ... بالاضافة إن الجيلي كانت أسوأ من الزبالة بشوية .. بالإضافة إن توكيل الجيلي واقع .... بس لا تقلق ... جيلي راجعة تاني .. نازلوا موديل تعبان كده شبه الباندا ... وال بقية تأتي ...ونظريا لو جيلي تاخد 1 من 10 السبيرانزة تاخد 2 من 10 بس الإتنين تعبانين
احمد ربنا على سلامتك ... بس على فكرة ... أجمد وأحسن عربية صيني جابت 1 من 5 في ال euroncap رغم إن كلهم جايبين ارقام كويسة في اختبارات ال cncap ..... ده معناه إن الاختبار الصيني أي كلام وإن العربية مش أمان .... فـكويس إنك طلعت سليم .... احمد ربنا
مبروك عليك , صحيح قرار حكيم إنك تجيب عربية علشان زراير التابلوه شكلها احلي.. وعلى فكرة الصيني بيلعبوا على الشكل وجاذبيته, وعلى فكرة ايه فرق الكماليات بين الإتنين غير ال ABS ,بس اللوجان فيها airbag وال trip computer وحتى الكاسيت ماركة مش فاكرها , أما اللي في ال 113 صيني من أوله ل اخره ... وأما موضوع الشنطة وال باب فـال عبرة مش بالوزن .... على العموم ... نصيحة لوجه الله بلاش ... وإنت حر ...عاجبك كده
أيوه أنا ضد الصيني .... ومتحيز ضده ... وضد الكوري بس بدرجة اقل شوية (ماعدا هيونداي ... معزتها من معزة الصيني ) وعلى فكرة الفرق مش بس في الكمبيوتر وبس في في حاجات كتير زي الأمان , والجودة والعمر وإزّي قطعة الغيار تبقى زي اللي متركبة في العربية مهما كانت متصنعة في أي بلد , وموتور وكفاءته وحاجات كتير ...
طب ما تقولنا يا بشمهند ايهاب يعنى نجيب عربيه ماركه ايه؟؟؟
حضرتك مش عاجبك الصينى ولا حتى الهيوانداى
امال الشعب الغلبان ده يركب ايه؟
ـقرير تحفةةةةةة
ربنا يباركلك على المجهود ده فعلا
لا يا سيدي , سيبك من الصيني واشتري أي حاجة تانية ... هات هيونداي .... مش مشكلة بس ابعد عن ال verna لو إنت بتسافر كتير , أو بتحب الجري, في ال i10 كويسة
picanto
all suzuki cars
logan
proton saga
lanos
aveo
punto classic
المهم ابعد عن الصيني , وهات أي حاجة , آه أنا مبحبش هيونداي , بس لو هي والصيني .... لأ هات هيونداي
بجد يا ايهاب عاجبني فيك اصرارك :) ..... بغض النظر عن اختلاف الاراء او اختلاف المنطق بس بجد احييك علي دفاعك عن قناعاتك
[QUOTE=ehaballam;3872454637]
أولا : صبح الخير يا هندسة ... طالما طلعت اتصالات برده ... أنا هندسة القاهرة 2005 , فـممكن نكون نعرف بعض , ده طبعا لو إنت قاهرة برده .....
صباح الفل يا هندسه... انا قديم عنك شوية خريج 2001 طبعا ماشفتنيش لاني اتخرجت قبلك وواجهت الحياه المريره
لازم ادفع عن اللي أنا شايفه صح , وخاصة إن المنتدى في ناس (قلة طبعا) شغالين عند الناس بتوع العربيات غبور واخواته , أما موضوع الزن زي ماإنت بتقول , فـده ليه أكتر من سبب , مثلا بيبقى فيه ناس لسة دخَله في الموضوع زي حضرتك , ومقرتش الموضوع من الأول , ومكسل يقرأه ,ولو قرا آخر كام بوست بس حيوصل ل نتيجة غلط (وده برده في رأيي) طبعا رأيك غلط لاني مش مكسل انت اللي مش عايز تتعب صوابعك فى الكتابه لكن انا فهمت انت عايز ايه ورديت عليه, ممكن بيبقى في ناس كاتبة كلام قيم , أو كلام فارغ فـلازم يترد عليهم , قلتلك قبل كده انت مش محامي للناس ملكش دعوه دي اراء وخواطر ناس احرار, وهكذا , ولو ردي مش