ما عنديش الجرأة انى اعملها .....طيب ما اجيب حاجة مضمونة مستعملة واخلص
عرض للطباعة
ما عنديش الجرأة انى اعملها .....طيب ما اجيب حاجة مضمونة مستعملة واخلص
اكيد الفلوس ايلي معانا دي احنا تعبنا فيها و بالتالي مينفعش نرميها ف الهواء يعني مينفعش اشتري عربية صيني ب 40 الف مثلا مجهولة المصدر( هافي لوبو.جيلي الفروتة. ليفان . وغيروة) لان ببساطة العربيات دي عبارة عن تكاتك بس متعدلة شوية و بعدين ممكن اي حد يفهمني انا لية هشتري عربية صيني. منظرها حلو (معاذ الله) . فخمة( اكيد لا). معمرة( ابصم ب ال10 لا) . رخيصة ( غالية علي خامتها و امكانيتها) و بعدين انا مش فاهم الاخوة ايلي بيدافعو عن الصيني بيدافعو عنة لية اة الحاجة الحلوة ايلي هما شيفنها ف العربيات الصيني و احنا مش شيفنها واة المصلحة ايلي هيحصلوها م المدافعة المستميتة عن السيارات الصينية و بعدين ي جماعة احنا لحد دلوقتي مقلقين م السيارات الكورية ايلي نجحت جدا ف امريكا و الخليج تيجو انتو بقا تكلمو عن العربيات الصيني
مواجهه الناس ديه مش فى الدماغ
شراء عربيه صينى بصفه عامه - أنا اخاف منه جدا - مش من الى سمعته عن العربيات الصينى فهى حتى الان مشاكلها مقبوله مقابل فرق السعر ( فى ظل السعر القليل بالمقارنه مع نفس الفئه من الكورى واليابانى (طبعا ما اقصدش الفئه السعريه ) )
لكن المشكله عندى فى العمر الافتراضى - يعنى فى بعد كده
كلنا وعن تجربه
اول 5 سنين للعربيه بيبقى غالبا العربيه ملهاش مصاريف كتير او مبتفتحش بقها زى ما بيقولوا فكل خوفى لما العربيات الصينى تفتح بقها هيتقفل ازاى وهل هيتقفل ولا هيفضل مفتوح
موضوع الامان كمان مهم قوى قليل فى العربيات الصينى يعنى على ما افتكر البرليانس فخر الصناعه الصينيه كانت نيجتها فى اختبار الامان الاوربى درجه واحده
اتمنى تطلع كل مخاوفى كلام فارغ عشان حرام الاف الناس الى اشتروا صينى وكل واحد فيهم تعب فى فلوسها جنيه جنيه وأنا والله ما كاره البشر عشان اتمنى الخساره ديه وخصوصا للى اشترى تاكسى ابيض عشان يأكل عليه عيش ويأكل ولاده
بس فعلا رجاء بلاش حد ينصح حد بصينى لانه ما اتجربش بصوره وافيه لغايه دلوقتى
مالك الصينى خد امكانيات اكبر بكتير من السعر الى دفعه مع مجازفه - احتمال - بأن يخسر كتير فى المستقبل
الى بيشترى العربيات الصينى - من وجهه نظرى - شخص مغامر... ممكن يكسب كتير وممكن يخسر كتير وهو فى الاخر الى هيتحمل نتيجه قراره لما يبان بعد كام سنه (ليس اقل من خمس ست سنين )
عادة لما بشوف موضوع عن التحذير من السيارات الصيني ... اشوفة و أطنش
لكن المرة دى انا حبيت المشاركة لان ردود الاخوة الكرام فيها توازن فى النقد و ليس نقد من أجل النقد أو اثبات المعرفة
و حبيت اكتب تجربتى عند شراء سيارتى الصينى اللى بواجه بيها الناس و عااااااااااادي
لما حبيت اشترى عربية دماغى وصلت لدرجة الانفجار من كثرة العيوب و التحذيرات من مبالغة في السعر او اختبارات التصادم إلي تجارب الاعضاء إلي ان اشار إلي صديق بسيارة صينى ؟؟؟؟؟؟؟؟؟؟ صينى ( زى كل الناس )
عملت بحث و وقفت ناس في الشارع و سألتهم عن ماركة معينة ..... إلي أخرة
و الصراحة كنت عايز أجيب بريليانس جالينا لكن السعر مع كمية الفتاوى و التعليقات كنت مصدر قلق لي
المهم رحت التوكيل و شفت مستوى الصيانة و قطع الغيار و المعاملة .... أتبسطت
لكن السعر في الجالينا كان قلقنى و الكل يقول دة صينى يا راجل انت فلوسك كتير ؟؟؟؟؟؟؟؟؟
المهم مسكت العصاية من الوسط و جبت موديل : اسبلندور - بريليانس بعد تجربتها مع صديق تعرفت علية
النتيجة :
- انا مستمتع بالعربية جداً و شايف ان التقفيل و كفاءة العربية + كملياتها في مقابل السعر كويسة جداً
- خدمة العملاء : جيدة جدأ مش هقول ممتازة لان دى وجهات نظر .
