شكراً يا فندم .. ربنا يجعلنا سبب في فائدة الاخرين
عرض للطباعة
خلينا نشوفك انا وعنيا ياكل ماليا دى بقية الكلمات طبعا بهزر مع حضرتك ورمضان كريم الجد بقى لعلمك الصينى منافس للكورى فقط ودة حيبان كمان 10 سنين وحيبان اداء العربيات اللى الناس شارينها بعد 5 سنوات والله لو اثبتت كفاءتها حيبان وانا كان ليا استفسار لاصحاب الاسبيرنزا لية اغلبية الناس بايعة موديلات 2009 جديدة وكسر زيرو مستعمل وبعدد كبير
ومالك اخد الموضوع بعصبية ليه كدا
ثانيا لو انت واثق فى نفسك خش على منتدى التويوتا والانسر والهوندا والفولكس فاجن
وشوف كمية الشكاوى من العربيات ..
كمان مافيش حاجة كاملة (الكمال لله وحده) بلاش كل ده لو انت مش مقتنع .
خش على موقع www.contactcars.com
وانت تعرف اخبار العربيات كويس واخر خبر قريته ان شركة بى ام دبليو سحب ما يقارب 220 الف سيارة بسبب عيب فى فرامل والحساسات ... وادى اسمها بى ام
وانا معاك فى نقطة المستوى اللى بينزل او الفرز بمعنى ادق احنا الاسبرانزا بتنزل عندنا من غير ايرباج معدا الكبيرة A615 فى السعودية بتنزل بـ 2 ايرباج ..
بس احنا فى ايدينا ايه نعمله وكمان فى نقطة ان العربية انا بكلمك عنها عن تجربة اخ معايا طول الاسبوع ولسه جاى فيها من نص ساعة .. هى مافيهاش غير مشكلتين والاتنين مش صعبين لدرجة انى ما اشتريهاش المشكلة الاولى العفشة ودى بتتحل بتغيير العفشة بواحدة انضف المشكلة التانية المساعدين الاربعة بيتغيرو بـ 1650 وكده العربية بتبقى ممتازة فى بقى مشاكل فردية زى مثلا زرار اتخلع فرش مش مستحمل ودى فى اغلب السيارات اللى فى مصر وعلى العموم انا عمى معاه فولفو s40 وهو ماشى على 80 الايرباج فتح لوحده دا غير قطع الغيار المولعة ...
احنا عايزين نحل مشكلى يا اخى العزيز مش عايزين نعقدها اكتر ... ماشى العربية نازلة بمشاكل ازاى نحلها ...
هى الفكرة فى كدا
وما تزعلش منى انا قصدى عتاب خفيف مش قصدى اجرحك والله
وكل سنة وانت طيب
اخوكم يوسف
يا جماعه العربيات الصيني بقالها في السوق فترة قليله قوي علشان نحكم عليها حلوة و لا وحشة وبصراحه معظم الاخوة اللي اشتروها بيشتكوا من حجات مستحيل تطلع في عربيه جديدة و دة عن حوالي 5 اصدقاء اشتروها
وبصراحه برضة سوابق الصين مع الشرق الاوسط مش ولابد في حاجات كتير يعني قبل ماتنزل العربيات الكوري كانت المنتجات الكوري نازله قبليها والناس كلها بتشكر فيها
لكن الصين فاهمه سوق الشرق الاوسط كويس جداااااااااا و عارفين اننا بنبقي عايزين كل حاجة وبارخص الاسعار فهما بيوفروا دة كل الامكانيات و باقل الاسعار معادله صعبة جدا اشك اوي فيها لانها اكيد علي حساب الكفائة يعني الاسبيرانزا كنسبة و تناسب مع الاخوة اللي اشتروها و الاخوة اللي اشتكوا منها نسة كبيرة اوي علي عربيه لسة جديدة
موضوع الفتيس سمعت فيه شكاوي كتير جداااا
موضوع ان العربيه خفيفه دة انا شوفته بعيني لم ركبت مع جاري و شفت الباب خفيف اد ايه ة صاج العربيه ضعيف اد ايه واوحدة جارتي عملت حادثة تعتبر جامدة بس مش لدرجه ان التوكيل يقولها total lost يعني تصليحها من التلفيات يتكلف اكترمن 70% من تمنها
موضوع الشكمان اللي بيتخرم من اقل حاجة دة شوفته مرتين مع اتينين جيراني
دة غير استغلال التوكيل فعربيه المفروض انها فئة بسيطة في الخمسينات يعني اسعار صيانتها و قطع غيارها عاليه جدا
انا رأي ان الاخوة بتمهلوا شوية لما العربيه تثبت نفسها في السوق يعني ممكن تجيب عربيه بياعه (سهله البيع يعني ) تقعد بيها 4 او 5 سنين تكون الاسبيرانزا بانت علي حقيقتها ياما عربيه كويسة و فرصةحلوة و لا مقلب تاني للشعب الغلبان دة