بيعجب حد ممكن يطنشوا , وفي سبب تاني ... فاكر قصة أصحاب السبت ,طبعا,, لما في ناس كانوا والوسط مش بيصطادوا , بس حاطين لسانهم في بقهم , وبيقولوا " لما تعظون قوما الله مهلكهم أو معذبهم عذابا شديدا " الناس اللي كانوا بيوعظوا ردوا وقالوا " معذرة إلى ربنا , ولعلهم يتقون " وعلى فكرة ربنا عذب اللي كانوا بيصطادوا والناس اللي مكانوش بينصحوا , وطبعا مع فرق المثل , بس دي الفكرة اللي أنا مؤمن بيها , إن لما ربنا يديك علم وتكتموا علشان الناس زهقت , تبقى مفرقتش عنهم .انت ليه بتجيب مثل قوي جدا وهو الدين وقصص القران لاختيار نوع سياره مش اكتر منها المؤيد ومنها الرافض عملية حريات ,يعني العربيه توافه او من كماليات الحياه لكن رب العزه عذب القوم الكافرين والغير ناصحين او الكاتمين للعم لانهم اوقعوا بأخرين فى العذاب والبعد عن دين رب العالمين,شتان شتان فى المثل ده دين والتاني كمايات حياه معاصره وان كانت ضروريات عند البعض
واضح إن حضرتك معلوماتك عن العربيات ضعيفة شوية , ايه العربية اللي مفروض تعيش من 5 ل 7 سنين ,طبعا واضح اوى انك مشفاهم كلامي لانك بتكتب وانت مشدود وعرقان,وان اكيد خبرتي اكتر منك وبالاخص فى الميكانيكا لاني كنت شغال صيانه ميكانيكيه فى اول حياتي, بص يا هندسه انا بتكلم عن قرار صاحب السياره انه يبيعها بعد فتره وجيزه ويجدد ,فهمت قصدي اللي الناس كلها فاهماه, انا واحد من الناس دى رأيي ان العربيه كفايه عليها 5-7 سنين وابيع واجدد, ده الفيسبا بتعيش أكتر من كده , وفي مصر الكلام اللي إنت بتقوله ده نكتة , الكوري اللي هو تعبان بيقعد 18 وعشرين سنة , ال اكسسل مثلا لسة عايشة ودي الكوري اللي بيتقال عليه تعبان , الهوندا السيفك الشكل بتاع 90 ل 95 من أغلى العربيات المستعملة , ده طبعا غير الأسطورتين ال فية 128 اللي الناس دلوقتي تقولك أنا بأتكلم على عربية صيني مش 128 , وهو ناسي إن العربية دي بقالها 35 سنة شغالة ... و طبعا الوحش 504 ... وعندك التويوتا , we-100 عربية تانية ...
أما موضوع إن العلم بيتقدم... فمعلومة إني مهندس اتصالات و network & security specailist , اعتقد إنها كفآية ...كفاية انك تتكلم فى برامج الكمبيوتر الجديه والامان الجديد للانظمه وخلافه لكن لايعطيك الحق فى الكلام عن السيارات بانك محامي وتعلم اكتر من الناس, خليك فى الكمبيوتر بتاعك افضل وطور نفسك هناك كفايه عليك
أما العربيات وده حاجة مختلفة يا باشمهندس ... فـده علم تاني ....قول لنفسك لازم تتعلموا من الأول تاني علشان تفهم إن اللي بقوله مش قديم ولا حاجة .انا شايف انه كلام رجعي جدا
لأ بس إنت مفهمتش قصدي كويس ... دي كانت طريقة مؤدبة علشان اقولك من غير ما اضايقك أو اضايق أي حد تاني ... إن دايما عدد الناس اللي بتفهم اقل من الناس اللي مبتعرفش ... وده مش معناه إن رأي الناس اللي مش عارفة صح ... بس حضرتك مفهمتش أنا قصدي ايه.صدأني فاهمك
[/SIZE]
أنا ما اجبرتيش حد إنه يسمع كلامي , و ما اجبرتيش حد إنه مايشتريهاش ....أنا مقولتيش إن اللي حيشتريها حعذبوا مثلا .... فـده لسة فـنقطة الرأي والرأي الآخر , ويمكن لأني ملقتش حد قدر إنه يساكتني براي ... حاجات مختلفة ... وموضوع التكرار فـأنا ردت عليه قبل كده ...
