إستفتاء : بتاكل اللي يعجبك و بتركب اللي يعجب الناس ؟؟

**ashraflotfy1** · 31-10-2008 06:21 PM

أنا مع الرأى الثانى أشترى اللى يعجبك لأن أنا اللى حركب مش غيرى و كمان لا يعنينى سعر اعادة البيع بعد كام سنة لأنى سأكون بايع بايع فلن تفرق معى كثيرا الى جانب ان السوق المصرى ليس مقياس لجودة السيارة بدليل ان سيارات محترمة جدا مثل الستروين و الرينو و الساب و الفولفو و الأودى و اللانشيا و الألفا روميو لا يمكن لأى فرد انه يقول انها لا تنتشر فى مصر و ينتشر عنها الشاهين و ال 128 و الفيرنا و الصينى كالاسبيرانزا أو اللانوس و لننظر الى الدول العربية و الأوروبية و الأسيوية بل و حتى الأفريقية لنرى ما هو المنتشر عندهم و ما هو الحال عندنا. الذى أريد قوله اذا حبيت تركب سيارة ادخل على الانترنت و على المواقع المهتمة بالسيارات سواء العربية أو الأجنبية لتعرف كل ما تريده عن السيارة التى ترغب فى شرائها و معرفة رأى الناس فيها طبعا فى مصر و غير مصر لكن ركز على غير مصر لأن المصريين اللى أنا منهم بيمشوا ورا بعضهم بدون تمهل أو دراسة بما ان الهيونداى أو ال 128 أو الشاهين ماشية يبقى أجيبها واللى تعرفه أحسن من اللى ما تعرفهوش مش هى دى الأفكار المصرية. أنا مثلا اشتريت بيجو 305 و سمعتها مش قد كدة و مع ذلك من افضل السيارات التى ركبتها و استمرت معى 8 سنوات و اشتريت أيضا دايو اسبيرو و هى من أروع السيارات التى صنعت فى كوريا كذلك الدايو ريسر كل هذه السيارات ليس لها سمعة قوية فى مصر و سعر اعادة البيع ليس عاليا و مع ذلك أفضل من سيارات أخرى منتشرة فى السوق المصرى و هذا عن تجربة و كله بيتباع فى الاخر بعد شوية وقت و خسارة ألف أو ألفين أو ثلاثة مش حاجة أمام انى أركب اللى على مزاجى

**mrghost** · 31-10-2008 07:32 PM

لاطبعا بجيب اللى تناسبنى بغض النظر عن رأى الناس فيها يعنى انا معايا شاهين ومش ناوى اغيرها حتى لوهيدونى لانسر ببلاش (دى وجهة نظرى ) (طبعا لو هيدونى لانسر هاخدها وبعد كده ابيعها واجيب بالفلوس شاهين ههههههه لانى شايف انها مناسبه ليا جدا بس بصراحه ببقى مكسوف لو ركبت عربيه اقل منها زى الريتمو بتاعه والدى بحس ان الناس كلها بتبص عليا وانا راكبها ؟!!!!!

**Chucky** · 31-10-2008 08:27 PM

و الله يا احمد انا من اكتر الناس اللى بحب اعمل الحاجة اللى على مزاجى و اللى انا مقتنع بيها طلما مش بضر بيها حد

فى موضوع العربية انا من اول الناس اللى كانت مشجعة للامبريزا اول لما نزلت و لما والدى كان ناوى يشترى عربية فى حدود سعرها كنت بقنعه بيها بس للاسف ( والدى من فريق اشترى المنتشر احسن ) و كان وقتها الامبريزا كنت تشوفها فى الشارع ولا اكنها لامبورجينى او فيرارى

و لحد دلوقتى قبل ما اشترى عربيتى كنت بدور على الامبريزا موديل 94 بس للاسف نادرة جدا و صعب انك تلاقيها بسهولة

و انا كنت مستعجل فأشتريت تانى عربية انا بحبها بعد الامبريزا

فالموضوع بالنسبة ليا بيرجع للاقتناع و هل العربية كويسة ولا لاء... سواء بقى منتشرة ولا محدش بيقربلها

**nobody** · 31-10-2008 08:54 PM

طبعا اركب اللي يعجبني

**Osama_soliman** · 01-11-2008 12:53 AM

حقيقى انا مقتنع بحاجة

- كل اللى يعجبك
- البس اللى يعجبك
- اركب للى يعجبك

بس من غير ما تغيظ الناس

**ibrahimsaad** · 01-11-2008 09:33 AM

انا مع المثل اللى بيقول على قد لحافك مد رجليك

وبرده كل اللى يعجبك والبس اللى يعجبك واركب اى عربيه تعجبك انت وسيبك من كلام الناس

لان كلام الناس لابيودى ولاياخر

على رأى جورج وسوف

ومافيش حد هيمسحلك دمعتك من الناس

يبقى من الاخر سيبك خالص من كلام الناس واعمل اللى انت مقتنع بيه وفى ضوء امكانياتاك وقدراتك

وعلى فكره هوده اللى بيحصل بره وبيعملوه الغرب

يعنى مثلا تلاقى عالم محترم راكب عجله وماشى بيها عادى

ده لو فى مصر هتلاقى الناس كلها زفته فى الشارع

هو ده الفرق

**شريف** · 02-11-2008 11:42 AM

المنتشر هيريحنى طول العمر و راحة بال مفيش احسن من كدة
لو العربية اللى عجبانى اثبتت وجودها و بقى ليها قطع غيار متوافرة معروف سعرها لية مجبهاش

**islammmm** · 05-02-2009 11:29 AM

يا اشرف باشا انا كنت بسالك قبل كده عن قطع غيار الدايو الاسبيرو لاني عاوز اشتريها وياريت لو حد عنده معلومات اكتر يفيدني؟

**ahmed_bq** · 05-02-2009 02:39 PM

الموضوع بكل بساطه انك لما تفكر تشتري عربية هتدور طبعا وتفكر

ملازم تعمل لنفسك راحه نفسيه في وجود قطع غيار منتشره ورخيصه واي ميكاميكي يشتغل فيها

والحجات دي مش هتلاقيها الا في عربيات عاجبه كل الناس واذا كانو مش بيحبوها فأكيد مش بيكرهوها وده بيسبب انتشارها

انا شايف ان الطبقة المتوسطة زي حلاتنا كده
انسب حاجه ليهم اكثر السيارات انتشارا في الشوارع

128 و 127 و 131 الخ
لانوس و نوبيرا
لانسر
افيو

قطع غيارهم في كل مكان وفيه منها الغالي والرخيص

**Osama_soliman** · 05-02-2009 03:16 PM

انا آكل اللى يعجبنى والبس اللى يعجبنى واركب اللى يعجبنى

مع كامل احترامى للناس

مشاهدة نتائج الإستطلاع: تشتري الموديلات المنتشرة و الأكثر مبيعا و لا متفرقش

الموضوع: إستفتاء : بتاكل اللي يعجبك و بتركب اللي يعجب الناس ؟؟

LinkBack

أدوات الموضوع

عرض

-

-

-

المواضيع المتشابهه

تشتري إيه اللي يعجبك و لا اللي يعجب الناس ؟

هو في مصر الصبات اللي بتركب تحت الكرسي ؟

الدعامه اللي بتركب بين البطحات

استطلاع: ام بي تري اللي بتركب مكان الولاعة أو الشريط اللي يخرج منه سلك وجاك

سؤال عن المقاومة اللي بتركب في علبة الكمبيوتر

الكلمات الدلالية لهذا الموضوع

المفضلات

المفضلات

ضوابط المشاركة