معلش يا باشا انا مش معاك فى موضوع الصاج ده ... انا شايف ان الكروز صاجها احسن
للعلم انا حاجز سيراتو من زمان و شكلى حغير و اجيب الكروز بعد معرفت ان الهايلاين حتنزل بزجاج كهرباء ورا و هيبقى فى تعديل فى السعر..............
عرض للطباعة
لالالا في نقطة الصاج دي انا متاكد من الي بقولة .. صاج الكيا احسن .. ولو قلنا انهم زي بعض .. انا اختار سيراتو على الاقل يا مان هتعامل مع وكيل محترم
لو من ناحية التوكيل اكيد كيا... مع انى الحركة المعمولة ده خلتنى مش طايقهم خالص مع انى عارف ان الصيانة احسن من المبيعات..
انا حاجز من شهر مايو .. كل ماروح مدير الفرع بيقنعنى اسيب السيراتو و اخد ميجان ....ههه
انا إن شاء الله على وشك احجز السيراتو و كنت عايز أقول إن المقارنة بالنسبالي محسومة جداً لصالح السيراتو .. و دة مش بس بسبب الميزات إللي الاخوة هنا وضحوها تماماً .. دة كمان بسبب حاجات كتير تبان بسيطة بس هي إلي بتخلي العربية فعلاً مريحة نفسياً لصاحبها
أنا هديكو مثال بسيط و هكتفي بيه الحقيقة .. أنا شفت العربيتان و أول ما ركبت مثلاً في الكروز ضايقني علطول مكان زراير التكييف .. اللي مستخبيه ورا الفتيس بشكل مستفز .. ديه حاجة بسيطة في نظر ناس كتير بس بالنسبالي بتديني إنطباع عن مستوى الناس إلي عملت التصميم بتاع العربية .. و بالتالي إنطباع عن العربية كلها
ذي ما قلت فيه حاجات تانية ذي كدة بس أنا هكتفي بديه و هسبكو مع صورة تابلوه الكروز عشان تشوفو بنفسكم ايه إلي أنا بتكلم عليه
ملف مرفق 5506
نقط تفوق كتير لصالح كيا
يا جماعة الكروز دى عربية فاضية خالص من الoptions مبالغ بشدة فى تمنها , يعنى 125 فاضية , طيب السيراتو اللى ب 126 فيها زيادة فتحة سقف + smart key + فرش جلد + parking sensors + جنوط 17
بعدين الكروز دى دايو نوبيرا و غيروا اسمها و سموها كروز , ليه رفعوا سعرها ل 125 فاضية؟؟؟؟؟؟
ما الاوبترا الكاملة خالص كانت بتنزل ب105 تقريبا اللى فيها airbags!!!!
هى عربية شكلا حلوة بس فعلا ناقصها كتير , ناقصها توكيل محترم فى مبيعات بتفهم تنزل العربية كاملة خالص بالزينون بكل حاجة ب 130 - 135 بالكتييييير اوى ساعتها هيبيع.
حضرتك متأكد من المعلومه دى ولا مجرد سمع ؟؟
هل فعلا هتبقى 4 زجاج كهربا وهيخفضوا سعرها ؟؟
معاك حق
بس حضرتك مش واخد بالك من حاجه
الفتيس فى الصوره على p
يعنى المفروض انت راكن مش هتشغل التكييف
وحتى لو واقف هتجيبه على n وتلعب فى الزراير براحتك
ولو ماشى طبعا على d برضه هيبقى فى مساحه كويسه
غير كل دا الصوره مقربه المسافه اوى ودا فى الواقع مش قريب اوى كدا
معاك فى كل كلمه
فاضيه من الأوبشنز - مبالغ فى سعرها - موتور أوبترا
لكن حرام تقول نوبيرا
العربيه ملهاش اى علاقه خالص بالاوبترا حتى عشان انت تقول نوبيرا
نوبيرا ايه بس
انت كدا بتظلمها زياده
you are right ya Hosam at what you said at the last point!
ياجماعة موديل 2010 كروز نازل كاملة فتحت سقف وسنسور وجنوط وكراسى جلد بجد عربية تحفة ب131 الف بس
انا لسة سال عليها انهردة
وقلولى انها احسن من السيراتو لا الكروز ماتورها المانى مش كورى
ياريت اعرف ردكوم ياجماعة فى الكلام دة