حد يعرف محل ملابس اطفال كويس ؟؟

**أبومعاذ** · 02-09-2009 10:56 AM

المشاركة الأصلية كتبت بواسطة karimabulela

كارفور كمان ساعات بينزل ملابس اطفال فى الفئة العمرية ديه باسعار جيدة جدا و خامات جيدة

كارفور اسعار ملابس الاطفال عنده بالنسبة لخامتها غالية جدا

**أبومعاذ** · 02-09-2009 10:59 AM

المشاركة الأصلية كتبت بواسطة el.hossieny

فين مسجد الخلفاء بالظبط ؟

مسجد الخلفاء اللي في شارع الحجاز ونت جاي من روكسي بعد المريلاند مباشرة

**El.Hossieny** · 12-09-2009 02:18 PM

المشاركة الأصلية كتبت بواسطة mohamed_kta

انا بأفضل أروح المنطقة الصناعية فى 6 أكتوبر فيه هناك كونكريت لو أولادك سنتين فيما فوق و فيه أكتر من مكان هناك يعنى منافذ بيع لمصانع و كمان فيه محل غالى شويتين لكن عنده حاجات جميله فى ش قصر النيل اسمه عرفه و دجانى و كل عام و أنتم بخير

ربنا يخليك يا محمد باشا .... بس انا قصدي البيبيهات اقل من 6 شهور ..... و كل عام و انت بخير

**El.Hossieny** · 01-11-2009 04:23 PM

ايه يا جماعة محدش ناوي يشتري هدوم الشتا ؟؟؟

**Ahmed Selim** · 01-11-2009 05:39 PM

مفيش غير المحلات اللى قالولك عليها هى المشهورة والمعروفة

لهدوم البيت والهدوم الداخلية الصياد جامد جداً و ليه 3 محلات فى نفس الشارع
لهدوم الخروج....لو عاوز غالى عندك سيتى ستارز.....هتلاقى مازر كير و محلات تانية كتير أسمائها معقدة كده
لو عاوز غالى + نص نص يبقى أور كيدز و لوفلى و بيبى كير ( مش متأكد من أخر أسم بس هو تانى أو تالت يمين و أنت داخل عباس العقاد من طريق النصر )
لو عاوز معقول أو رخيص هتلاقى فى الصياد برضه بس مش كتير و هتلاقى فى رشا و رندا عباس العقاد و فى كذا محل فى روكسى.

**goge** · 01-11-2009 06:31 PM

السلام عليكم و رحمة الله
اولا بارك الله فى مولودك الذى رزقك الله به
ثانيا اذا كنت عايز تشترى ملابس لطفلك فلازم تحدد اولا انت عايز ايه لان ممكن تجيب كله من مكان واحد بس هنا هتفرق ان اى شئ هيبيعه رخيص ليك هيعوض الفرق فى شئ اخر
علشان كده لو انت عايز تشترى الملابس الداخلية من اقطان و ملابس للبيت فعليك و المحلات الكبيرة زى التوحيد و النور او عمر افندى بس اسأل على ماركة بيبى جونيور فاشون لانها افضل نوع فى الملابس الداخلية و ما شاء الله فى اطقم داخلية انا اشترتها لبنتى من سنتين و ما زالت بحالتها و بتستعملها الى الان و جربت انواع تانية بس ده كان افضل نوع الحمد لله
اما بالنسبة لملابس الخروج من سالبيوتات فهناك اكتر من محل فى عباس العقاد و اسعارهم حلوة و ارخص من المحل مامى اند مى اللى امام مستشفى الخلفاء الراشدين فى مصر الجديدة هو المحل ده كويس بس اسعاره غالية فعلا
و ان كانت منتجاته للحق بتعيش و مش بتدوب و لا لونها بيتغير ده عن تجربة بس لو هشترى منه يبقى يفضل فى فترة اوكازيون
محلات لفلى رائعة بس ليهم نفس نظرية مامى اند مى و اكتر شويتين
نسيت اقولك لو انت هتشترى سالوبيت ياريت ميكونيش مقفول من القدمين لانه بعد شهر او اقل ممكن متعرفش تلبسه للبيبى تانى هاته مفتوح و نقى له شراب او حذاء صغير يليق عليه
مبروووووووووووووووووووووو ووووووووووووووك