بس اللي اقدر اؤكده لحضرتك ... إني موجود وحارد على كل واحد بيقول إن العربية دي كويسة ... بعون الله وفضله بما رزقني بعلم وحجة .... فى تخصصك فقط
لا تعليق
[/SIZE]
في الشغل فـحاجات بتحطلها ويندوز وفي حاجات بيتحتلها يونيكس ... المسألة مختلفة ... بس هنا الموضوع مش إزّي تشغل السوفت وير . الموضوع أكبر من كده وإنت عارف , وده مش مثل ينفع هنا ... وبالنسبة للموبيل كله على بعده بكام 4000 جنيه .. بس حضرتك بتجيب موبيل صيني ولا لأ ماهو فيها كل الكماليات وب اقل من 1000 جنيه ... لو بتجيبوا ... تبقى عيب عليك ك مهندس اتصالات ...لا ماجبتوش معايا نوع تاني وماكانش طلع ايامها صيني ولو مش بتجيبوا ... يبقى فيين الكلام بتاع الكماليات ..والعلم اللي تطور وكدهلمااخترت جهازي اللي هو كله الكتونيات حسب تخصصي اخترته من نوع اللمس ماكانتش الصين لسه نزلته اصلا والموجود حاليا لايتافر به ما انا عليه من مميزات الان,لكني لا اهاجم زمايلي حاملي الصيني ,دي ازواق او امكانيات وفى كلا الحالتين هم احرار
تامر .... بس في مشاركة لوحدها علشان دي بقت زحمة وطويلة
أنا مقولتش إنها كويسة , أنا قلت إن الناس اللي بتقول كلام وتصدَّقه زي إنها رخصة ,, إن فيها كماليات ... وكده ... أما موضوع إن الجيلي بطل الناس يشتروها .... ودي لأ ... توكيل ابوالفتوح عنده خبرة أكتر في السوق وبيعرف يسوقها كويس ... بالاضافة إن الجيلي كانت أسوأ من الزبالة بشوية .. بالإضافة إن توكيل الجيلي واقع .... بس لا تقلق ... جيلي راجعة تاني .. نازلوا موديل تعبان كده شبه الباندا ... وال بقية تأتي ...ونظريا لو جيلي تاخد 1 من 10 السبيرانزة تاخد 2 من 10 بس الإتنين تعبانين
احمد ربنا على سلامتك ... بس على فكرة ... أجمد وأحسن عربية صيني جابت 1 من 5 في ال euroncap رغم إن كلهم جايبين ارقام كويسة في اختبارات ال cncap .....مايهمنيش الكلام ده حتي ولو كان صحيح لان ماحدث معي كان خير برهان علي انها سيارات قويه والحمد لله حمتني من موت محقق والزجاج لم ينكسر واتحركت بعدها عادي جدا بالجر طبعا لانها فصلت سنسور كهرباء وبفضل الله الحزام شدني فى مكاني والفوانيس لم تنكسر, ده معناه إن الاختبار الصيني أي كلام وإن العربية مش أمان,بالنسبه لما حدث معي فهي امان والحمد لله .... فـكويس إنك طلعت سليم .... احمد ربنا .الحمد لله رب العالمين
مبروك عليك , صحيح قرار حكيم إنك تجيب عربية علشان زراير التابلوه شكلها احلي.. وعلى فكرة الصيني بيلعبوا على الشكل وجاذبيته, وعلى فكرة ايه فرق الكماليات بين الإتنين غير ال ABS ,بس اللوجان فيها airbag وال trip computer وحتى الكاسيت ماركة مش فاكرها , أما اللي في ال 113 صيني من أوله ل اخره ... وأما موضوع الشنطة وال باب فـال عبرة مش بالوزن .... على العموم ... نصيحة لوجه الله بلاش ... وإنت حر ...عاجبك كده ,شكرا للنصيحه
أيوه أنا ضد الصيني .مانا عارف,.... ومتحيز ضده,مسدأك من غير حلفان ... وضد الكوري بس بدرجة اقل شوية (ماعدا هيونداي ... معزتها من معزة الصيني ) وعلى فكرة الفرق مش بس في الكمبيوتر وبس,ناقص ايه مفيش حاجه الا وشركتها, في في حاجات كتير زي الأمان , والجودة والعمر وإزّي قطعة الغيار تبقى زي اللي متركبة في العربية مهما كانت متصنعة في أي بلد , وموتور وكفاءته وحاجات كتير ...[/QUOTE]
مع احترامي ليك انا مش حرد عليك تاني مش لاني مش قادر, ابدا, الحمد لله اقدر ارد وعندي القدره الكافيه, ولكن الموضوع اخذ شكل الجدال اكثر من النقاش والمعرفه وايضاح المعلومات( اللي انت مش عايز تذكرها وانت حر) عن عيوب السياره
فأعتقد كده كفايه انا حتابع الاخوه اللي بيوضحو رأيهم بكل وضوح وبلا تزمت ومخ مقفول وغرور علم ليس له وجود
ودمتم سالمين
اخي الكبير
أنا حارد على حضرتك على كذا مرة .... فـيا ريت تستحملني
1- مقدمة لابد منها :
-أيوه أنا اتخرجت 2005 بس أصلا دفعتي 2003 , فـعدينا على بعض , حضرتك دفعة الباشمهندس فيصل ابن الدكتور قدري البدويهي والباشمهندسة ماريانا.
-أنا أول ما اتخرجت اشتغلت في المصل واللقاح , مهندس كل حاجة تقريبا , مدني , كهربة , IT ميكانيكا , تكيف وتبريد ...كل حاجة محتاجينها هناك ...فـخبرتي كمهندس اعتقد إنها مقبولة .
-طبعا حضرتك أخ أكبر فـليك كل الاحترام مقدما قبل أي كلام.
-أنا فعلا اتأخرت في كتبت التفاصيل وال حاجات اللي مخلياني شايف إن الصيني وخاصة ال 113 عربية مش كويسة ,بس مش كسل ... بس كان عندي زنقة شغل اليومين اللي فاتوا...
