مفيش حد معاه سيفيك 92 ؟ او 93 , 94

**Shocky** · 10-11-2007 11:39 PM

صح كلامك
بص انا كنت قاعد بدور لقيت الاعلان دا دا اللي انا عايزه بالضبط انا مش عارف ليه العربيه معروضه بالسعر دا مع
http://www.car100100.com/car_details.php?car=2826
كل الكماليات دي..ايه رايك؟
ولو هاجيب ex تفرق ايه 92 او 93 او 94 ولو عايز اعمل نفس اللي في الاعلان هيكلفني نفس اللي قلته ولا ايه لان لو كده اشتري واحده زي دي احسن

معاش انا طولت عليك قوي
بس عايز رايك في الموضوع؟

العربية المعروضة دى بأمانة جميلة جدا ماشاء الله وفيها كماليات زيادة زى الطارة الاسبور و الجنوط و الفرش و الأكصدامين اللى ادام واللى ورا متغيرين و فوانيس رنجات و كريستال وفوجات وكاسيت سى دى ,,, سعرها رائع ولكن دة يخليك تشك برضو وتكشف عليها كشف دقيق جدا بعد كبس الموتور , خلى سمكرى تبعك يبص عليها و ياريت لو ميكانيكى كمان يبص عليها تانى , لإن العربية سعرها رائع

وبالنسبة للفروق بين الموديلات 92 93 94 مفيش فرق فى الشكل و الكماليات , كل الفرق فى السنة مش اكتر الأحدث فالأقدم

من رأيى العربية جميلة وتستاهل سعرها لكن فاصل معاه لإن محدش بيحط سعر نهائى وربنا يوفقك إن شاء الله

واوعى تنسى تكشف عليها كويس جدا

ولو فى اى سؤال تانى لا تتردد

**medo_2060** · 11-11-2007 08:14 AM

المشاركة الأصلية كتبت بواسطة 00007

صح كلامك
بص انا كنت قاعد بدور لقيت الاعلان دا دا اللي انا عايزه بالضبط انا مش عارف ليه العربيه معروضه بالسعر دا مع
http://www.car100100.com/car_details.php?car=2826
كل الكماليات دي..ايه رايك؟
ولو هاجيب ex تفرق ايه 92 او 93 او 94 ولو عايز اعمل نفس اللي في الاعلان هيكلفني نفس اللي قلته ولا ايه لان لو كده اشتري واحده زي دي احسن

معاش انا طولت عليك قوي
بس عايز رايك في الموضوع؟

العربية المعروضة دى بأمانة جميلة جدا ماشاء الله وفيها كماليات زيادة زى الطارة الاسبور و الجنوط و الفرش و الأكصدامين اللى ادام واللى ورا متغيرين و فوانيس رنجات و كريستال وفوجات وكاسيت سى دى ,,, سعرها رائع ولكن دة يخليك تشك برضو وتكشف عليها كشف دقيق جدا بعد كبس الموتور , خلى سمكرى تبعك يبص عليها و ياريت لو ميكانيكى كمان يبص عليها تانى , لإن العربية سعرها رائع

وبالنسبة للفروق بين الموديلات 92 93 94 مفيش فرق فى الشكل و الكماليات , كل الفرق فى السنة مش اكتر الأحدث فالأقدم

من رأيى العربية جميلة وتستاهل سعرها لكن فاصل معاه لإن محدش بيحط سعر نهائى وربنا يوفقك إن شاء الله

واوعى تنسى تكشف عليها كويس جدا

ولو فى اى سؤال تانى لا تتردد

شكرا ليك على ردك الجميل
ولو معندكش مانع تكتب ايميلك للتواصل عشان نستفيد من بعض دائما سواء في العربيه الاسطوره دي او غيرها
ان شاء الله هاستنى رد منك
وجزاك الله كل خير

