يا جماعة.. أنا كنت الاول بفكر بين الأفيو والجيتز والناس معظمها حذرتنى من الأفيو.. وبعد ما كنت استقريت على الجيتز خلاص.. شفت السيريون ال1300..
فقولولى مين أفضل من حيث كل حاجة :) وبرده هما الاتنين مانيوال..
عرض للطباعة
يا جماعة.. أنا كنت الاول بفكر بين الأفيو والجيتز والناس معظمها حذرتنى من الأفيو.. وبعد ما كنت استقريت على الجيتز خلاص.. شفت السيريون ال1300..
فقولولى مين أفضل من حيث كل حاجة :) وبرده هما الاتنين مانيوال..
هو مفيش حد ولا ايه :((
متطلباتك ايه في العربيه
يعني اولوياتك اهتماماتك
اعادة بيع
قطع غيار
معمره
اداء ماتور
وسع داخلي
عمر افتراضي
ثمنها
.......
حدد اولوياتك
أولا - أنا مشوارى طويل (المقطم للقرية الذكية وبنزل مصر الجديدة على الاقل مرتين فى الاسبوع)
ثانيا - اولوياتى فى العربية هى كالأتى:
- تكون تقفيل كويس
- التكييف يبقى جامد
- التوكيل كويس (اسعار واعتمادية)
- تكون ثابتة على السرعات العالية (بمشى دائرى والصحراوى فمش عايزة ابقى مقلقة وانا ماشية)
- استهلاك البنزين ميكونش عالى
- تكون العربية مريحة من جوه
- متكونش صينى :))
موضوع سيريون ولا جيتز ده من الحاجات اللي قتلت بحثاُ في المنتدى
شوف كدة الموضوعين دول:
http://www.nilemotors.net/Nile/3881-a.html
http://www.nilemotors.net/Nile/3270-a.html
شكرا جزيلا.. بس اللينكات اللى جوه مش عارفة أدخل عليها.. عايزة يوزر وباسورد ومش عايزة تدخلنى :((
بُص أدام ناوي تشتري عربية صغيرة ....... يبقى أيه لزمة الموتور 1600 ؟؟؟؟؟؟؟؟؟
هات سيريون ووفر البنزين ............ أدام أنت مش محتاج عربية حجمها كبير بموتور كبير
لأن الأثنين عربيتين صغيرين ..... و بالتالي السيريون تكسب في توفير البنزين .
عموما الأثنين حلوين كجودة .......
توفير بنزين سيريون أفضل .
قوة محرك .... جيتز .
ثبات الجيتز ضعيف علشان صغر حجم العربية و صغر حجم الكاوتش و قوة المحرك . لو كانت بموتور أصغر من كدا كانت هاتكون أحسن بكتير .
ربنا يوفقك إن شاء الله .
انا شايف الفيصل فى المقارنه بين الاتنين السعر واستهلاك البنزين,الجيتز موتور كبير واستهلاك بنزين اعلى فى مقابل سعر اقل من السيريون لانها كورى,السيريون يابانى بكل ما تحمل الكلمه من معانى من استهلاك بنزين اقل وتكييف قوى وسحب جيد فى مقابل سعر اغلى لانها ببساطه يبانى
بس انا عندى نقطه اخيره اقولها
انا معايا سيريون 2009 1300 ولو انا مكانك او رجع بيا الزمن تانى هجيب الجيتز,مش علشان السيريون وحشه او اقل من الجيتز فى حاجه بس علشان قطع غيار اليابانى غاليه شويه عن الكورى اللى مغرقه بلدنا وكمان حسوكه التوكيل شويتين مش اكتر لكن غير كدا السيريون بجد عربيه اكتر من ممتازه وده مش كلامى لانى احد ملاكها لكن ده كلام معظم اللى ركبوها معايا وربنا يوفقك فى اختيارك
شكرا على الرد :)
و ربنا يباركلك فيها
علي فكرة قطع غيار السيريون اغلي من الجيتز بس اعتقد معمرة اكتر فلما تحسب هتلاقي هي هي مش فارقه كتير
يمكن الجتز متوفرة اكتر
بس بصراحه السيريون تحفةةةةةةة بكل المقاييس
أنا لسة عارفة ان فلتر بنزين السيريون تكلفته 1407 جنيه من غير ال10% ضريبة مبيعات ومنغير التركيب...
الواحد محتاج يفكر أكتر من مجرد شكل وأداء... أنا اللى هوفره فى البنزين لو جبت سيريون بدل الجيتز.. هدفع أده 10 مرات فى الفلتر بتاع البنزين لوحده فى السيريون...
هههههه :] ايه ده!! :]
لا أعتقد ............... ممكن يكون قصدك ........... ماكينة ضخ البنزين ...... مش الفلتر
الفلتر بتاع البنزين ثمنه مش هايعدي 150 جنيه لو راح يمين أو شمال .
و اتأكد برضه من الأخوة أصحاب العربية في قسم دايهاتسو .
و لوبتفكر في حاجة تانية ....... قول و فيه عربيات تانية في نفس السعر أو أرخص و بمواتير متقاربة .
هو للأسف صح .. لسبب ما يعلمه سبحانه و تعالي .. فلتر البنزين في السيريون مرتبط بالعوامة و كام حاجة في الطلمبة !
و كله بيتغير مع بعضه .. كنا سألنا التوكيل من فترة لو ينفع يفصلوهم .. و لسة موصلناش رد .. يا مسهل .
انا شايف العربيتين حلوين و أي واحدة فيهم إختيار صائب حسب ميل المشتري .
اه ده كده حاجة صعبة قوى!!
أنا شايفة ان ده كتير قوى الصراحة.. كده انا هرجح كفة الجيتز تانى... بس بفكر معاها فى الكيا بيكانتو والfrv 1300 (عشان السعر)
الموضوع محير جدا
انا بتعجبنى البونتو جدا جدا عن الاتنين دول...وفنفس الوقت ارخص منهم
مستحيل مستحيل يكون الفلتر بالسعر ده
وانا اكاد اقسم
انت تقصد الطرمبه.. واكيد برضه العوامه معاها لآن الطرمبه لوحدها مش ممكن توصل لنص المبلغ ده
والطرمبه دى لا تتغير فى الصيانات! دى حاجه دايمه لا تتغير الا لما تبوظ.. وبتبقى مره واحده (بالكتير) فى عمر اى عربيه يابانى محترمه