-أنا مش محامي الناس ... أنا محامي اللي أنا مؤمن بيه ... دي النقطة بس ... وبرده حضرتك حتى لو شايف إني عامل فيها محامي الناس ... ليك الحق إنك ترد عليَّ ...أو إنك تتجهالني .... حضرتك حر ..وكذلك أنا كمان حر وال منتدى مفتوح .... ومفيش كوته للرد على مااعتقد .
-ربنا لما بيضرب لنا الامثال فـعلشان نستفيد بيها في كل حياتنا , مش علشان نشوف المواقف اللي تعجبنا أو اللي احنا شايفين إنها تستاهل ... لأ ده درس عام في الحياة ... بيطبق على العموم ..... وممكن تسأل فيها شيخ لو عايز.....وإنت برده حر في قناعاتك ...أما أنا شايف إن الدين هو اللي بيعلمنا إزّي نتصرف في كل حياتنا ....ودي قناعتي .
-مفيش حاجة اسمها ده دين ودي حياة ... ربنا حسب مااعتقد بعتلنا الدين علشان نصلح بيه الحياة ....
-وماعتقدتش إن الدين قاللي لما حد يطلب منك علم تخبيه ...أو لما تشوف حد بيغلط تسيبه ...الدين النصيحة يا اخي العزيز .... واعتقد إن حضرتك كنت أول دفعة خدت كورس اخلاقيات مهنة الهندسة بتاع الدكتور شريف عبد العظيم ..... وعرفت إن احنا كمهندسين علينا واجب اخلاقي إن لما نشوف غلط مش نسيبه, ومسألة إنك عملت اللي عليك , كبار دماغك سيب اللي يلبس يلبس .... لسة مش عارف أعملها ... لأني مؤمن بموضوع المسئولية الاخلاقية ده والكلام العبيط اللي مش بياكل عيش ده .
- أنا مش بأبقى مشدود وعرقان ولا حاجة ... لإن أنا مؤمن باللي أنا بقولة.... ده ساعات بشوف ردود ظريفة كده بقعد أضحك عليها .... وأنا روحي رياضية جدا .
-أنا فهمت حضرتك كويس ... بس سؤال هو حضرتك لما تيجي تبيع بعد 5 -7 سنين لو العربية حالتها بقت سيئة مش ده برده حيخلي سعرها في الأرض وخسارتك حتأثر على قرار الشراء اللي جاي ....فـلازم العربية تعيش ... لإن حالتها ساعة البيع بيحدد سعرها ... فـبالتالي بيحدد قدرتك الشرائية .....
-لما قلتلك إني مهندس اتصالات فـكان قصدي إني عارف إن العلم في ال 50 سنة اللي فاتوا نط نطة كبيرة , يعني علم الاتصالات بدأ من النظرية ليلي احنا شايفينه في 60 سنة بس , بس برده في علوم تطورها ابطء بكتير من الاتصالات يا هندسة ... الميكانيكا مثلا من العلوم دي ...
-أنا بقاللي 3 سنين بقرأ في العربيات .. قريت في كل حاجة تقريبا ... ميكانيكا , طرق التقيم , الفروق بين المصنعين , تقسيمات عالم العربيات , ليه اوروبا مختلفة عن اليابان , ليه امريكا نمرة 3 ,نظم البيع في الدول المختلفة , اقتصاديات صناعة السيارات , شفت كل حلقات topgear , كتير من حلقات fifthgear , دخلت على موقع التقيم ... اتعلمت يعني ايه euroncap اللي حضرتك شايف إنه مش مهم , وإزّي الناس اللي في العالم كله رأيهم غير رأي حضرتك .... حتى تاريخ صناعة العربيات قريت عنه .... ده مجهود 3 سنين من الاستحوذ التام و التزام بالمعلومة الموثقة بس ... اللي الامريكان بيسموه obsession .... مش مجرد أراء شخصية ...ولازم اعترف بفضل حماي الدكتور أحمد العصفوري أستاذ الميكانيكا , هندسة القاهرة ...اللي ساعدني كتير في الحصول على المعلومات الصحيحة , وطبعا والدي العزيز أستاذ إدارة الأعمال في تجارة القاهرة , واخويا المدرس المساعد ,, اللي ادوني الجانب الاقتصادي والتجاري ...
لو حضرتك شايف إن خبرتك أحسن من كده .... ماشي
- أما موضوع الحادثة بتاعت حضرتك ... فطبعا ألف حمد لله على السلامة ... بس أنا أنا ليَّ كذا تعليق :
1- حضرتك شايف إن العربية قوية , من وجهة نظري ... هو مش العربية دخلت التأمين total loss برده ولا ايه ؟
2-إن العربية تتحرك بعد الحادثة بالجر ... حسب زاوية التصادم يا هندسة .. يعني لو العجل مفيش حاجة دخلت فيه و لسة في محورها ... مش مفروض تمشي ....
