أنا أخذت خبطة في الباب الخلفي فهل يجب تصلحها فبل التجديد لأن عندي تجديد و فحص مع العلم أنا مرور مدينة نصر
عرض للطباعة
أنا أخذت خبطة في الباب الخلفي فهل يجب تصلحها فبل التجديد لأن عندي تجديد و فحص مع العلم أنا مرور مدينة نصر
طالما كده كده هتصلحها فالافضل تصلحها دلوقت لأنهم ساعات بيتلككوا .
طبعا لازم تصلح الباب قبل التجديد والفحص لانه تابع الشكل العام..............الا اذا الا اذا
طبعا انت فاهم قصدى
شكرا لكم علي الرد
انا مش عارف ازاي بيتلككوا
انا جددت العربية و لا بص على حاجة
قالي فين العربية كنت راكنها بعيد و مش باينة قولتلة اه هي دة
قالي خلاص طلعها برة
و لا شاف اي خبطات و لا اي حاجة
بمناسبة مرور مدينة نصر
مرة كنت رايح بحبيبتي ال 128 على الدائري وعلى فكرة هي عربية حلوة جدا يعني موتور مضبوط كهرباء تمام
بنزين 92 زيت mobil xhp وكل اللي ركبها مش مصدق انها بالنعومة دي
المهم يعني مببخلش عليها بحاجه
وقفني عسكري على الدائري قبل المعادي
وراح حاطط جهاز في الشكمان وراح قايل العادم عندك زيادة
انا اخدت الكلمة ورحت على الميكانيكي ابتسم وقالي هو قالك اركب ودور العربية وزود البنزين
قلت له لأ
على العموم غيرت طقم الكهرباء ونظفت الكربراتير على شوية حاجات وغيرت الزيت يعني الحسبة دخلت في 200 300 جنيه كانوا بمزاجي طبعا
رحت عشان ارجع الرخصة في المرور بتاع مدينة نصر
بالمناسبة هما اثنين مهندسين واحد منهم جه قلت له انا جاي افحص علشان الرخصة مسحوبة عشان العادم
العربية كانت دايرة وكنت مضبطها على الشعرة وعلى جهاز عند الميكانيكي نسخة من اللي في الكمين
المهندس بص على العربية قالي العربية لسه فيها دخان !!!!!!!!!!!!!!!!!!!!!!!!!!!!!!
طلعت عشرين جنيه واديتهاله لاني بصيت دخان ايه يمكن انا اللي اتعميت
لقيته كاتب على الورقة وبعلو حسه قال
تم ازالة الدخان
وتقوللي عايز ارد الباب ؟؟؟؟؟؟؟؟؟؟؟؟؟؟؟؟