**Shocky** · 11-11-2007 06:20 PM

شكرا ليك على ردك الجميل
ولو معندكش مانع تكتب ايميلك للتواصل عشان نستفيد من بعض دائما سواء في العربيه الاسطوره دي او غيرها
ان شاء الله هاستنى رد منك
وجزاك الله كل خير

العفو ياباشا على إية بس
هبعتلك الإيميل فى رسالة خاصة إن شاء الله
وشكرا لكلامك الجميل

**medo_2060** · 11-11-2007 07:43 PM

المشاركة الأصلية كتبت بواسطة 00007

شكرا ليك على ردك الجميل
ولو معندكش مانع تكتب ايميلك للتواصل عشان نستفيد من بعض دائما سواء في العربيه الاسطوره دي او غيرها
ان شاء الله هاستنى رد منك
وجزاك الله كل خير

العفو ياباشا على إية بس
هبعتلك الإيميل فى رسالة خاصة إن شاء الله
وشكرا لكلامك الجميل

الله يخليك وشكراا مره تانيه

**khaledloda** · 12-11-2007 10:14 PM

شكرا عالمعلومات القيمة اللي في الموضوع

**Shocky** · 13-11-2007 11:28 PM

شكرا عالمعلومات القيمة اللي في الموضوع

العفو واهلا بك , ولو ليك أى سؤال بخصوص الموديل دة اتفضل

**ahmedzalita** · 14-11-2007 07:05 AM

السلام عليكم,
انا الحمد لله ربنا رزقني بهوندا سيفيك EX93 اتوماتيك و الحمد لله السيارة حالتها ممتازة .....

لكن, انا بحس برجرجة لما اطلع علي الD و بتكون قوية قوي لما بشغل التكييف فهل هذا من الكهرباء ام من قواعد الماتور؟
انا فوانيسي مش كريستال فكيف اذا ركبت رينجات هيبانوو ؟؟ ويتركبوا فين بنظافة في الحرفيين ؟وبكام؟وهل بورسعيد افضل؟
ما هي الرينجات وما هي اللينسات ؟
النور البمبي(شفتشي 8) ) الامامي الاقيه فين و بكام ؟
لو غيرت نور او شكل العدادت تتكلف كام؟
عداد الRPM بكام؟
بين الكرسيين فيه فراغ كده كيف يمكن استغلاله؟
كل الكاوتش حول الزجاج الامامي و الخلفي لازم يتغير فين و بكام ؟

**ahmedzalita** · 14-11-2007 09:24 AM

اسف لكن هنالك اشياء اخري:
القماش اللي في الباب ممكن يتغير ؟ فين و بكام؟
الاوكر الداخلية ممكن تتغير بنواكل لتعطي الفخامة ولا بتدهن؟
ممكن اعمل فتحة او بانوراما و اكيد لو هعملها تبقي في بورسعيد علشان ارخص و انظف ,صح؟
شوف اللينك ده : شوف النور و البانوراما
http://www.youtube.com/watch?v=9bCV-fNHkIg

**Shocky** · 14-11-2007 03:11 PM

السلام عليكم,
انا الحمد لله ربنا رزقني بهوندا سيفيك EX93 اتوماتيك و الحمد لله السيارة حالتها ممتازة .....

لكن, انا بحس برجرجة لما اطلع علي الD و بتكون قوية قوي لما بشغل التكييف فهل هذا من الكهرباء ام من قواعد الماتور؟
انا فوانيسي مش كريستال فكيف اذا ركبت رينجات هيبانوو ؟؟ ويتركبوا فين بنظافة في الحرفيين ؟وبكام؟وهل بورسعيد افضل؟
ما هي الرينجات وما هي اللينسات ؟
النور البمبي(شفتشي ) الامامي الاقيه فين و بكام ؟
لو غيرت نور او شكل العدادت تتكلف كام؟
عداد الRPM بكام؟
بين الكرسيين فيه فراغ كده كيف يمكن استغلاله؟
كل الكاوتش حول الزجاج الامامي و الخلفي لازم يتغير فين و بكام ؟

