عاقبو المشاه زي السواقين

**elpasha009** · 31-08-2009 12:40 PM

والله انتوا صعبانين عليا.
أنا بقالي سنة ونص لحد دلوقتي بقيت بعاقب المشاة بطريقتي.
امبارح كنت في اسكندرية في محطة الرمل ومجموعة شباب صغيريين ماشيين في نص الشارع كان شكلهم بيتناقشوا في موضوع مهم وزمرتلهم من أول الشارع وقلبت نور وكل اللي عملوه انهم بصولي وفضلوا ماشيين برده ببرود شديد جدا قمت مزود السرعة وخابط اللي كانوا في نص الشارع وبصولي وأنا بزمر وسبتهم ومشيت.بصيت في المراية بعدها لقيتهم كلهم بقوا على الرصيف بقدرة قادر.طيب مكان من الأول يعني ولا هي قلت أدب وخلاص.

**Karim_Monir** · 01-09-2009 12:28 AM

عارف وانا في اسكندرية اخر مرة وعلى الكورنيش والطريق بيتحرك ببطء
وانا في الحارة اليمين
شاب ظريف لطيف خفيف عرضة متر وطولة مترين قعد على ركبتة قدام عربيتي
بيعمل ايه
بيربط رباط الجزمة
قولت يمكن مش شايفني ولا افتكر نفسة على الرصيف
ضربت كلاكس
شوحلي وزعق وبيقول ايه بلاش اربط الجزمة
انا بقيت مش قادر اصدق
ولولا اني كان معايا اسرتي وامي بالذات
كنت نزلت حطيت الصاعق في ....
في بقة
الظريف اني كان على شمالي ميني باص
فتح الباب وبيقولي ولله انا لو منك اخبطة ومالوش دية
مش ممكن درجة التخلف العقلي اللي بتزيد دي

**M.Osman** · 01-09-2009 06:02 PM

بيعمل ايه
بيربط رباط الجزمة
قولت يمكن مش شايفني ولا افتكر نفسة على الرصيف

نفس الموقف برضه ... بس الباشا كان بيربط رباط جرمته في اليوتيرن!!!!!!!!
روحت سايب ايدي على الكلاكس... هعمل اية يعني؟

**dr.nemo** · 01-09-2009 08:30 PM

المشاركة الأصلية كتبت بواسطة MoToRiZeR

واد عمل فيا نفس الموقف في شارع فيصل .. و بمنتهي الرخامة
مورت الفتيس و كبست بنزين عالأخر .. الواد جاله تبول لا إرادي و رمي نفسه عالرصيف .

بعمل نفس الحركة دي كتير بس بدون مامور
خصوصا في الاماكن المزدحمة
تحس ان الناس خلاص حصلها adaptation مع الكلاكس

واحد طلع في نص الشارع علشان يوقف التاكسي اللي ورايا
وعمال اديله كلاكس وشاور بايدي مفيش فايدة
الحمد لله الفرامل وقفت العربية قبله ب 5 سم
لقيته بيقولي انا آسف
فسبته ومشيت وامري لله

او تلاقي 4-5 ماشيين بعرض الشارع يعني حتى لو موتوسيك مش حيعرف يعدي
كلاكسات تقليب نور
مفيش فايدة
اللي خوفهم اني كبست دبرياج وكبست البنزين على الاخر
مع الكلاكسات والنور لقيت كل واحد منهم في ناحية
واندفع منهم سيل من القاذورات الكلامية وكأن انا الغلطان