الموضوع: ما هى المدينة المصرية الاكثر إحتراما للمرور

أنا بأشكر الأستاذ أحمد نوح على توضيح وجهة نظره بطريقة محترمة .... و لو حد زعلان من الوصف الحقيقي للواقع اللي أحنا بنعيشه بأعتذرله
و أنا عمري ما بأشتم حد .,,,,,,,, هو وصف الواقع ..... أصبح شتيمة ؟؟؟؟؟؟؟؟؟؟؟؟؟؟؟؟؟


بأشكر الأستاذ هيومان ...... و الأستاذ محمد طه .....و الأستاذ مادو .... بارك الله لكما في ردودكم و أحترامكم لي و لكافة أعضاء المنتدى .
و كل عام و أنتم بخير و ربنا يبارك لكم

الواقع المصري بيقول أننا دولة من دول العالم الثالث ...... ينتشر بها الجهل ...... و تقل نسبة التعليم و الوعي النظامي و الوعي الحضاري .

هل وصف الحال هذا أصبح شتيمة ؟؟؟؟؟

هل وصف كسر الأشارات و المرور الهمجي ........ أصبح شتيمة ........

أصبحنا كالنعام .......... نريد أن ندفن رؤسنا في الرمال .........

و متزعلوش يا جدعان .................................................. .................. مصر حضارة 7000 سنة و أحنا معندناش أي مشاكل و كله تمام و الناس تمام و تلاقيهم واقفين طوابير في المترو بكل أحترام و محدش بيحاول يدخل أدام حد .
و كمان الناس لما تروح محل و تكون واقف بتكلم البياع ....... عمرك ما تلاقي واحد مصري دخل عليك و قطع الحوار علشان يسأل على حاجة .

و كمان في الشارع ...... يا سلام الأشارة بتكون حمراء ..... و الناس كلها بتقف و محدش بيزمر ..... و العربيات بتقف علشان تعدي المشاة و محدش بيزمر خالص .......

و الشباب ماشاء الله عليه محدش بيشد بالعربيات على الدائري و يعمل دريفتات في وسط الشارع .... شباب فالح فعلا .

الظاهر أني مشفتش كل المميزات دي في بلدنا مصر صاحبة الحضارة أم 7000 سنة
يمكن أتعميت في نظري أو بصرتي .........


أنا بتأسف تاني يا جماعة أني أتكلمت و قلت حاجة أنا شايفها في البلد ....... ( شفتها غلط صحيح ما الدنيا ماشية تمام و مفيش أي مشاكل .)

و كل عام و الجميع بخير و رمضان كريم .

المشاركة الأصلية كتبت بواسطة mtak

على فكرة انا لن اجيب و انما سأترك لكم الاجابة
الالتزام بكل معانيه المعنويه او الماديه "مرورى او غيره "
هو نتاج تربيه و حاجات تانيه بتكون حاجه اسمها ثقافه
و جمعها ثقافة الشعب
"انت ملتزم و 1000000 غير ملتزم"
يبقى المحصلة النهائية ايه

لا ادعو للتشاؤم و جلد الذات
و لكنها ثقافه شعب
و بدورى اوجه السؤال
هل لدينا ثقافة شعب ملتزم
بالتأكيد عندنا ثقافة و لكنى لا اريد ان اقولها
كلنا عارفينها
---

الحمد لله أن لسه فيه ناس في البلد مش عايزة تدفن رأسها في الرمال و تخبي الحقائق .
شكرا لإبداء وجهة نظرا يا أستاذ محمد ..... حضرتك راجل محترم و ربنا يباركلك .