وعليكم السلام
مبروك عليك العربية وربنا يديك خيرها ويكفيك شرها إن شاء الله

المشكلة الأولى من الكهربا إن شاء الله , اظبطها وبإذن الله مش هتلاقى المشكلة دى تانى

بالنسبة للفوانيس , الرينجات بتبان بشكل طبيعى حتى لو قديمة والوش مغيم , مابالك لو جديدة هيبقى شكلها إية وابقى بص على العربية اللى فى توقيعى والشكل اللى فيهم دة اللى عندى , مسألة تركيبهم بنظافة انا معرفش محل معين , لكن ممكن اديك اسم جروب فى الفيس بوك Face Book وهم شباب متخصصين فى الليدات للفوانيس الخلفية للسيارات وبالتالى إن شاء الله هيفيدوك فى موضوع الرنجات , دة بالإضافة لإن فوانيس الهوندا 92 93 94 منتشرة جدا فى مصر والدنيا كلها , يعنى لو عايزهم جاهزين هتلاقيهم إن شاء الله , كل ما عليك بس انزل دمشق و بص عند السجان و كذا واحد جمبة و إن شاء الله هتلاقى طلبك , لو ملقيتقوش بص عند الجروب اللى هقولهولك ولو برضو ملقتش فى القاهرة يبقى كلم اى حد بورسعيدى يبعتهملك و تبعتلة الفلوس بعد الإتفاق على شكلهم وهكذا وطبعا تكون بتثق فية , بالنسبة لأسعار الفوانيس الأمامية ممكن تكون فى حدود 800 : 900 جنية( انا كتبت السعر دة على حسب اسعار الفوانيس الخلفية لإنها قريبة منها فى السعر , نظراً لإنى مشترتش رنجات و العربية كانت جاية فيها الرنجات)

الفرق بين الرنجات و اللنسز , الرنجات زى اللى انت شايفهم فى التوقيع , اما اللنسز فهى عدسات عاكسة بتتركب فى الغالب مع الزينون عشان تحدد الاتجاة بتاع الضوء و ميكونش فارش ادام العربية بشكل عام , بل يتحدد فى مكان ويكون مفيد و غير مؤذى للناس

بالنسبة للنور البمبى الأمامى , برضو موجود فى دمشق إن شاء الله وهتلاقى الوان كتير كمان إن شاء الله , بالنسبة للسعر انا معنديش فكرة عن سعرهم لإنى مشترتش حاجة زى كدة

بالنسبة لنور العدادت و شكلها هى عبارة عن ورقة او كرتونة او بلاستيكة صغيرة بتتحط مكان القديمة لإنك متقدرش تغير العدادت نفسها لإن دى تكلفة كبيرة , بالنسبة لتفيير الشكل نفسة هتلاقيها رخيصة متقلقش من تمنها انما تركيبها انا مش عارف إزاى بتتفك الحاجات دى

بالنسبة لعداد RPM المنفصل لة اسعار كتير اوى من اول 30 جنية وفى ب 70 و اسعار تانية طبعا على حسب الجودة وهو موجود فى التوفيقية إن شاء الله

بالنسبة للفراغ اللى بين الكرسيين فى صندوق بيتحط فى الكونسول الوسطى , وهو صندوق صغير كدة لحفظ السى ديهات او المتعلقات الخاصة بيك , ولة اشكال كتير جدا وبيكون لة قاعتين حديد بيمسكوا فى البلاستيك اللى محاوط الهاند بريك بتاعة العربية , وهجيبلك صور معظم الحاجات فى الرد القادم إن شاء الله , وبالمناسبة انا شفت واحد شكلة جميل فى شارع دمشق بس مسألتش عن سعرة بصراحة لإن عندى واحد

بالنسبة بقى لمسألة الكاوتش اهى دى بصراحة انا معرفش مكانها , انما انا اعتقد ان دة شغل الحرفيين