- انقذتني من حادثة لولا رحمة ربى ، ثم نظام الفرامل اللى اثيت جودتة فى تلك اللحظة لكان اسمي يسبقة لقب مرحوم .
- الاتزان و الفخامة و التكييف و العزم وجهات نظر .... لكن انا مبسوط ، و ناس بتسألنى وانا سايق رأيك اية بقول مبسوط من الماركة دى
الخلاصة : مش كل العربيات الصينى سيئة لكن في ماركات تختلف عن ماركات ، الكوري اول ما نزل مصر : الناسكانت بتقول كوري يااااااااا عم هو حد لاقى لة قطع غيار و يجي اية في البيجوووووووووووو ، دلوقت اللى بيلاقي عربية تقفيل كوري بيدفع اكثر من موديل السنة اللى بعدة تجميع مصري ؟؟؟؟؟ ، و نفس القصة مع اليابانى اول ما نزل .
انا بفكر اجيب الجالينا بعد فترة ... و أن كان مشكلة الركن في مصر أزمة ، و خلاصة ردى انا مبسوط مالى و مال الناس
انا لو معايه المبلغ حشتري اكس بلوجن لانها فعلا ممتازه و لي اصدقاء جابوها و بيشكرو فيها و لو بسيط حتلاقي نسبه عرضها للبيع مستعمله ضعيفه جدآ
المقلب الحقيقي فى اللادا
كانت عجباني 2110 و حالتها جيده جدآ و اتفقت مع صاحبها مع العلم ان المفرود تأفيل روسي يعني اغلى من المصري 5000 على الاقل ولكن و الحمد لله مهندس من التوكيل عرفته بالصدفه و لما سألته قال اوعي تجيبيها مشاكلها كتير فاعتزرت للراجل و تأكدت من ناس كتير بعد ذلك من عيوبها
بس دا عيب المستورد المصري مش البلد المصنعه
المستورد بيطلب التقليل من مواصفات السياره بحجه ان السعر يناسب السوق المصري
و على فكره الصيني نفس الحكايه مش في السيارات فقط
انا بسافر استورد من الصين و بشوف العجب لدرجه ان بعض الاماكن و بعض المصانع اصبحت ترفض التعامل مع المستورد المصري و بعض العرب حتى لا يسيئو الى منتجاتهم
شفت بعيني المستوردين مثلا منتج يباع ب1000 يطلب نفس المنتج شكلا و لكن ب 250 و ب500 و مش مهم الجوده و طبعآ البائع ينفذ مايطلبه و طبعآ يجي المنتج مصر و يباع على انه ب1000 و لو سافرت اى دوله اوروبيه حتلائي نفس المنتج مع فارق شاسع في الجوده
اشتريت حاجات كتير صيني من لندن و الدنمارك و استراليا غايه في الدقه و الروعه والجمال و لما تشوف نفس المنتج في مصر حتعرف الفرق و اد ايه احنا شعب بيتنصب عليه و العيب فينا احنا و في مستوردينا مش في المنتج الصيني
فيه بعض الدول العريقه مثل المانيا و اليابان لا توافق على تقليل مواصفات اي منتج و يكون منتجها واحد في كل الدول
لكن الصين غلابه و عايزين يعيشو كويس و لو رفضو اي شغل مش حيعرفو يعيشو و لكن ايضآ فيهم المصانع الكبرى اللى بتلافض تتعامل مع المصرين و بعض العرب عشان تحافظ على منتجها
ممكن اشترى ولسه النهارده بفكر فى التيجو 1600
اختيار مناسب جدا .. بجد