ما هى المدينة المصرية الاكثر إحتراما للمرور

**egyptianmafia** · 02-09-2009 10:08 PM

to be it would be Sharm El Sheikh and Hurghada...

and anywhere inside a compound or masyaf....lol

**amrico** · 03-09-2009 01:54 AM

رجاء حار من الأخوة اللي اختاروا المنصورة انهم يوضحوا اسبابهم لأني مش لاقي حتى نص سبب يخلي حد يفكر فيها ويمكن انا مش واخد بالي من حاجة هم واخدين بالهم منها برجاء التوضيح
انا اخترت اخرى عشان اكيد المدينة دي مش في مصر

**M.Osman** · 03-09-2009 02:02 AM

رجاء حار من الأخوة اللي اختاروا المنصورة انهم يوضحوا اسبابهم لأني مش لاقي حتى نص سبب يخلي حد يفكر فيها ويمكن انا مش واخد بالي من حاجة هم واخدين بالهم منها برجاء التوضيح
انا اخترت اخرى عشان اكيد المدينة دي مش في مصر

+1

بجد يا جماعه ... 7 اختاروا المنصورة!!
بجد ان عايز اعرف ازاي؟

انا مفيش متر في المنصورة بيحسسني ان في إدارة مرور اصلاً في البلد دي ...

**Sharky** · 03-09-2009 02:17 AM

المشاركة الأصلية كتبت بواسطة amrico

رجاء حار من الأخوة اللي اختاروا المنصورة انهم يوضحوا اسبابهم لأني مش لاقي حتى نص سبب يخلي حد يفكر فيها ويمكن انا مش واخد بالي من حاجة هم واخدين بالهم منها برجاء التوضيح
انا اخترت اخرى عشان اكيد المدينة دي مش في مصر

متفق معاك تماما من تجربتى لها تعتبر هى و القاهرة من أسوء محافظات مصر مروريا
فى المقابل أرى ان مدن القناة تعتبر من أفضل مدن مصر مروريا

**amrico** · 03-09-2009 02:37 AM

المشاركة الأصلية كتبت بواسطة successcre8or

+1

بجد يا جماعه ... 7 اختاروا المنصورة!!
بجد ان عايز اعرف ازاي؟

انا مفيش متر في المنصورة بيحسسني ان في إدارة مرور اصلاً في البلد دي ...

لأ في مرور اكتر من اي مدينة تانية بس عشان المخالفات بس و(التفتفة) بلغة امناء الشرطة
مثلا طنطا واخدة 0 في الاستفتاء رغم انها احسن من المنصورة مروريا على الاقل فيها اشارات مرور شغالة والناس بتحترمها شوية وعلى فكرة انا من المنصورة ومش معنى كلامي ان طنطا كويسة في المرور برضه المرور فيها ماشي بالجدعنة، انما المنصورة فيها اشارة مرور واحدة بس طبعا بالقرب من المحافظة في طريق السيد الفاضل اللواء الوزير الأب الإنسان وبس وكمان اخر مرة كنت هناك مكانش العداد الرقمي شغال والناس بتمشي على اشارات ايد العساكر اللي واقفين، وطبعا بالليل مفيش عساكر وطبعا البقاء للأسرع اللي يعدي لأن طبعا الناس لازم تاخد بالجزمة على دماغها عشان تلتزم ومن غير جزمة مفيش التزام.

المشاركة الأصلية كتبت بواسطة sharky

متفق معاك تماما من تجربتى لها تعتبر هى و القاهرة من أسوء محافظات مصر مروريا
فى المقابل أرى ان مدن القناة تعتبر من أفضل مدن مصر مروريا

اكيد حضرتك كنت بتعاني من الإتجاهات العجيبة للشوارع والمسافات الكبيرة اللي لازم تمشيها عشان تروح مشوار ممكن تاخده في ثواني لو عديت الشارع على رجليك دا غير طبعا بتوع الخردة المسماة بالميني باص (دراسااااااات دراسااااااات - سندوووووووووووووب سندوووووووووووووب)
لنا الله
على فكرة انا برتاح في السواقة في القاهرة اكتر من المنصورة

**ابوهاشم** · 03-09-2009 05:08 AM

انا كنت نزلت كفر الشيخ كام مره
بصراحه احترام المرور هناك فوق الوصف
والغريبه ان تعريفة التاكسى هناك جنيه واحد
لاى مشوار وعربيات زيرو
ومافيش اى سائق يتجاوز حدوده فى التعريفة دى
انا معاكم ان المدينه هناك صغيره
لكن هاتلى تاكسى هنا فى القاهره
ممكن ياخد منك جنيه على اى مشوار مهما كان صغير

**ashraf229** · 03-09-2009 12:53 PM

المنصورة خارج المنافسة!!!!!!!!

يمكن أختاروها على أساس أسوء مرور في مصر مش أفضل فهموا غلط يعني!!!!!

ده انا عمري ما نزلت هناك الا اما حسيت كل دقيقة ان السواقة بالدراع و اللي يسبق

سرعة و رعونة و كل واحد ماشي بمزاجه و مستغبي كل اللي حواليه

ربنا يهدي