يبقى انت كدة معظم الكماليات هتلاقيها فى دمشق و الحاجات اللى انت كاتبها مش مكلفة متقلقش إن شاء الله , ماعدا طبعا الرنجات الأمامية لأنك هتغير الفانوسين وهتكون الفوانيس الجديدة بمكان الإشارة لإنها قطعة واحد

**Shocky** · 14-11-2007 03:22 PM

اسف لكن هنالك اشياء اخري:
القماش اللي في الباب ممكن يتغير ؟ فين و بكام؟
الاوكر الداخلية ممكن تتغير بنواكل لتعطي الفخامة ولا بتدهن؟
ممكن اعمل فتحة او بانوراما و اكيد لو هعملها تبقي في بورسعيد علشان ارخص و انظف ,صح؟
شوف اللينك ده : شوف النور و البانوراما
http://www.youtube.com/watch?v=9bCV-fNHkIg

- هو انت عندك فى الباب قماش مش بلاستيك ؟؟ عموما هو بيتغير عند سروجى بس مش اى حد , انت انتظر لحد ما تنوى تغير الفرش , وركب فرش جلد و ارضية و فرش ابواب و سقف بنفس اللون , هو مكلف اه بس هيغير من العربية بشكل جذرى من جوة و هتبقى اجمل بكتير لإن تغييرة لوحدة مش هيبقى مهم اوى حتى لو فى قطع لإن تغيير الحاجات دى بيبقى احسن مع بعضة وممكن فرش الأبواب فقط يتكلف فى حوالى 150 او 200 جنية , لكن انا منصحكش تغيرة لواحدة

- بالنسبة للأوكر الداخلية انا رأيى تخليها زى ما هيا بلونها الرمادى الغامق لإنة احسن و غير كدة اى حاجة هتحطها هتتقشر زى ما بيحصل فى النوبيرا ال 2001 و اللى زيها , الحاجات دى بتتقشر مهما عملت فيها لذلك سيبهم فى حالتهم دى لإن دى هتبقى مصاريف عليك على الفاضى بصراحة

- موضوع فتحة السقف او البانوراما دى غلط جدا جدا , مجرد لعب فى سقف العربية او قص او اى شئ , هيقلل من سعر العربية عند البيع , حتى لو حضرتك عملتها عند ارابكوم اللى هى فتحة سقف كهربا , هما بيعملوها متقفة وكل حاجة وبسعر 3500 جنية بس برضو حتى لو معابتش العربية فى استعمالها كتسريب مية و خلافة , هتعيب العربية عند البيع , لإن اول سؤال هتتسألة حضرتك عند البيع , العربية دى ex ولا si وبما انها ex زى ما انت قولت إذن المفروض انها من غير فتحة سقف , نصيحتى ليك بكل صدق والله بلاش فتحة او بانوراما خالص , انا شفت الفيديو اللى انت حاططة بس الشاب دة حر فى اللى هو عاملة وصدقنى دة بيعيب العربية ويقلل سعرها رغم الشكل الجميل

- انا شفت الفيديو وفهمت قصدك , بالنسبة للفتحة انا لا انصح بها وقلت اسبابى , بالنسبة للنور البمبى هو عاملة كدة عشان خاطر لون عربيتة بس , يبقى انت كمان حاول تعمل لون عربيتك , ولو لون عربيتك غامق يبقى خلي النور ابيض تلجى وبيبقى شكلة جميل جدا بليل و مش لون غريب بالعكس لونة مألوف جدا وطبيعى

نصيحتى العامة ليك : لو فى مع حضرتك فلوس و عايز تصرف على العربية , ابدأ أولاً بالفرش الداخلى لإن دة من اهم الحاجات فى العربية , وتانى حاجة الفوانيس الأمامية و الخلفية لإن دول برضو من الحاجات اللى بتأثر جامد على شكل العربية وبعد كدة ابقى اعمل الباقى

والسلام عليكم