إستفتاء : بتاكل اللي يعجبك و بتركب اللي يعجب الناس ؟؟

**دموع الثلج** · 13-05-2008 07:18 PM

لــــــــــــــــو انا كنت ولـــــــــد كنت هشترى العربيه اللى تعجبنى انا ومليش دعوه بقصه الانتشار دى اهم شى اعمل شى بحبه

لكن عشان ملليش فى ميكانيكا واعطال سيارات وخلافه هشترى المضمون عشان مش هقدر اتحمل صيانات او انى اجازف فى عربيه مش منتشره تدوخنى وراها فى الصيانه

**sss** · 13-05-2008 07:21 PM

المشاركة الأصلية كتبت بواسطة goodwave

في رأي إنها في الاول والاخر مسألة إمكانيات!

يعني مع إحترامي مش حتلاقي حد راكب الميجان الهاتش باك او الهيونداي كوبية او الجولف 2007 او السيتروين C4 أو الBMW 115i أو mini cooper على سبيل المثال لا الحصر ..... إلا وإمكانياتة المادية مرتاحة جدا.......... يعني من الاخر بيدور على الرفاهية وإللي هو عاجبة ولكن لا يهمة تكاليف الصيانة في التوكيل او سعر إعادة البيع او قطع الغيار وقيس على ذلك كل المعوقات الاخري إللي بتخلي معظمنا من الفئة امتوسطة يفكر ألف إن ما كانش مليون مرة قبل ما يشتري عربية جديدة!

ومن وجهة نظري المتواضعة ..... إن كان الشخص بيفكر يشتري عربية ب 20% او 30% بس من إمكانياتة المادية فمش حتفرق معاه نوعها إية ولا الناس بتشوفها إزاي......الهم لا حسد :D

ولكن واحد بيدفع تحويشة عمرة وكمان بيستلف ويقسط علشان يشتري عربية........ لازم يجري ورا إللي يعجب الناس علشان يلاقي صيانة معقوة وقطعة غيار متوفرة وسعر إعادة بيع مقبول........

متفق معاك في الجزئية الاولانية والتانية كمان لكن في تغيير بسيط و هو ان اللي بيختار عربية عاجباه مش شرط ان تكون امكانياته كبيرة
في عربيات كتير رخيصة ومش منتشرة
يعني عندك GEN 2عربية روعة و في رأيي تنافس عربيات في فئة سعرية اعلى منها زي الاسترا والميجان هاتش باك لكن برضه مش منتشرة للمبدأ اللي حضرتك ذكرته ان الناس بتخاف تضحي بتحويشة العمر في عربية مش منتشرة
يعني التميز محتاج شوية جرأة وكتير من ستر ربنا عشان ما ترجعش تندم و تقول يا ريتني كنت ماشي مع التيار

**el3awaam** · 13-05-2008 08:48 PM

انا عن نفسى
بحب الحاجه النادرة
واللى مش موجودة عند حد
فببعد عن المنتشر بين الناس
عشان ابقى متميزززز

**ows212** · 13-05-2008 09:03 PM

بالنسبة للأكل باكل اللى بتطبوخهولى مراتى
بالنسبة للعربية ... كنت زمان باركب اللى الناس بتقولى عليه طبعا ده فى المستعمل
فيات 131 .. وبعدين كورولا 93 ...
الكلام ده لغيته لما قررت اشترى سيريون ... سمعت كلام للصبح ... وفى الأخر جبت اللى انا عايزه .. وان شاء الله كده على طول

**Chicco** · 13-05-2008 11:28 PM

المشاركة الأصلية كتبت بواسطة abo3bdolrahman

لأ طبعا أركب اللى يعجبنى و آكل اللى يعجبنى و إن شاء الله ما عجب حد المهم تعجبنى أنا و بس :lol:

+1
أحلى رد في الموضوع كله
الله يمسيك بالخير يا أحمد أنور باشا ....موضوع جميل و متجدد

**modux** · 14-05-2008 12:41 AM

انا اركب علي مزاجي و اكل علي مزاجي بحب الاوبل و اعشق رفارفه

هنزل من اوبل اطلع من اوبل ان شاء الله !!!

**sherif80** · 20-05-2008 08:51 AM

المشاركة الأصلية كتبت بواسطة abo3bdolrahman

لأ طبعا أركب اللى يعجبنى و آكل اللى يعجبنى و إن شاء الله ما عجب حد المهم تعجبنى أنا و بس :lol:

+1

لأنك كده كده مستحيل تلاقى حاجة تعجب كل الناس

**medohai510** · 20-05-2008 12:55 PM

أنا عن نفسي أحب أركب العربية إلي تعجبني أنا دون النظر عن مدي أنتشارها كنت في الاول عندي 128 وبعد كدة ريتمو وأخراًً رينو كليو.
كنت بفاضل بين الكليو واللانوس ولكني أخترت الكليو بعد ما جربت اللانوس مع أبن خالتي فوجدت أن الكليو غير منتشرة وأيضاً الرفاهية المتميزة بها في القيادة دون النظر لأرتفاع أسعار قطع الغيار نسبياً بالمقارنة مع اللانوس.