3-إن الحزام ماينقطعش دي مش معجزة في حد زاتها , ده الطبيعي ... حزام الأمان موجود من السبعينات على ما اتذكر ونادرا إن الحازم يقطع , وإنه مايفكش من القايم برده عادي .
4-الفوانيس إزاز .. فـعدي إنها تنكسر لو التصادم كان فيها ... وده بيأكد إن زاوية التصادم مش حتمنع غالبا ا لعجلة من الحركة ...راجع النقطة 2
اخيرا وليس اخيرا
مع احترامي ليك انا مش حرد عليك تاني مش لاني مش قادر, ابدا, الحمد لله اقدر ارد وعندي القدره الكافيه, ولكن الموضوع اخذ شكل الجدال اكثر من النقاش والمعرفه وايضاح المعلومات( اللي انت مش عايز تذكرها وانت حر) عن عيوب السياره
فأعتقد كده كفايه انا حتابع الاخوه اللي بيوضحو رأيهم بكل وضوح وبلا تزمت ومخ مقفول وغرور علم ليس له وجود
ودمتم سالمين
لا تعليق
ثانيا : ال A113
الشكل : شكلها ظريف ... أنا بصراحة شكلها بيعجبني .... أكتر من أغلب العربيات اللي في فئة دي(7\10 )
الموتور: من أسوأ مواتير ال 1300 اللي سقتها في حياتي , لدرجة إن الموتور ال 1300 بتاع ال saipa الايراني أحسن بكتير ... العزم ضعيف , الصوت عالي بداية من ال 2500 rpm وإنت طالع .... أما أسوأ مافي الموتور... هو ال response بتاعه ... لو المدى بتاع دواست البنزين يتقسم ل 10 خطوات , أول 2 مالهمش أي لازمة ومجرد إنك توصل للخطوة الخامسة الصوت يبدأ يعلى رغم إن العربية مش بتدي التسارع المطلوب في ال rpm ده مقارنتا بعربية كتير 1300 سي سي (2\10)
صندوق التروس : في عضة في كل النقلات اللي لتحت ... 2,4, reverse .... و عضة مزعجة .. ومش زي عربيات تانية بتروح .. دي دايما ... (3/10)
الشكل الداخلي : أنا لازم اقسموا ل نقاط
1-التابلوه : أسوأ تابلوه شفته في حياتي ... كمية ألوان , ملهاش أي لازمة , ومع كثرة ال leds اللي استخدموها فـأي إضاءة مبقتش كافية علشان تشوف كويس ... الظريف إن الإشارات صغيرة وانا مالاحظتهاش ... إلى لما دورت عليها ... ورغم إن العربية بتعمل كذا صوت مختلف ...حاجة للإشارة , حاجة للحزام ..وفي صوت تالت مش فاكر ل ايه ...بس أوتى صوت كان بتاع الإشارة ... فـفضلت مدي اشترى فترة لحد ماشفت النور بتاع الإشارات .... يحسب ليها موضوع ال trip computer .
2- الكونسول: خامات من أسوأ مايكون يكفي إنك تخبط عليها تحس اد ايه هي خفيفة ... جودة تركيب وتعشيق الكونوسول سيئة .. لدرجة إن صاحب العربية .. واد رفيع ومش عفي يعني الكونسول عمل فروق من بعضه لمجرد إنه بيسند ركبته عليه وهو سايق ......
3- الكاسيت: طبعا علشان موضوع الكماليات اللي مشهورة بيه العربية ....
مش نوع محترم ... نوع مخصوص .. شكله مش كويس ... تخاف وإنت بتستخدمه إنه يفك منك ... أنا قاسي الزراير وال حاجات اللي فيه ... وعامةً ارخص ماركة في عالم الكاسيت أحسن منه 100 مرة
4- الكرسي : مش مريح اطلاقا ... وال فرش بتاعه مش متين ... ومش حيعيش .. عامةً دي بسيطة ...مش مشكلة ..في حد ذاتها ...
المشكلة في إن الخامات المستخدما سيئة ,,, وسيئة التركيب (2/10)
- ال handling والثبات.... معقولة مش سيئة ... وإن كان تخاف منها بعد 120 ... (6/10)
-الصاج : مش وحش في حد ذاته ... إنما المشكلة في إزّي مربوط ومتراقب في بعضه ... وده مربط الفرس ... لإن أي خبطة ... ممكن تلاقي الال اكسدامات على الأرض ... (5/10)
- الأمان : للاسف مفيش عربية صيني عدت el-euroncap فـده معناه (2/10)
نقطة مهمة : الجنط السبيكة المستخدمه ضعيفة جدا .. أنا شفت بعيني جنط A113 مفلوق نصين من بلاعة .. وده ربنا يشهد عليَّ فيه
اجمالي :
(2.7\10)
انا حقول رأيي في حاجه
العربيه دي من اكتر عربيات ابو الفتوح انتشارا و ليا اصدقاء جايبنها و محدش اشتكى من حاجه
ف يا اما الناس اللي اشتروا العربيه دي مبيفهموش حاجه و سيادتك اللي صح عشان بجد لو عربيه فيها كل العيوب اللي انتا مطلعها دي تبفى خرابه ماشيه على عجل :khd:
يا اما انتا متجني على العربيه دي و هما اللي صح :B4_039:
شكرا على الموضووووووع
استاذ ALshahba
احييك على كلامك المنطقى واوعى تفكر ان كل كلامك الى كتبته زى قلته لا بالعكس.
