الى خبرائنا الكرام ازاى اغير رشاشات عربيتى اللانوس بنفسى ( يا ريت شرح بالتفصيل الممل جدا ) عشان افهم . خصوصا المكان ده حساس و مليان توصيلات
عرض للطباعة
الى خبرائنا الكرام ازاى اغير رشاشات عربيتى اللانوس بنفسى ( يا ريت شرح بالتفصيل الممل جدا ) عشان افهم . خصوصا المكان ده حساس و مليان توصيلات
1- دور العربية
2- شيل كتاوت الطلمبة و العربية دايرة
3- لما العربية تبطل اقفل الكونتاكت
4- فك خرطوم البنزين اللى خارج من فلتر البنزين
5- فك خرطوم البنزين اللى راجع من المسطرة (حتلاقية جنب بلف المسطرة)
6- افصل خرطوم الفاكيوم بتاع بلف المسطرة
7- افصل فيش الرشاشات الاربعة
8- فك الصامولتين ال12 مللى اللى مثبتين المسطرة
9- اسحب المسطرة لفوق و فى اتجاة البرابريز لحد ما الرشاشات تخرج من فتحات المنافولد
10- فك كليبسات الرشاشات اللى مثبتاها على المسطرة
11- اخلع الرشاشات من على المسطرة
للتركيب اتبع نفس الخطوات بترتيب عكسى
وانت بتركب الرشاشات حط نقطة زيت او رشة WD40 على الكاوتش بتاعها عشان تركب بسهولة
MMamdouh
شرح رائع ياكبير
تسلم ايدك يا محمد و الف شكر . شرح رائع . بس عاوز اعرف ايه هو خرطوم الفاكيوم و ايه هو بلف المسطره ؟؟؟ وياريت لو صورة توضح شكلهم يا كبير
البلف بنتاع المسطرة هو الجسم الاسطوانى اللى راكب على الطرف اليمين لمسطرة الرشاشات و دة شغلتة تنظيم ضغط البنزين حسب الطروف المختلفة للتشغيل
خرطوم الفاكيوم بتاع البلف حتلاقية طالع من البلف و راكب فى الجنب اليمين للمنافولد
MMamdouh
شرح جميل وشامل.:Y_hi_3[1]:
شكرا يا محمد على اهتمامك و شرحك الى زى الفل . حجرب و اقولك عملت ايه
شرح رائع