مشربتش من نيلها ولا جربت اغنيلها بس بحبها

**Amrrr** · 03-09-2009 12:48 PM

عنوان الموضوع فيه الخلاصة

**dr_timo** · 04-09-2009 02:04 AM

المشاركة الأصلية كتبت بواسطة bassemali

كلنا بنحب مصر ... ممكن تختلف درجات الحب دي من واحد للتاني ... حتى اللي مش عاجباه المواقف دي أو مش حاسس هيا أد أيه جميله ومؤثره وحلوه وبتدينا أمل أننا نكون أحسن ونقف جنب بعض ونحب بعض ... برضه بيحب مصر ... ولازم نعرف أن الخير والشر في كل مكان موجود .. لكن مافيش حاجه أسمها ( البلد كلها وحشه وزفت ) لأنها لو كانت كده أبسط حاجه ماكنتش حضرتك هتقدر تكتب الكلام ده دلوقت ... وماكنتش هتشوف المواقف دي بتحصل ..ز لكن البلد كويسه جداااااا وبخير وصدقوني والله العظيم والله العظيم أنا عايش في السعوديه بشتغل بقالي 3 سنين مش عايز أقولكم أن بلدنا أحسن 100 مره من بلاد تانيه كتير أنا هنا بشتغل مديرا للمكاتب الأماميه في أحد الفنادق بالمدينة المنوره ( جنب الرسول عليه الصلاة والسلام ) وأقسم بالله أتنصب عليا وأتخدت فلوسي من المكان اللي كنت بشتغل فيه الأول ولا قدرت أفتح بقي لأن لو كنت أخدت أي خطوه كان الظلم هيبقى أكثر قسوه ... لكن أحتسبت الأجر عند الله وقولت حسبي الله ونعم الوكيل لأني فعلا ماقدرتش أعمل حاجه ... كنت عاجز تماما عن أخد حقي مش أنا أتكلت على الله وبس ولم أسعى لأخذ حقي لكن ماكانش في أيدي حاجه أعملها ... وساعتها قعد معايا واحد صاحبي وقاللي : بس عشان تعرف أن من خرج من داره أتقل مقداره ... وماكانتش مصر عاجبانا أديك جيت ياأخويا وشوفت الخير كله .. وقاللي أن أحنا بقينا في زمن مايعلم بيه الا ربنا بقت فيه بلاد الكفره أحسن من بلد الرسول عليه الصلاة والسلام ... بس عشان ماحدش يفتكر أن مصر هيا اللي فيها البلاوي كلها وبقيت البلاد ملائكه ... لا ياحضرات بلدنا أحسن والله من مليون بلد تانيه لو بصينا لها كده ... وكل واحد حاول يعمل الصح بعيدا عن أن غيره بيغلط .. إن شاء الله حالها هينصلح وهتبقى أحسن من كده بكتير بيا وبيكوا وبناس زي أصحاب الموقفين اللي مذكورين فوق . وأسف للإطاله

شكرا ياباسم عالكلام الجميل دة والله يكون في عونك ويرجعك لينا بالسلامة ان شاء الله

**dr_timo** · 05-09-2009 03:53 AM

المشاركة الأصلية كتبت بواسطة abzoabzo

ولا حاجة من ده ومش بفكر او عندى نية لحبها على ايه بس والى مش مصدقنى ممكن يلبس نظارة توضحلوا الرؤية البلد ده مش بتاعتنا ربنا يزدهم ويباركلهم فيها

مهو عشان في كتير زي حلاتك كدة بيقولو مش بتاعتنا فبيفتكرو فعلا انها بتاعتهم مش بتاعتنا بس هية بتاعتنا بقي وبحبها

**Mosmafa** · 05-09-2009 06:08 AM

اللي مسافرش برة معرفش قيمة بلده والناس اللي جوة بلده
عموما معظم المصريين بيتعاملو برة زي الزفت لانه بيتقال عليهم كلمة مش عايز اقولها
اللي محضرش رمضان في مصر محضرش رمضان في حياته
من لمة عيلة وخير بيتعمل بدون حساب بعدي عن الخيم والبدع الجديدة دي
اللي محضرش اعياد في مصر محضرش عيد في حياته
انا عن نفسي اتربيت في روض الفرج و شفت معاني الرجولة والشهامة والحمد لله اتربيت عليها
مفيش الكلام ده برة نهااااااااااااااااااااااا ااااااااااائئئئئئئئئئيييي ييييييييي والله ولا اي بلد