قرارك بأنك مش هترد تانى قرارصحيح 100%(انا كنت زى حضرتك فى اول الموضوع واخذت نفس قرار حضرتك برضه) لان فى بعض الاوقات الابتعاد عن مجادله بعض الناس افيد وافضل.
تحياتى لحضرتك وكل سنه وانت طيب.
يا اخوانا مش موضوع تجني....هوه بس ايهاب بالنسباله العربية متساويش حاجة ....بس هوه نفسه الناس كلها تكون زيه ....هوه شايف ان هوه صح و نفسه تبقوا زيه ...
انا جبت m11 وعجباني ... اللي بيسألني برد ...انما مش لازم افضل وراك يا ايهاب واقعد ازن في ودنك انها حلوة ..حلوة ..حلوة
انا قولت مرة انها حلوة ..انت شايفني غلط و انا سمعتك ..خلاص بقي تمام كدة
بص يا ايهاب .ابويا كان كل ما اختلف معاه في فكرة -وابويا يكفيني منه ان هوا ابويا...مش هعقد اقولك بقي هوا مين و شغال ايه لانها متفرقش معاك لانه ابويا انا مش باباك انت ...(علي رأي اللي قال "ابويا ابويا و لو عظم في قفة")-يقولي ايه؟؟؟؟
""" ..ربك وزع الارزاق محدش عجبه رزقه ....انما لما وزع العقول ,كل واحد عجبه عقله """
مش علشان انت شايف فكرة او مقتنع بيها تفضل تنشرها حتي علي اللي مش مقتنعين بعد المحاولة.... بمعني انت كلمت واحد , وهوة مقتنعش, نفضل كويسين بقي يا اخوانا .....
استاذ ALshahba
احييك على كلامك المنطقى واوعى تفكر ان كل كلامك الى كتبته زى قلته لا بالعكس.
قرارك بأنك مش هترد تانى قرارصحيح 100%(انا كنت زى حضرتك فى اول الموضوع واخذت نفس قرار حضرتك برضه) لان فى بعض الاوقات الابتعاد عن مجادله بعض الناس افيد وافضل.
تحياتى لحضرتك وكل سنه وانت طيب.[/QUOTE]
الف شكر اليك يا استاذ ميدو , انا قلت اريح نفسي وبلاش نخش فى جدال ليس له فائده سوي الاحباط , هو طبعا فاكرني بفصل الدين عن ادنيا ...اعوذ بالله...
وانت طيب وسعيد دائما وكل الاخوه المشاركين
استاذ ALshahba
احييك على كلامك المنطقى.
قرارك بأنك مش هترد تانى صح 100% انا اخذت نفس قرار حضرتك برضه.
شكرا يا استاذmeetooz ده بعض ماعندك لانك انت السابق باحترام نفسك وانا اللاحق
العمليه مش خناق دي وجهات نظر,,,, واللي مش عاجباه العربيه مايجيبهاش ويحكي تجربته المريره وعلي القارئ اما الاتباع او سلك طريق اخر...... دي حريات شخصيه وكل واحد وامكانياته
ودمت سالما
هوا جدال و خلاص
بقولك اكثر سياره مبيعا عند ابو الفتوح تقولي مش عارف ايه
اظن انها لو مش ناجحه مكنتش انتشرت خصوصا ان الناس لما بتروح تشتريها بتسأل حد جابها
و بعدين هيا لو مش عاجباك خلاص ده رأيك بس مش من حقك تفرضه على الناس :w6266d
و انا حنضم للناس اللي قالت مش حترد تاني عشان وجع القلب :satelite:
الف شكر اليك يا استاذ ميدو , انا قلت اريح نفسي وبلاش نخش فى جدال ليس له فائده سوي الاحباط , هو طبعا فاكرني بفصل الدين عن ادنيا ...اعوذ بالله...
وانت طيب وسعيد دائما وكل الاخوه المشاركين[/QUOTE]
حاشا لله إني أقول عليك كده , أنا كنت بفكرك وأفكر نفسي إن قصص القران محطوطة للعظة , و إنهـا لكل الحياة , درس بنتعلمه وبنطبقه في كل حياتنا مش ننقي المواقف اللي تعجبنا وال باقي ومواقف تافهة ماينطبقش عليها ...
