Suzuki Jimny

**Socrates** · 31-08-2009 03:11 PM

مساء الفل
كنت عايز أعرف رأيكم في العربية الجيمني
بفكر فيها لزوجتي
العربية 1300cc وده ميزة لأن مشوار زوجتي لشغلها كبير نسبياً وجوه القاهرة يعني مش محتاجة تمشي على سرعة كبيرة + أنه مش مشوار طوالي فأعتقد أن أستهلاك البنزين للعربية ديه هيكون معقول
العربية كمان أوتوماتيك فده هيسهل عليها السواقة وسط البلد بدل التبديل الكتير للمانوال
العربية اللي قصادها بنفس السعر هي الديهاتسو سيريون 1300cc أوتوماتيك تقريباً نفس المميزات + أن موتورها أشد من الجيمني بس المدام حابه شكل الجيمني عن السيريون
مشكلتي الوحيدة مع الجيمني هي البابين بحس أنها تخنق + لما قعدت فيها حسيت أن كراسيها ناشفة شوية
أنا ماسوقتهاش خالص ولما سألت إذا كان ممكن أعمل تست درايف إتقالي أنه مفيش
فلو حد يعرف عنها معلومات أكتر ياريت يفيدني
شكراً

**Ahmed.TV** · 31-08-2009 03:49 PM

خاليك فى السيريون افضل وعربية ممتازة جدااا

**hatim_lotfey** · 02-09-2009 09:24 PM

وسعرها وصل كام دلوقت؟

**Socrates** · 03-09-2009 02:16 PM

90 ألف جميع الكماليات الأوتوماتيك وهو ده الموديل الوحيد

**Eng.Sameh** · 03-09-2009 02:28 PM

مش عارف عاجبة المدام في ايه .. دي حتى شكلها رخم قوي ..

والسيريون مناسبة جدا لسيدة بالذات وبتليق قوي على الستات .. بالذات لو لون فريحي كده وفاتح ..

حاول تقنعها بالسيريون احسن

**Socrates** · 03-09-2009 04:05 PM

المشاركة الأصلية كتبت بواسطة justs

حاول تقنعها بالسيريون احسن

أقنعها !!
حضرتك متجوز؟
أصلك لو متجوز وقدرت تقنع مراتك في أي موضوع فأنا لازم أرفعلك القبعة

مش عارف ليه أفتكرت النكتة بتاعة الصعيدي اللي لقا مصباح فيه جني دعك المصباح طلعله الجني وقاله تطلب أيه؟ الصعيدي فكر وقاله عايز كوبري من مصر لأمريكا الجني قاله ده طلب مستحيل شوف طلب تاني الصعيدي فكر وقاله طيب عندي شقة في الهرم وشقة في مصر الجديدة وعايز أفتحهم على بعض الجني قاله طيب تحب الكوبري حارة ولا حارتين

طبعاً اللي فات تهريج
الجد بقى
الجيمني فيها شبه من الشيروكي الجديدة أينعم أنا مش عاجبني بس هي عاجبها وأنا مش شايف أن ده عيب فيها
ديه مسألة أزواق
أنا حاولت فعلاً أقولها أن السيريون فيها مميزات عن الجيمني بس هي مش شايفه عيوب في الجيمني فا مش فارق معاها مميزات السيريون
والصراحة أنا كمان مش عارف أقولها على عيوب لأني مش عارفها
عشان كده أنا بسأل عشان حد يفيدني
أنا قريت عنها شوية على النت بالأنجليزي
اللي عندهم العربية عجباهم خصوصاً ان بره بيروحوا مخيمات وأماكن إلي حد ما مابتكنش ممهدة فالناس أنطباعهم أنها معقولة جداً بالنسبة لسعرها مش أعظم حاجة بس معقولة جداً
مش شايف عيب واضح ياريت لو حد عارف عنها حاجة يفيدني

**Eng.Sameh** · 03-09-2009 07:07 PM

المشاركة الأصلية كتبت بواسطة Socrates

أقنعها !!
حضرتك متجوز؟
أصلك لو متجوز وقدرت تقنع مراتك في أي موضوع فأنا لازم أرفعلك القبعة

مش عارف ليه أفتكرت النكتة بتاعة الصعيدي اللي لقا مصباح فيه جني دعك المصباح طلعله الجني وقاله تطلب أيه؟ الصعيدي فكر وقاله عايز كوبري من مصر لأمريكا الجني قاله ده طلب مستحيل شوف طلب تاني الصعيدي فكر وقاله طيب عندي شقة في الهرم وشقة في مصر الجديدة وعايز أفتحهم على بعض الجني قاله طيب تحب الكوبري حارة ولا حارتين

طبعاً اللي فات تهريج
الجد بقى
الجيمني فيها شبه من الشيروكي الجديدة أينعم أنا مش عاجبني بس هي عاجبها وأنا مش شايف أن ده عيب فيها
ديه مسألة أزواق
أنا حاولت فعلاً أقولها أن السيريون فيها مميزات عن الجيمني بس هي مش شايفه عيوب في الجيمني فا مش فارق معاها مميزات السيريون
والصراحة أنا كمان مش عارف أقولها على عيوب لأني مش عارفها
عشان كده أنا بسأل عشان حد يفيدني
أنا قريت عنها شوية على النت بالأنجليزي
اللي عندهم العربية عجباهم خصوصاً ان بره بيروحوا مخيمات وأماكن إلي حد ما مابتكنش ممهدة فالناس أنطباعهم أنها معقولة جداً بالنسبة لسعرها مش أعظم حاجة بس معقولة جداً
مش شايف عيب واضح ياريت لو حد عارف عنها حاجة يفيدني

آه يا باشا والله متجوز وعندي سيف الدين عمره ثلاث سنوات ، ويا اقنعتها بحجات والله مش قليلة ، بس انا اصلا عندي مهارة شوية في عملية الاقناع دي عموما معاها ومع غيرها ..
ربنا يعنا ويعينك يا باشا ، عموما ممكن تعملنا عزومة عائلية على الفطار عندك وأنا اقتعهالك

**tito2010** · 03-09-2009 11:44 PM

بصراحه انا مش شايف اى مقارنه بين الجيمنى والسيريون يا جماعه السوزوكى جيمنى 4x4 وكمان عالية وكمان فرق الجوده والشكل لصالح الجيمنى وكمان البراند فارق الداهاتسو عربيات رخيصه وكواليتى مش قد كده وكمان العربيه السيريون ورق و البودى شكله تعبان وكمان عفشتها تعبانه بصراحه انا شايف الجيمنى ليس ليها مقارنه بس مشكلتها انها غاليه 99900 وبابين بس اشيك كتير والغالى تمنه فيه

**tito2010** · 03-09-2009 11:54 PM

على فكره 99900 دى بتبقى اوتوماتيك لكن مش فيها جنوط ومش فيها زجاج ملون ومش فيها حساست مطر ومش فيها فرش جلد ومش فيها الزينون طبعا انت مستغرب من الامكانيات لكن هى بتنزل فى كل حته بالامكانيات دى ماعدا مصر علشان الجمارك لان الحاجات دى هتخليها تعدى 120 الف وطبعا هتكون غاليه اوى لكن انا شايف الامكانيات الحاليه كويسه جدا بردو زجاج امامى كهرباء وتييف وباور وكاسيت سي دى ومش فيها بعض الالوان زى الابيض و الازرق الكريستالى والاحمر و الاسود الالوان الموجوده الكحلى الاخضر الدهبى بالطلب واعتقد عليها عرض فى رمضان 95000 تقريبا لكن مش اعرف العرض ده خلص ولا لأ