مصر حلوة اوي و جميلة اوي
بنزل الف فيها بليل خالص و الدنيا هو بشوف مناظر في منتهى منتهى منتهى الجمال
كل محافظنها جميلة مش القاهرة بس ولا اسكندرية بس
انا معرفش بصراحة في ايه بيني وبين البلد دي
بعشقها والله بعشقها
وان كنت بلوم مصر فمشلوم بلدي انا بلوم اللي بيسرق بلدي و بيسرق قوت و قوت اخواتي
اللي بيشرد ناس عشان يسكن في قصر ااااااااااااااااااااااااد كده
واللي بيجوع ناس بالهبل عشان يرمي اكل بالهبل كل يوم في الزبالة

كل اللي بيتقال من سلبيات ده لازم نحس بيه ونغيره و نفوق وننضف من جوانا
انا بحلم كل يوم ارفع اسم بلدي عالي عالي اوي
ونبقى التوب في كل حاجة صناعة وزراعة والاهم بني ادم يبقى محترم في اي مكان
يتعمله حساب في اي بلد

بحلم و ان شاء الله حلمي هيتحقق لاني بحبها زي ما اي مصري بيحبها
واتحدى اي بني ادم ايا كان ان كام في مصري بيكره بلده وجرب شوف مصر لو حد غريب شتمها هيحصب ايه
يمين بالله كانه غلط في والدتك او والدك ومش هتسكتله

انا بحب بلدي و متأكد ان كل واحد في المنتدى ده بيحب مصر ويمكن اكتر مني

**tutankhamoun** · 05-09-2009 06:23 AM

جميل أوي الموضوع ده .
زمان ........................... كان اللي يقول كلمة على مصر سلبية يسمع مني في محاضرة في الوطنية .
مع مرور الوقت . و التعلم .... و مقابلة شعوب مختلفة في بلادهم .... عرفت و أتعلمت حاجات كتيرة .

عرفت أن حُب البلد مش بالكلام .......... و حُب المجتمع مش بالكلام .
لازم يكون الحب ده مُترجم لعمل ايجابي في حياتك .

يعني اللي بيحب مصر بالكلام ...... و يفتح زجاج العربية و يرمي زبالة يبقى أكبر منافق في البلد.
و اللي بيحب مصر بالكلام ..... و يعمل غرزة مميتة يعرض فيها حياة الناس للخطر يبقى أكبر منافق في البلد.
و اللي يرمي زبالة في النيل ....... و اللي يرمي زبالة في الشارع ........ و اللي يخرب ممتلكات الدولة و الشعب ........كُل دول منافقين .

إن كان على الكلام ....... فالكلام مفيش أسهل منه ...... و أحنا أصلا شعب الكلام .

الناس اللي بتشجع غيرها على شراء منتجات مستوردة و ترك و هجر المنتج المصري ...... دي ناس مش بتحب مصر . حتى لو قعد يقول أن بموت في حب مصر .

لأن زي ما قلت الحب مش بالكلام .......... الحب بالفعل .
زي لو حصل حرب ........ لو قعدنا نقول بنحب مصر من هنا للسنة الجاية ..... الأرض مش هاتتحرر .
و لكن تُظهر حُبك لمصر ......بالانضمام للجيش إذا أحتاجك الجيش ....... و تُحارب لتحرر أرضك و تنقذ نساء و أطفال بلدك من الأعداء .

أنتقاد السلبيات و محاولة تحسينها هو مظهر من مظاهر حب البلد ............

و على فكرة ............
مش كل البلاد بتعامل المصريين معاملة وحشة .
لأن المصري أو الإنسان قادر بُحسن الخلق يكتسب أحترام الجميع .

و لو أتكلمنا عن السعودية مثلا :
أغلب العمال المصريين اللي فيها من ذوي قليلي التعليم و أصحاب الفهلوة و النصاحة ........ و بالتالي هناك وجه أخر للمصريين بيظهر للناس دي .
زمان قبل هوجة السفر ....... كان بيسافر الأطباء و المتعلمين فقط لتعليم أهل الخليج .
و بالتالي الناس دي كانت متربية كويس و متعلمين كويس و عندهم أخلاق و عينهم مليانة
و مع هوجة السفر في بداية السبعينيات ....... خرج من مصر نوعيات تانية من العمال فيهم الكويس و أغلبهم الناصح الفهلوي .....أو قليل التعليم و قليل الوعي ....... و هي دي الناس اللي أعطت أنطباع سيء عن المصريين في دول الخليج .
فبعد أن كانوا بيشوفوا المتعلمين المحترمين ........ ظهر لهم وجه أخر . ( و موجود في كل بلاد العالم ..... ناس كويسة و ناس لاءة )

عموما اللي بيحب مصر و بيحب المجتمع بتاعه و بيحب بلده و أهله
يكون ايجابي ..... بس مش بالكلام بس ...... نعمل اللي علينا ....... و اللي في أيدي كفرد هو اللي قدر أعمله ..... أعمله و لا أقلل منه .