أما موضوع عدم الرد ... فـأنا مش حقولك ريحتني وسبت ليَّ المكان اقول فيه اللي أنا عايزه .... أنا حقول لحضرتك ...هو يعني ايه منتدى ... وايه الغرض منه ..... ماعتقتش إن الغرض إن كل واحد يقول كلمتين ويمشي ... الغرض هو الجدال اللي يوضح للناس الأراء المختلفة ... وكل واحد يقول حجته ... واللي بيقرا هو اللي يختار ... وأظن إنه واضح إن الكام أخ اللي بيردوا غالبا عندهم عربيات بغض النظر نوعها ايه .... وأنا مش ناوي أشتري عربية حاليا ... فـكلنا هنا وضعنا مستقر من ناحية العربيات اللي عندنا .... وأحب أقول لحضرتك وكل الاخوة إن في الموضوع 138 مشاركة ... و 6297 مشاهدة .... فـاللي بيستفيد من الجدال اللي مش عجيب حضرتك وال اخوة هم ال 6279 أخ اللي شافوا الموضوع ... وده هو اللي بيفيد الناس , لأن كل واحد فينا بيحاول يوضح وجهة نظره ويرد على كلام الأخ اللي قبليه ....
فييارب تكون وجهة النظر دي وصلت ....
وأظن إن كده برده أكون ردت على الاخوة
medo
meetooz
ash
heema
وعلى فكرة عمر ماالرد رغم إنه بياخد وقت ومجهود كان حاجة مملة أو سخيفة .... لإن الموضوع بالنسبة ليَّ على اقل عامل زي ماتش تنس ظريف فيه اخد وعطا....
ومش موضوع زن يا hemma , أو فرض وجهة نظر ... في الآخر أنا أو أنتم مالناش غير وجهة النظر وماحدش فينا حيطلع فلوس من جيب حد أو حايرد الفلوس في جيب حد تاني .....
وأنا قلتلك إنت اكتب كلامي في ورقة وانزل بص على العربية بنفسك .... يا راجل ده أنا بحكمك إنت ...
وهو ابوالفتوح ماسك كام توكيل علشان تقارن بينهم .... ده هو توكل أو إتنين يتام.....
أما موضوع حجم المبيعات .. فـبص شوف الموبيل الصيني مبيعاته عاملة إزّي قصاد sonyericsson مثلا وقولي هل حجم المبيعات ده هو الفيصل .....
أما موضوع عدم الرد ... فـياريت تقرا المشاركة السابقة
حاشا لله إني أقول عليك كده , أنا كنت بفكرك وأفكر نفسي إن قصص القران محطوطة للعظة , و إنهـا لكل الحياة ,الحمد لله اعرف ديني كويس وكيفية ضرب الرحمن للقصص فى القران والاستفاده منها فى الحياه, درس بنتعلمه وبنطبقه في كل حياتنا مش ننقي المواقف اللي تعجبنا وال باقي ومواقف تافهة ماينطبقش عليها ...
أما موضوع عدم الرد ... فـأنا مش حقولك ريحتني وسبت ليَّ المكان اقول فيه اللي أنا عايزه ....اكتب ماتشاء فخير الرد علي ال..... الصمت, أنا حقول لحضرتك ...هو يعني ايه منتدى ... وايه الغرض منه .....لطيف اوي انك عايز تعلمني يعني ايه منتدي!! ماعتقتش إن الغرض إن كل واحد يقول كلمتين ويمشي ... الغرض هو الجدال ,فكر خطأ ويقترب للديكتاتوريه اللي يوضح للناس الأراء المختلفة ...لست محامي للناس انت مجرد واحد يوضع رأيه مش اكتر وكل واحد يقول حجته ... واللي بيقرا هو اللي يختار ... وأظن إنه واضح إن الكام أخ اللي بيردوا غالبا عندهم عربيات بغض النظر نوعها ايه .... وأنا مش ناوي أشتري عربية حاليا ... فـكلنا هنا وضعنا مستقر من ناحية العربيات اللي عندنا .... وأحب أقول لحضرتك وكل الاخوة إن في الموضوع 138 مشاركة ... و 6297 مشاهدة .... فـاللي بيستفيد من الجدال اللي مش عجيب حضرتك وال اخوة هم ال 6279 أخ اللي شافوا الموضوع ... وده هو اللي بيفيد الناس , لأن كل واحد فينا بيحاول يوضح وجهة نظره ويرد على كلام الأخ اللي قبليه ....رد فى حدود الرأي وليس فرض الرأي
فييارب تكون وجهة النظر دي وصلت ....انا فاهمك كويس وفاهم تفكيرك
وأظن إن كده برده أكون ردت على الاخوة انا ارد اذا... انا موجود (انت)
medo
meetooz
ash
heema
وعلى فكرة عمر ماالرد رغم إنه بياخد وقت ومجهود كان حاجة مملة أو سخيفة .... لإن الموضوع بالنسبة ليَّ على اقل عامل زي ماتش تنس ظريف فيه اخد وعطا....
