كل سنة و كل اعضاء نايل موتورز بالف صحة و عافية ..و رمضان كريم :
انا كنت عايز اسال يا جماعة لو حد يعرف محل يكون بيبيع ملابس اطفال ( 3 شهور او 6 شهور ...... ) بالقرب من مصر الجديدة او مدينة نصر بس يكون موديلاتة كويسة و اسعارة مناسبة ؟؟
الف شكر مقدما
عرض للطباعة
كل سنة و كل اعضاء نايل موتورز بالف صحة و عافية ..و رمضان كريم :
انا كنت عايز اسال يا جماعة لو حد يعرف محل يكون بيبيع ملابس اطفال ( 3 شهور او 6 شهور ...... ) بالقرب من مصر الجديدة او مدينة نصر بس يكون موديلاتة كويسة و اسعارة مناسبة ؟؟
الف شكر مقدما
مبروك ما جالك
فروكسى جنب بنزينه مصر للبترول
لو نزلت وسط البلد فى شاعر 26 يوليو اكثر من من محل
الله يبارك فيك يا محمد بيه ..... و كل سنة و انت طيب
و بفكرك باللي كنت موصيك عليه :biggrin2:
انا منسيتش والله
وانت بالصحه والسلامة
ياصديقى العزيز
يا سلام بقى لو واحد في مدينة نصر يبقى لووووووز
متابع باهتمام
فى سيتى ستارز فية محل جامد جدا واسعارة متوسطة (بس بجد خامات تحفة ومش ممكن تضر الاطفال خاصة مع البلل) اسمة just 4 kids
في روكسي 3-4 محلات جنب بعض و اسعارهم معقولة و ممتازة خصوصا للبناتي
علي ايدك اليمين و ظهرك لإشارة روكسي - جسر السويس
قدام مسجد الخلفاء محل mummy and me
حاجات جميلة بس غالية شوية
شيراتون
شارع سيد زكريا خليل
الصياد ..... كل الاقطان اللي هتحتاجها (فانلات او سالوبت او فوط او فساتين او بيجامات او ملايات...... ) عنده و خامات نضيفة و اسعار رائعة
اقتباس:
المشاركة الأصلية كتبت بواسطة eng.octooo
يا ريت لو تقولي فين بالظبط في ستي ستارز ؟
فين مسجد الخلفاء بالظبط ؟اقتباس:
المشاركة الأصلية كتبت بواسطة أبومريم
حضرتك تقصد مساكن شيراتون ؟؟اقتباس:
المشاركة الأصلية كتبت بواسطة أحمد كمال
و فيبن تحديدا ؟؟
اقتباس:
المشاركة الأصلية كتبت بواسطة el.hossieny
أيون مساكن شيراتون
شارع سيد زكريا خليل ده الشارع الرئيسي
اللي هو و انت في صلاح سالم تكسر يمين بعد الأوتيل هو ده الشارع
اللي فيه النساجون و كده
امشي لاخر الشارع اوصل لحد المسجد و لف و ارجع
هتلاقيه على يمينك بعد ما تلف و ترجع بحوالي 100 متر ..... و لو ما لقيتوش اسال و 100000000000 واحد يدلك
محل محترم جدا و اقطانه نضيفة و حلوة و شيك و رخيصة
امتداد مكرم عبيد قدام عمر افندي اللي جنب السراج مول في محلين كيدز راك و شيلد مول دول كويسيين اوي و في كمان ناحيه التوحيد و النور مكرم عبيد محل تاني اسمه lovley. دة برضة ظريف
في our kids اللي في آخر مصطفى النحاس. أسعارة كويسة
Welcome to OurKids!
الف شكر يا جماعة ليكم كلكم ... يا تري حد فيكم ممكن يقولي ايه رنج الاسعار في اي محل من دول ؟؟
فى محل حلو اوىاوى اسمه lovely بس دا فى المعادى.. وبصراحة تحفة
انا اساسا بروح المعادي كتير ... يا ريت لو تقولي فين في المعادي و اخبار اسعارة ايه ؟؟
3-6 شهور عليك وعلى الصياد
و التوحيد و النور فانلات داخلى عشان تجيب عدد كويس نوع كويس
على فكره المحلات ده وخصوصا الي في ستي ستارز انا رحتهم , فيهم حاجات تحفه بس غالي نوعا ما على الاقل عليا انا
انا ممكن انصحك بمحل " ريموندس " مشهور وماركات , وعنده موديلات حلوه وعلى طول بيغير موديلاته
ورنج الاسعار
سلوبت جينز 40
تيشرتات 7 شهور تقريبا ممكن اقل برده بحوالي 20 - 35
في عنده بناطيل حلوه وخامات نضيفة " جابردين , وجينز , وقطن " البنطلون تقريبا 30 جنيه
- وعنده ملابس داخليه قطن واسعارها تحفه , ده غير البافتات والطواقي ...........