علي فكرة انا مجربتش لعربيه علشان ادي راي قاطع فيها لكن دة من كلام حوالي 5 معاهم العريه و بيفكروا يبيعوها
اللي اقدر اقوله ان العربيه فعلا صاجها ضعيف جداااااااا
ممكن استفسار؟
الإخوة اللي كانوا في التسعينات بيقولولك :
إوعى الكوري - دي عربيات ورق - الهيونداي لأ - الدايو لأ - حد برضه يجيب كوري
دلوقتي الكوري بقى فرخة بكشك
والناس دي دلوقتي هية نفسها اللي راكبين الكوري وهما برضه اللي بيقولو نفس الكلام عن الصيني
والله العظيم احنا شعب غريب
بصو في المنتديات وفي اقسام المقارنات بين العربيات الاسبيرانزا والهيونداي الفيرنا مثلا
الناس تقولك لأ أصل الصيني مش أمان ومانجحش في اختبارات الأمان الأوروبية
طيب ماتكلمونا على معاملات الأمان اللي في الفيرنا ولا اللانوس ولا الماتريكس ولا الالنترا ولا ولا
الناس من كلامها تحسسك إنها عربيات قمة قمم الأمان
وانا شايف انها ماتفرقش كتير عن الاسبيرانزا
وبالنسبة للتوكيلات كلها أسعارها غالية
الفرق الواضح لحد دلوقت في صالح الكوري انتشار قطع الغيار
وانا شايف ان الاسبيرانزا دلوقت ابتدت قطع غيارها تنتشر بشكل كبير
وعلى فكرة أنا معايا اسبيرانزا a516 عاملة 20000 كيلو وزي الفل في السحب (وخلي بالكو وزن العربية فاضية 1290 كجم) عشان بس محدش يتكلم عن السحب والثبات بشهادة 2 من اصحابي معاهم فيرنا وماتريكس راااااااائع
بسم اللة الرحمن الرحيم
الحمد للة العربية a 516 معايا من سنة و 8 شهور الحمد للة كويسة جدا الصاج اجمد من اى سيارة فى الفئة المماثلة سحبها كويس فى السفر ثبات كويس جدا العربية لحد دلوقت عملت بيها 80000 كيلو عيبها الوحيد من وجهة نظرى التوكيل و الصيانة بة
كلامكوا مظبوط
انا عن نفسى واحد من اللى راكبين عربيات منعدمة الامان (لانوس) يعنى حتى لو جبت بريلينس Frv اللى بـ 75000 كان زمانى راكب عربية فيها امان عالى
و دلوقتى انا مقتنع بالصينى بس مش كله
فى عربيات صينى كويسة و بقت زى الرز فى شوارعنا المكسرة و منها اللى شغال تاكسى
انا من سنة كنت بهاجم الصينى لكن لما جربت و شوفت بنفسى و مقولتش اصل واحد صاحبى مش عارف ايه كان معاه العربية و ولعت بيه و هو ماشى
المشكلة الناس بتنقل كلام و خلاص من غير حتى متجرب و لا تستفسر
انا نفسى كنت كدة لكن لو جربت بنفسى اقتنعت و شيلت من دماغى حاكية الصينى دى خالص و ايه يعنى صينى ؟
الاخوة اللى بيقرنوا العربيات الصينى بالفوانيس الصينى
معاك حق ان الفوانيس الصينى تعبانة لكن مش عارف ليه بتقارنها بالعربيات الصينى
الفانوس ممكن المستورد يطلب الخامة اللى تريحوا و طبعا هايطلب اسوء خامة
لكن العربيات مفيش حاجة اسمها اطلب خامة معينة
الوكيل ممكن يطلب يقلل من امكانيات و كماليات العربية لكم مايقدرش يقول انا عايز العربية خاماتها كذا
يعنى ابو الفتوح منزل الـ 516 بدون وسائد هوائية و هى فى بلدها بتنزل بوسائد هوائية فهى دى العملية كلها
فى عربيات صينى زى الزفت لكن برضو فى عربيات صينى كويسة
فبلاش نهاجم بدون فهم و اقتناع و خلاص
مع انى مستعد اراهن ان معظم الناس اللى بتهاجم عربياتها الجاية هاتكون صينى
و انا بأذن الله مقتنع اقتناع تام بالاسبيرانزا M11 و نازى اجيبها ان شاء الله مع انى معايا عربية كورى لكن لما اشوف عربية صينى متطورة و بها وسائل امان و صاجها جامد و اوبشن ممتازة و بسعر معقول و متفوقة على سيارتى الكورى منعدمة الاوبشن و الامان ماجبهاش ليه ؟
بما ان الموضوع فى قسم الاسبيرانزا فانا بقول ان لو ان الصينى وحش كده طيب ايه تفسيركم ان مبيعات الاسبيرانزا لسه مرتفعه لحد دلوقتى لدرجه ان استلام التيجو بيوصل ل3 و 4 شهور
و ايه تفسيركم ان الاسبرانزا نزلت تاكسى وشغاله زى الفل
كل العربيات فيها عيوب و مفيش عربيه كامله من مجاميعه
و شكرا