انا اسكن فى السويس و الحال من سئ الى ............
----
ربنا يصلح الحال إن شاء الله و نحاول كشعب نطور من نفسنا ..........
الاعضاء الكرام التى لم يعجبها كلام اخونا توت
اقول لهم
عندكم بعض الحق
و لكنكم ممكن لم تخوضوا تجربته الحياتيه
"لا اجزم انى اعرفها و لكنى استشفتها من كتاباته
و بالمناسبة لا اعرفه شخصيا و لكن اكن له كل احترام و تبجيل لشخصه و فكره"
و ممكن لو كنتم مكانه لقلتم اضعاف ما قاله
رمضان كريم

لتاني أو تالت مرة بأشكر حضرتك على رد غيبتي ...... و محاولة أظهار ما أفكر فيه أو أشعر به من مرارة لحال البلد اللي بعض الناس مش بتستشفها من كلامي أو مداخلاتي .
و شكرا مرة تانية و لي عظيم الشرف أن إنسان محترم زي حضرتك بتحب طريقة تفكيري و بتحترمها .. و ده نابع من التواصل الفكري و التقارب الفكري ....... ربنا يكرمك و رمضان كريم
و شكرمرة أخرى .على هذا الأحترام .

المشاركة الأصلية كتبت بواسطة human12

يا ريت حضرتك تقولي ازاي اهاجر
او قوللي ازاي تلاقي شغل بره بعيد عن بتوع النفط
طالما حضرتك شايف ان ارض الله واسعه وان الحكايه سهله كده

و يا ريت تيجي معايا مره لمدينه السلام عشان تدعوهم بالحسني لاحترام القانون

ولا بلاش اقولك تعالي للبلديه وهمه بيضربوا الجائلين و ياخدو البضاعه عايزك تقولهم بآضعف الايمان ان كده غلط

ولا اقولك تعالي نروح مرور بتاع التراخيص وقول للموظف اللي بتشوفه بياخد فلوس ان ديه رشوه وحرام و ادعوه بالحسني

ولا اقول للي بقالوا 30 سنه و جاي ليه يقول ثمار التنميه و ماحدش واخد باله ان الشجره بقت بور 30 سنه وليه مافيش ثمار

و بعدين سيبوا يشتم يمكن حد يحس باللي حاسس بيه
فمرتني بمحمد صبحي .. العيش والعيشه وللي عايشنها

يا حضرت احنا بلد المسؤلين فيها بيحسبوا الناس اللي تحت الفقر اللي بياخزوا اققل من 150 جنيه في الشهر مش اليوم

سيبوا و سيب اللي قرفان يتكلم مش معقول كمان مش عارفين نتكلم

الحته ديه مش صباع ولا ايد
الحته ديه اللي خلت شاهين يقول بحبها بشده وعنف وعلس استحياء بحبحها برقه وعنف وعلي استحياء وا كرهها والعن ابوها بعشق زي الداء

بلاش مزايده

عايز تحس بالعجز ا
فكر في ناس بتموت كل يوم من الاهمال وانت مش عارف تعمل ايه وحاسس ان كل واحد بيموت ربنا هيسئلك عليه
فكر في الناس اللي محشوره في مواصلات غير ادميه وانت مش قادر تغير منها
فكر ان انت لو زردت في الاعتراض ممكن مصيرك يكون فيديو علي اليوتيوب
فكر فبتوع الدويقه
فكر فبتوع العباره 1400 واحد ماتو واحنا هللنا عشان بطوله افريقيا
فكر في اولادك لو فكرت انك تتهور وتقول كفايه بقي

يا عم متقلبش عليا المواجع
انت ماحستش ان رجولتك اتخدت منك لما غيروا الماده 76 غصب عن مصر كاها
مابتحسش انك مالكش قيمه الا لو معاك فلوس الحمد لله مستوره بس الناس التانيه يعملوا ايه
شويه الفلوس اللي بياخدوعا زكي وتبرع هتعمل ايه غي مجتمع غقد اهليته

وحدوا الله

يسلم فُمك يا أستاذ هيومان .................. و ربنا يباركلك و شكرا على التواصل الجميل ده و توضيح حقائق بعض الأمور
شكرا لك مرة أخرى على المداخلة التوضيحية دي .
رمضان كريم عليك و على أسرتك و ربنا يهدي الناس جميعا إلى ما يُحب و يرضى .


و مرة تانية كل عام و الجميع بخير .

مرسي مطروح

أنضف مرور مدينة سنغافورة

لا يــــــوجــــــــد

راى الجمهور واضح
والصديق مزنوق فى اشارة مرور


ممكن نحذف اجابتين ؟
ههههههههههههههههههههههههه هههه