الموضوع: إستفتاء : بتاكل اللي يعجبك و بتركب اللي يعجب الناس ؟؟

طبعاً الواحد بياكل اللى يعجبو
لكن فى موضوع العربيات فالمسألة نسبية جداً
- ممكن تتوقف على الإمكانيات المادية و بالتالى إختيارات محدودة و مرغمة.
- تجربة مع ماركة معينة تجعل الشخص إما متمسك بأى موديل للماركة أو مبتعد تماماً عن التفكير فيها.
- طبعاً توافر قطع الغيار و التوكيل سبب مهم فى عملية الإختيار.

و أنا عن نفسى بيحكمنى الإمكانيات المادية و إعتمادية السيارة و قدرتها على تلبية مطالبى منها.

المشاركة الأصلية كتبت بواسطة Ahmed Anwer

جاتلي فكرة الموضوع ده

من نصيحة أخونا الكبير ، المشرف العام ،، م/ سبعاوي ل أ/ وائل عطية إنه لما يجيب عربية يخليه في المضمون أو العربيات المنتشرة ،،

زي اللانسر و الماتريكس و الصني في الفئة اللي كانوا بيتكلموا عليها

فكرني بالمثل الشعبي كل اللي يعجبك و البس اللي يعجب الناس ،، مع التحوير

و دي وجهتين نظر مختلفين ،، أجيب العربية اللي كل الناس بتجيبها و خلاص و لا أجيب العربية اللي تعجبني أيا كان حجم إنتشارها ،، كل فريق ليه وجهة نظره ،،

الفريق الاول أسبابه :_
1- إنتشار العربية يضمن سهولة الصيانة و توافر قطع الغيار و إعادة البيع
2- العربية المنتشرة يعني عربية اثبتت وجودها ،، هتبقي كويسة علي الأقل
3- العربيات الجديدة كلها الفروق بينها بسيطة لو في نفس الفئة ايه اللي يخلني أدوخ نفسي بعربية نادرة

الفريق الثاني أسبابه :_
1- التميز
2-مش معني إن العربية منتشرة إنها كويسة و في أمثلة كتير
3- إعادة البيع بعدخمس سنين مش بتفرق و انا مش هانقي عربية للي هيشتريها من بعدي

يا ريت تقولوا أرائكم و تجاربكم الشخصية ،، بالأسباب من وجهة نظركم

1:فعلا فى الغالب العربيه المنتشره بيضمن سهولة الصيانه وتوافر قطع الغيار
2:ثانيا انت مش بتنقى عربيه للى هيشتريها منك لا انت بتنقى عربيه ليها زباين وسوقها ماشى عشان برده انت تستفاد وتعرف تبيعها بسهوله