- المكان في روكسي , اخر شارع ميدان الجامع من ناحية شريط الترام او الميترو
محل لافلى فى مكرم عبيد قبل شريط المترو وانت جاى من طريق النصر
كارفور كمان ساعات بينزل ملابس اطفال فى الفئة العمرية ديه باسعار جيدة جدا و خامات جيدة
كارفور اسعار ملابس الاطفال عنده بالنسبة لخامتها غالية جدااقتباس:
المشاركة الأصلية كتبت بواسطة karimabulela
مسجد الخلفاء اللي في شارع الحجاز ونت جاي من روكسي بعد المريلاند مباشرةاقتباس:
المشاركة الأصلية كتبت بواسطة el.hossieny
ايه يا جماعة ... محدش نزل يشتري هدوم العيد بتاعت الاطفال و لا ايه ؟؟؟ :049:
انا بأفضل أروح المنطقة الصناعية فى 6 أكتوبر فيه هناك كونكريت لو أولادك سنتين فيما فوق و فيه أكتر من مكان هناك يعنى منافذ بيع لمصانع و كمان فيه محل غالى شويتين لكن عنده حاجات جميله فى ش قصر النيل اسمه عرفه و دجانى و كل عام و أنتم بخير
ربنا يخليك يا محمد باشا .... بس انا قصدي البيبيهات اقل من 6 شهور ..... و كل عام و انت بخيراقتباس:
المشاركة الأصلية كتبت بواسطة mohamed_kta
ايه يا جماعة محدش ناوي يشتري هدوم الشتا ؟؟؟ :whtauwant:
مفيش غير المحلات اللى قالولك عليها هى المشهورة والمعروفة
لهدوم البيت والهدوم الداخلية الصياد جامد جداً و ليه 3 محلات فى نفس الشارع
لهدوم الخروج....لو عاوز غالى عندك سيتى ستارز.....هتلاقى مازر كير و محلات تانية كتير أسمائها معقدة كده
لو عاوز غالى + نص نص يبقى أور كيدز و لوفلى و بيبى كير ( مش متأكد من أخر أسم بس هو تانى أو تالت يمين و أنت داخل عباس العقاد من طريق النصر )
لو عاوز معقول أو رخيص هتلاقى فى الصياد برضه بس مش كتير و هتلاقى فى رشا و رندا عباس العقاد و فى كذا محل فى روكسى.
و الله يا احمد باشا انت لخصت الموضوع كله في مشاركتك دي ... الف شكر ليك يا باشا ؟؟ و شكلك عندك خبرة :)اقتباس:
المشاركة الأصلية كتبت بواسطة ahmed a.maksoud
علي فكرة يا باشا احنا جيران لاني ساكن جنبك في الماظة ... انت فين في مدينة نصر ؟؟؟
السلام عليكم و رحمة الله
اولا بارك الله فى مولودك الذى رزقك الله به
ثانيا اذا كنت عايز تشترى ملابس لطفلك فلازم تحدد اولا انت عايز ايه لان ممكن تجيب كله من مكان واحد بس هنا هتفرق ان اى شئ هيبيعه رخيص ليك هيعوض الفرق فى شئ اخر
علشان كده لو انت عايز تشترى الملابس الداخلية من اقطان و ملابس للبيت فعليك و المحلات الكبيرة زى التوحيد و النور او عمر افندى بس اسأل على ماركة بيبى جونيور فاشون لانها افضل نوع فى الملابس الداخلية و ما شاء الله فى اطقم داخلية انا اشترتها لبنتى من سنتين و ما زالت بحالتها و بتستعملها الى الان و جربت انواع تانية بس ده كان افضل نوع الحمد لله
اما بالنسبة لملابس الخروج من سالبيوتات فهناك اكتر من محل فى عباس العقاد و اسعارهم حلوة و ارخص من المحل مامى اند مى اللى امام مستشفى الخلفاء الراشدين فى مصر الجديدة هو المحل ده كويس بس اسعاره غالية فعلا
و ان كانت منتجاته للحق بتعيش و مش بتدوب و لا لونها بيتغير ده عن تجربة بس لو هشترى منه يبقى يفضل فى فترة اوكازيون
محلات لفلى رائعة بس ليهم نفس نظرية مامى اند مى و اكتر شويتين
نسيت اقولك لو انت هتشترى سالوبيت ياريت ميكونيش مقفول من القدمين لانه بعد شهر او اقل ممكن متعرفش تلبسه للبيبى تانى هاته مفتوح و نقى له شراب او حذاء صغير يليق عليه
مبروووووووووووووووووووووو ووووووووووووووك:030104_emM7_prv:
الف شكر ليك يا باشا علي نصايحك الهايلة و المفيدة اكييييييييييد :)
الله يكرمك يا باشا.....ده بس من ذوقكاقتباس:
المشاركة الأصلية كتبت بواسطة el.hossieny
أنا ساكن فى الحى التاسع..........عند الشهر العقارى لسوق السيارات.
شباب ... حد يعرف ماركات جونيور بتتباع فين ؟؟؟
ماركات بيبى جونيور بتباع فى كل محلات التوحيد و النور و اعتقد فى محل تبعهم فى وسط البلد بس للاسف مش فاكرة مكانه
بيبي جونيور بتتباع في Our Kids في فرعيه في مدينة نصر و المهندسين