يعني أشتري الصناعة المصرية الجيدة و نشجع أولاد بلدنا و مستثمرين بلدنا .
أحافظ على نظاافة شوارع مصر و لا ألقي بمهملاتي من السيارة أو المنزل .....

أقف الطابور و أحترم غيري على الطريق ...... و في البنوك و مكاتب البريد و خلافه .

هو ده حب البلد ..... هو ده اللي هايطور البلد ........ مش الكلام .

مع تحياتي لكم جميعا و تحياتي لصاحب الموضوع د تيمو .

**as01241** · 05-09-2009 12:07 PM

المشاركة الأصلية كتبت بواسطة tutankhamoun

جميل أوي الموضوع ده .
زمان ........................... كان اللي يقول كلمة على مصر سلبية يسمع مني في محاضرة في الوطنية .
مع مرور الوقت . و التعلم .... و مقابلة شعوب مختلفة في بلادهم .... عرفت و أتعلمت حاجات كتيرة .

عرفت أن حُب البلد مش بالكلام .......... و حُب المجتمع مش بالكلام .
لازم يكون الحب ده مُترجم لعمل ايجابي في حياتك .

يعني اللي بيحب مصر بالكلام ...... و يفتح زجاج العربية و يرمي زبالة يبقى أكبر منافق في البلد.
و اللي بيحب مصر بالكلام ..... و يعمل غرزة مميتة يعرض فيها حياة الناس للخطر يبقى أكبر منافق في البلد.
و اللي يرمي زبالة في النيل ....... و اللي يرمي زبالة في الشارع ........ و اللي يخرب ممتلكات الدولة و الشعب ........كُل دول منافقين .

إن كان على الكلام ....... فالكلام مفيش أسهل منه ...... و أحنا أصلا شعب الكلام .

الناس اللي بتشجع غيرها على شراء منتجات مستوردة و ترك و هجر المنتج المصري ...... دي ناس مش بتحب مصر . حتى لو قعد يقول أن بموت في حب مصر .

لأن زي ما قلت الحب مش بالكلام .......... الحب بالفعل .
زي لو حصل حرب ........ لو قعدنا نقول بنحب مصر من هنا للسنة الجاية ..... الأرض مش هاتتحرر .
و لكن تُظهر حُبك لمصر ......بالانضمام للجيش إذا أحتاجك الجيش ....... و تُحارب لتحرر أرضك و تنقذ نساء و أطفال بلدك من الأعداء .

أنتقاد السلبيات و محاولة تحسينها هو مظهر من مظاهر حب البلد ............

و على فكرة ............
مش كل البلاد بتعامل المصريين معاملة وحشة .
لأن المصري أو الإنسان قادر بُحسن الخلق يكتسب أحترام الجميع .

و لو أتكلمنا عن السعودية مثلا :
أغلب العمال المصريين اللي فيها من ذوي قليلي التعليم و أصحاب الفهلوة و النصاحة ........ و بالتالي هناك وجه أخر للمصريين بيظهر للناس دي .
زمان قبل هوجة السفر ....... كان بيسافر الأطباء و المتعلمين فقط لتعليم أهل الخليج .
و بالتالي الناس دي كانت متربية كويس و متعلمين كويس و عندهم أخلاق و عينهم مليانة
و مع هوجة السفر في بداية السبعينيات ....... خرج من مصر نوعيات تانية من العمال فيهم الكويس و أغلبهم الناصح الفهلوي .....أو قليل التعليم و قليل الوعي ....... و هي دي الناس اللي أعطت أنطباع سيء عن المصريين في دول الخليج .
فبعد أن كانوا بيشوفوا المتعلمين المحترمين ........ ظهر لهم وجه أخر . ( و موجود في كل بلاد العالم ..... ناس كويسة و ناس لاءة )

عموما اللي بيحب مصر و بيحب المجتمع بتاعه و بيحب بلده و أهله
يكون ايجابي ..... بس مش بالكلام بس ...... نعمل اللي علينا ....... و اللي في أيدي كفرد هو اللي قدر أعمله ..... أعمله و لا أقلل منه .

يعني أشتري الصناعة المصرية الجيدة و نشجع أولاد بلدنا و مستثمرين بلدنا .
أحافظ على نظاافة شوارع مصر و لا ألقي بمهملاتي من السيارة أو المنزل .....

أقف الطابور و أحترم غيري على الطريق ...... و في البنوك و مكاتب البريد و خلافه .

هو ده حب البلد ..... هو ده اللي هايطور البلد ........ مش الكلام .

مع تحياتي لكم جميعا و تحياتي لصاحب الموضوع د تيمو .

+111111111111111111111