ومش موضوع زن يا hemma , أو فرض وجهة نظر ... في الآخر أنا أو أنتم مالناش غير وجهة النظر وماحدش فينا حيطلع فلوس من جيب حد أو حايرد الفلوس في جيب حد تاني .....[/QUOTE]
بجد الله يبارلكلك مجهود رائع
متابع متابع كمل
السلام عليكم و رحمة الله و بركاته ...
انا لسه مستلم الاسبرانزا ال 113 يوم الثلاثاء 23-3-2010
انا اصلا من الاسكندريه و لكنى كنت مستعجل جدا عشان استلمها فسافرت القاهرة قبل البوابة ب 2 كيلو استلمتها من هناك من ابو الفتوح و رجعت بيها على طول و اهى بقالها معايا خمسة ايام و عامل بيها 450 كيلو .. و حابب اقول راى فى العربيه لكل اخوانى اللى بيفكرو يشتروها ...
المميزات :
1 - طبعا كلكم عارفين ان العربيه كامله من كل حاجه مش ناقسها إلا الاير باج ماعدا كده فيها كل حاجه ( تكييف - سنتر - وحدة رفع - انزار - باور - كاسيت سى دى و 6 سماعات 2 فى الخلف و 2 فى الامام و 2 فى البابين الاماميين )
2 - ابعاد العربيه جميله جدا و مريحه و ممتعه فى السواقه و الصالون بتعها مع الرغم من شكلها الصغير إلا انه واسع و مريح
3 - بصراحة انا اول ماجيت الاسكندرية ظبط فيها شوية حجات بس كلها كماليات .. و الحمد لله شكلها بقى جميل خالص و الاضافات هى ( فرش جلد للكراسى و الارضيات - كسوة طاره و فتيس - فاميه خفيف للهوايات اللى فى الخلف - مستلكات سوداء للجزء الاخير من الاكصدام الخلفى - نور زينون فى الفوجات و النور العالى - و طبعا شوية فواحات و مناديل و شماسه للزجاج الامامى )
4 - مناسبه جدا لسعرها و طبعا احسن من بهدلة المواصلات
العيوب :
1 - اكتر حاجه شايفها عيب فى العربية هى التقفيل المصرى ... انا لاحظت عيوب بسيطه فى التقفيل ( فرق بين اجزاء التبلوه يعنى جاى يمين سنه او شمال سنه - فرق فى فبر الشنطه مش مطبع على بعضه كويس - لكن اكتر حاجه حزنتنى هى ليه المصريين معندهم الضمير فى الفنيات البسيطه دى .. اقصد كان ممكن تتقفل العربيه بشكل احسن و من غير تعب على اللى قفلها و لقيت بردو شوية خرابيش بسيطه من جوه .. هى طبعا بسيطه جدا بس تزعل بردو لما تحس ان العربيه زيرو المفروض مافيهاش حاجه خالص
2 - قابلتى مشكله فى الزجاج الامامى يمين .. كان بيعلق فى القفل و رحت ييها التوكيل و ده بردو من عيوب العربيه ان التوكيل بتعها مش كويس اوى .. هم محترمين و كل حاجه لكن قالولى دى شوية تراب كان فى الكاوتش و رشو سائل كده و اشتغل بس بردو كان تقيل و قالولى لو علق تانى حنغيرك كاوتش الباب ... المهم مشيت و فى نفس اليوم علق تانى و رحت بيها تانى يوم بس ماشوفتش عملو ايه و اشتغل الزجاج و مشيت و فى نفس اليوم علق تانى .. و رحت بيها تانى يوم و كلمتهم ناشف بقى شويه المهم قالولى احنا اسفين و غيرو كاوتش الباب خالص و اهو من ساعتها شغال و الحمد لله .. بس طبعا قلقت منهم شويه
معلش لو طولت عليكم بس انا قاصد انى احكى بالتفصيل عشان تعم الفائدة .. شكرا ليكم
و السلام عليكم ..
الاخ air113 الف مبروك ربنا يديك خيرها ويكفيك شرها
المهم يا بطل لازم تعملنا بس فى موضوع منفصل صور ال 113 بعد الاضافات لانى نفسى اعمل حاجه فى عربيتى وممكن استفاد من الى انت عملتوا
شكراا
113 الف مبروك :shyy:
السلام عليكم ...
انا متشكر جدا لكل اخوانى ... اشكركم على ردودكم الجميلة ...
الف شكر :vctry:
انا فعلا كنت محتاجه التقرير ده لأني بافكر اشتريها وكنت محتارة
بصراحة تقييم هايل و واضح و مباشر
bravooooooo
عربيه أنا شايفها جميله .... ومنافسه جداااااا في فئتها ... وإن شاء الله هشتريها بعد ماكنت خلاص تقريبا خدت القرار بشراء سبارك... لكن ( تغور من وش منصور)