اخبار سعيدة لبروتون في التقرير السنوي - ارباح - موديلين جداد - شكل جديد للبرسونا <><>

**CryptonX** · 31-08-2009 12:58 PM

اعلنت بروتون في تقريرها السنوي , عن زيادة ارباح الشركة هذه السنة بنسبة 8% عن السنة السابقة و ترجع تلك الارباح بنسبة كبيرة الي طرح السيارة الجديدة exora في ماليزيا و بعض دول اسيا .

بالنسبة لمشاريع الشركة لسنة 2010 , بروتون تريد ان تركز علي " مصانع تجميع " بروتون في الخارج اكثر من تصدير السيارات كاملة و لتزويد فرص منافستها في الخارج .

* بالنسبة للسيارات الجديدة , فهناك سيارة جديدة " كليا " ناس كتير في ماليزيا بترجح انها حتكون مبنية على الانسر " الشارك " الحالية و حتكون طبعا في الوضع ده حتهدد الواجا بالانقراض يا اما حتكون الجين3 ولو اني اعتقد انها حتكون الواجا الجديدة كليا ( شوهدت لانسر شارك ترتدي اكصدام مش بتاعها قريبا من مصانع بروتون ) .

* في سيارة اخرى صغير بمحرك موفر و سعر اقتصادي سوف تستبدل بها " الساافي " كليا .

* و هناك " facelift " جديد للبرسونا في اواخر سنة 2009 حيكون جاهز للتصنيع , كمان كام شهر يعني حنشوف برسونا جديدة نسبيا .

* مشروع phoenix مع lotus و هو جيل جديد من المحركات و الناقلات الي شكلها كدة حتحل محل campro في منتصف 2010 .

* مشاريع سيارات كهربائية .

**XXXMEMOXXX** · 31-08-2009 01:48 PM

اخبار تفرح
بس موضوع المواتير اللي هتكون بدل campro هينزل في موديلات 2010 ولا لسه مشروع تحت البحث؟؟

**gen** · 31-08-2009 02:10 PM

اكيد لا هوة بيقولك حيبدأوا فيها فى نص 2010 يعنى موديل 2010 حينزل عادى بالكامبرو

**fadynabil** · 31-08-2009 02:28 PM

عاوزين صور يا شباب ... شجعونا عشان نغير

**eslam_wega** · 31-08-2009 02:40 PM

مفيش اى معلومات عن جين 3 دى ؟

**XXXMEMOXXX** · 31-08-2009 03:01 PM

طيب في معرض بيقولي هيجبلي جين 2 موديل 2009 على 85 الف اشتريها ولا استنى موديل 2010 ؟؟
يعني هيكون في فرق يستحق الانتظار ولا لا؟ مع العلم اني محتجها الان

**CryptonX** · 31-08-2009 03:09 PM

ياجماعة متسبقوش الاحداث .

تحليل سريع للتقرير ده :

الحاجة الوحيدة الي قريبة جدا انها تنزل هي ال facelift للبرسونا و دي حيبدا ينزل في ماليزيا في اول 2010 يعني علي نصف 2010 عندنا .

الجين3 دي من توقعات المالزيين , ممكن تنزل باسم تاني خالص ممكن تكون بديلة الواجا ممكن تنزل باسم ويرا .. انما الجين 2 مش حتتلغي او تتوقف .. حتفضل مستمرة الا مالم يعلنوا عن ذلك .

مفيش اي صور للاسف ده التقرير السنوي الي بروتون بتنزله علي موقعها وفي مالزيا .

--

المحركات دي مشوارها طوية شوية يعني معتقدش انها حتطبق قبل نهاية 2010 اوائل 2011 .

محدش يستني يعني :) الي عايز يشتري يشتري دلوقتي مش فارقة بالنسبة للجين 2 .

بالنسبة للبرسونا استنى شوية ممكن يكون ال facelift يخليها احلى كمان ,, بس في نفس الوقت ممكن يكون اوش زي الواجا الي نزل مؤخرا بصراحة بفضل الشكل القديم عنها .